2 Samel 6:12 - Maktub gə́ To gə Kəmee

¹² Deḛ ree d’ula mbai Dabid lé pana: Njesigənea̰ tɔr ndia dɔ njémeekəije’g lə Obed-Edɔm ləm, gə dɔ néje lai gə́ to kea̰ ləm tɔ mbata sa̰duk-manrɔ lə Ala. Yen ŋga Dabid ḭ aw ndá yeḛ ar dee d’un sa̰duk-manrɔ lə Ala gə́ to mee kəi’g lə Obed-Edɔm lé ree ne mee ɓee-boo’g lə Dabid gə rɔlel.

2 Samel 6:12 ပူးပေါင်းရင်းမြစ်များ

2 Samel 5:7

Nɛ Dabid taa kəi-kaar-kɔgərɔ gə́ Sio̰ lé. Yee ɓa to ɓee-boo lə Dabid tɔ.

1 Mbaije 8:1

Togə́bè ɓa mbai Salomo̰ mbo̰ ŋgatɔgje gə́ Israɛl rəa’g Jerusalem, gə deḛ lai gə́ to mbai dɔ ginkojije ləm, gə mbai dɔ gel-bɔje lə Israɛlje ləm tɔ mba kun sa̰duk-manrɔ lə Njesigənea̰ mee ɓee-boo’g lə Dabid gə́ to Sio̰ lé ree ne.

1 Mbaije 8:3

Loo gə́ ŋgatɔgje gə́ Israɛl lai ree mba̰ ndá njékinjanéməsje d’un sa̰duk-manrɔ lé ree ne.

1 Mbaije 8:4

Deḛ d’un sa̰duk-manrɔ lə Njesigənea̰ ləm, gə kəi-kubu-kiŋga-na̰ ləm, gə nékulaje lai gə́ to gə kəmee gə́ to mee kəi-kubu’g lé ləm tɔ ndá njékinjanéməsje gə Ləbije ɓa d’odo néje neelé ree ne tɔ.

1 Sôrta Gḭka-Israɛlje 15:15

Ŋgaka Ləbije lé d’un sa̰duk-manrɔ lə Ala dɔ tam dee’g gə kunda-kagje to gə́ Moyis un ne ndia ar dee gə goo tapa Njesigənea̰ lé.

1 Sôrta Gḭka-Israɛlje 15:25

Dabid gə ŋgatɔgje gə́ Israɛl gə mbai dɔ njérɔje gə́ tɔl dɔg-dɔg (1.000) lé d’un rəw gə rɔlel d’aw mba kun sa̰duk-manrɔ lə Njesigənea̰ gə́ to mee kəi’g lə Obed-Edɔm ree ne ɓée.

1 Sôrta Gḭka-Israɛlje 16:16

Gə dɔ manrɔ ləa gə́ yeḛ man ne rəa Ar Abrakam lé ləma, Gə dɔ ndukun gə́ yeḛ un Gə rɔkubu ar Isaak lé ləm tɔ.

1 Sôrta Gḭka-Israɛlje 26:4

Deḛ gə́ to ŋgalə Obed-Edɔm ɓa nee: Semaeja gə́ to gə́ ŋgondəree, Jojabad to njekɔm’g joo, Joa to njekɔm’g munda, Sakar to njekɔm’g sɔ, Netaneel to njekɔm’g mi,

1 Sôrta Gḭka-Israɛlje 26:5

Amiel to njekɔm’g misa̰, Isakar to njekɔm’g siri, Pultai to njekɔm’g jinaijoo tɔ, mbata Ala tɔr ndia dəa’g.

2 Sôrta Gḭka Israɛlje 5:2

Togə́bè ɓa mbai Salomo̰ mbo̰ ŋgatɔgje gə́ Israɛl ləm, gə mbai dɔ ginkojije lai ləma, gə mbai dɔ gel-bɔje lə Israɛlje lai ləm tɔ dɔ na̰’g mee ɓee gə́ Jerusalem gə mba kar dee ree gə sa̰duk-manrɔ lə Njesigənea̰ gə́ to mee ɓee-boo’g lə Dabid gə́ to Sio̰ lé.

Matiyo 10:42

Nana ɓa gə́ a kun ŋgo-kai-mán gə́ kul kar dəw kára mbuna ŋganəmje’g neelé mbata yeḛ to njekwakilam ndá ma m’ula sí təsərə, debee neelé nékiŋga gə́ wɔji dəa ndá a lal nda̰ bèe el.