2 Samel 5:9 - Maktub gə́ To gə Kəmee

⁹ Dabid si kəi-kaar-kɔgərɔ’d gə́ ɓaree ɓee-boo lə Dabid lé. Yeḛ unda kəi-ŋgəm-looje gugu ne dɔ Milo dəb loo gə́ kəi’g ləm, gə debee gə́ raga’g ləm tɔ.

2 Samel 5:9 ပူးပေါင်းရင်းမြစ်များ

2 Samel 5:7

Nɛ Dabid taa kəi-kaar-kɔgərɔ gə́ Sio̰ lé. Yee ɓa to ɓee-boo lə Dabid tɔ.

2 Samel 5:8

Mee ndəa’g neelé Dabid pana: Nana ɓa gə́ ndigi dum dɔ Yebusje ndá a kaw teḛ kəm-rəw-mán’g ləm, nana ɓa gə́ a tɔl njémədje gə njékəmtɔje nee gə́ to njéba̰je lə Dabid ləm tɔ ndá, gelee gə́ nee ɓa deḛ pa ne pana: Njékəmtɔje gə njémədje d’a kandə mee kəi’g el.

2 Samel 6:10

Togə́bè Dabid ndigi kar dee d’un sa̰duk-manrɔ lə Njesigənea̰ lé d’aw ne rəa’g mee ɓee-boo’g ləa el ndá yeḛ ar dee d’aw ne mee kəi’g lə Obed-Edɔm, dəw gə́ Gat.

1 Mbaije 11:27

Aa ooje, né gə́ aree ḭ ne gə mbai lé ɓa nee: Loo gə́ Salomo̰ ar dee d’unda Milo lé ləm, gə gɔl ndògo-bɔrɔ lə bɔbeeje gə́ Dabid ləm tɔ ndá,

1 Mbaije 2:10

Dabid wəi ndá deḛ dubee dan mee ɓee-boo’g ləa.

1 Mbaije 9:15

Aa ooje, ta gə́ wɔji dɔ njéra kula gə́ raje gə́ mbai Salomo̰ ɔr dee mba kunda ne kəi gə́ wɔji dɔ Njesigənea̰ ləm, gə kəi gə́ wɔji dəa-yeḛ loo gə́ Milo ləma, gə ndògo-bɔrɔ gə́ Jerusalem, gə Asɔr, gə Megido, gə Gejer ləm tɔ.

1 Mbaije 9:24

Ŋgolə Parao̰ gə́ dené ḭ ɓee-boo’g lə Dabid aw kəi’g ləa gə́ Salomo̰ unda aree lé. Bèe ɓa Salomo̰ unda ne loo gə́ Milo tɔ.

2 Mbaije 12:20

Ges sorta néraje lə Joas, gə néje lai gə́ yeḛ ra lé ndaŋg taree mee Maktub-sorta néraje’g lə mbaije gə́ Juda lé ya.

2 Mbaije 12:21

Kuraje lə Joas d’ḭ d’ula njuma̰ mee na̰’g dəa’g tɔɓəi deḛ tɔlee mee kəi gə́ Milo gə́ to loo gə́ suru ɗum gə́ aw par gə́ Sila tɔ.

1 Sôrta Gḭka-Israɛlje 11:8

Yeḛ ila ndògo-bɔrɔ gugu ne dɔ ɓee-boo neelé un kudee loo gə́ Milo ləm, gə looje gə́ raŋg ləm tɔ, ndá Joab ɓa gɔl ges ɓee-boo gə́ nai lé tɔ.

2 Sôrta Gḭka Israɛlje 32:5

Ejekias wa rəa kɔgərɔ, yeḛ tel gɔl ndògo-bɔrɔ gə́ təd lé aree ḭta aw njal teḛ kaar kəije gə́ duu dɔ loo ləm, yeḛ tel unda ndògo-bɔrɔ gə́ raŋg gir loo gə́ raga, ar Milo gə́ to dan mee ɓee-boo’g lə Dabid lé ŋgəŋ ləma, tɔɓəi yeḛ wa dɔ gɔl nérɔje bula yaa̰ gə dərje ləm tɔ.

Nehemi 3:15

Salṵ, ŋgolə Kol-Hojé, mbai dɔ dəb ɓee gə́ ria lə Mispa gɔl tarəwɓee gə́ ria lə Kəm-rəw-mán. Yeḛ unda tarəwɓee lé ləm, tula tabidi-kəije gə pəgərəje gə kageeje keneŋ ləm tɔ. Tɔɓəi yeḛ unda ndògo-bɔrɔ kəm duu-mán gə́ Siloe gə́ to mbɔr loo-kamnaḭ’g lə mbai saar teḛ ne loo tuga ɗao-ɗao gə́ suru ɗum par gə́ ɓee-boo’g lə Dabid.

Pakɔsje 122:3

I Jerusalem lé to ɓee gə́ d’undai gə́ maji péd-péd Gə́ barkəmije d’wa na̰ məji-məji.

Esai 29:1

Meeko̰ a koso dɔ Ariel’g, dɔ Ariel’g, Ɓee-boo gə́ Dabid ra loo-siée keneŋ! Maji kar ləbee ɔs dɔ maree’g maree’g ləm, Maji kar ndɔ naḭje ləa d’aw lée’g béréré-béréré ləm tɔ.

Njéga̰g-Rəwtaje 9:20

Ɓó lé bèe el ndá maji kar pər ḭ rɔ Abimelek’g roo dəwje gə́ Sikem gə njémeekəije lə Milo ləm, maji kar pər ḭ rɔ dəwje’d gə́ Sikem gə njémeekəije lə Milo gə́ mba roo Abimelek ləm tɔ.

Njéga̰g-Rəwtaje 9:6

Dəwje lai gə́ d’isi Sikem ləm gə njémeekəije lə Milo ləm tɔ lé mbo̰ dɔ na̰, ree d’ɔr Abimelek’g d’undá gə́ mbai mbɔr kag-sɛnə’d gə́ mea̰a mee ɓee gə́ Sikem tɔ.