2 Samel 5:6 - Maktub gə́ To gə Kəmee

⁶ Mbai gə njé’g ləa d’ɔr rɔ d’aw Jerusalem mba rɔ gə Yebusje gə́ d’isi mee ɓee’g neelé. Deḛ lé d’ula Dabid pana: I a ree loo gə́ nee’g pai godo. Njékəmtɔje gə njémədje ya kara d’a kɔsi rəw. To asəna gə deḛ ndigi pana: Dabid a ree loo gə́ nee’g pai godo.

2 Samel 5:6 ပူးပေါင်းရင်းမြစ်များ

Gḭ-Néje 14:18

Melkisedek, mbai gə́ Salem lé ar dee ree gə muru gə mán-nduú. Yeḛ neelé to njekinjanéməs lə Ala gə́ Njekurdɔloo.

2 Samel 22:30

Mbɔl dɔi-i nja ɓa M’ur ne dan kudu-njérɔje’g ləm, Mbɔl dɔi-i Ala ləm lé ɓa M’al ne dɔ ndògo-bɔrɔ ləm tɔ.

Gosota-Kəmkàrje 21:22

Njekəmkàr andə mee ɓee-boo’d gə́ njeboo-néje, Yeḛ tuji nésiŋgamoŋje lə dee gə́ deḛ ndá ne meḛ dee kaḭ dɔ’g lé.

Jeremi 21:13

Njesigənea̰ pana: Aa ooje, seḭ gə́ síje ɓee-boo Gə́ to kəm wəl-loo’g Dɔ kɔr mbal gə́ ndag-loo’g lé Neḛ n’aw sə sí gə ta. To seḭ gə́ pajena: See na̰ ɓa a ree koma̰ sə sí wa, See na̰ ɓa a kandə kaw mee loo-si sí’g wa.

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Ǝbrəje 7:1

Melkisedek neelé to mbai dɔ Salem ləm, yeḛ to njekinjanéməs lə Ala gə́ Njesisémdara’g ləm tɔ. Loo gə́ Abrakam ḭ loo dum gə́ yeḛ dum ne mbaije’g ndá Melkisedek tila kəmee ləm, yeḛ tɔr ndia dəa’g ləm tɔ.

Jujé 10:3

Togə́bè Adoni-Sedek, mbai gə́ Jerusalem ula kula rɔ Hoham, mbai gə́ Ebro̰ ləm, gə rɔ Piream, mbai gə́ Jarmut ləm, gə rɔ Japia, mbai gə́ Lakis ləma, gə rɔ Dəbir, mbai gə́ Eglo̰ ləm tɔ pana:

Jujé 15:63

Judaje lé d’askəm tuba njé gə́ Yebus gə́ d’isi Jerusalem lé el ndá d’ar njé gə́ Yebus d’isi gə Judaje Jerusalem saar teḛ ne mee ndɔ gə́ ɓogənè lé tɔ.

Jujé 18:28

gə Sela, gə Elep, gə Yebus gə́ to Jerusalem, gə Gibea, gə Kirjat, d’as ɓee-booje dɔg-giree-sɔ gə ɓee-kogoje lə dee. Yee ɓa to dɔ naŋg lə ŋgaka Bḛjamije gə goo gel-bɔje lə deḛ gə́ d’iŋga gə́ né ka̰ dee lé tɔ.

Njéga̰g-Rəwtaje 1:21

Bḛjamije tuba Yebusje gə́ d’isi Jerusalem lé el ndá Yebusje d’isi gə Bḛjamije na̰’d Jerusalem saar teḛ mee ndəa gən tɔ.

Njéga̰g-Rəwtaje 1:8

Judaje rɔ gə njé gə́ Jerusalem ndá deḛ tɔl dee gə kiambas ləm, taa ɓee-boo roo ləm tɔ.