2 Samel 5:3 - Maktub gə́ To gə Kəmee

³ Togə́bè ɓa ŋgatɔgje gə́ Israɛl lai ree rɔ mbai’g mee ɓee gə́ Ebro̰ ndá mbai Dabid lé man rəa ar dee no̰ Njesigənea̰’g mee ɓee’d gə́ Ebro̰. Deḛ d’wa dəa gə ubu d’undá ne gə́ mbai lə Israɛlje.

2 Samel 5:3 ပူးပေါင်းရင်းမြစ်များ

2 Samel 2:4

Koso-dəwje gə́ Juda ree d’wa dɔ Dabid gə ubu mba kundá gə́ mbai lə Judaje. Deḛ d’ula Dabid pana: Dəwje gə́ Jabɛs gə́ Galaad ɓa d’ubu Sawul.

2 Samel 2:7

Maji kar ji sí ɓar mèr-mèr ləm, kar sí toje bao-rɔje ləm tɔ. Mbata mbai lə sí Sawul wəi ndá ma ɓa Judaje d’wa dɔm gə ubu mba k’undam gə́ mbai lə dee tɔ.

2 Samel 3:21

Abner ula Dabid pana: M’a kḭ kaw mbo̰ Israɛlje lai rɔ mbai’g ləm gə́ to mbai lé. D’a manrɔ dee kari ndá i a ko̰ɓee dɔ Israɛlje’g lai to gə́ məəi wɔji lé ya. Dabid ya̰ Abner aree aw gə meekulɔm.

1 Mbaije 1:34

Lée neelé ɓa Sadɔk, njekinjanéməs ləm, gə Natan, njetegginta ləm tɔ, d’a kwa dəa gə ubu mba karee to mbai lə Israɛlje. Seḭ a kimje to̰to̰ tɔɓəi seḭ a pajena: Maji kar dɔ mbai Salomo̰ ai səgərə.

2 Mbaije 11:17

Jeojoda ar ta manrɔ to mbuna Njesigənea̰’g gə mbai’g gə koso-dəwje mba kar dee to koso-dəwje lə Njesigənea̰ ya, tɔɓəi yeḛ ar ta manrɔ to mbuna mbai’g gə koso-dəwje’g tɔ.

1 Sôrta Gḭka-Israɛlje 11:1

Koso-dəwje lai gə́ Israɛl mbo̰ dɔ na̰ rɔ Dabid’g mee ɓee gə́ Ebro̰ d’ulá pana: Oo maji, jeḛ lai neelé n’toje sḭgarɔije ləm, gə darɔije ləm tɔ.

1 Sôrta Gḭka-Israɛlje 11:3

Togə́bè ɓa ŋgatɔgje gə́ Israɛl lai ree rɔ mbai’g mee ɓee gə́ Ebro̰ ndá Dabid man rəa ar dee mee ɓee gə́ Ebro̰ no̰ Njesigənea̰’g lé. Deḛ d’wa dɔ Dabid gə ubu d’aree to mbai gə́ Israɛl gə goo ta gə́ Njesigənea̰ ar Samel pa lé.

1 Sôrta Gḭka-Israɛlje 28:4

Njesigənea̰, Ala lə Israɛlje ɔrm mbuna dee-deḛ lai gə́ to gel-bɔje lə bɔm am m’to mbai lə Israɛlje saar gə nɔm, mbata yeḛ mbər Juda ɓa gə́ mbai ləm, yeḛ mbər gel bɔmje mbuna gel-bɔje’g lə Juda ləma, yeḛ mbərm-ma nja mbuna ŋgakɔmje’g lé am m’o̰ dɔ Israɛlje lai ləm tɔ.

2 Sôrta Gḭka Israɛlje 23:16

Jeojoda ləm, gə mbai lé ləma, gə koso-dəwje ləm tɔ lé manrɔ dee bər-bər gə mba to koso-dəwje lə Njesigənea̰ ya.

Teḛ-Raga 3:16

Maji kari aw mbo̰ ŋgatɔgje lə Israɛlje na̰’d ula dee pana: Njesigənea̰, Ala lə bɔ síje-je teḛ dɔm’g, Ala lə Abrakam, gə Isaak, gə Jakob tɔ. Yeḛ pana: Neḛ n’ila kəm neḛ dɔ sí’g, neḛ n’oo né gə́ deḛ ra sə sí mee ɓee gə́ Ejiptə’g tɔ,

Jujé 10:36

Juje gə Israɛlje lai d’ḭ Eglo̰ ndá d’aw d’ur dɔ Ebro̰’g gə rɔ.

Njéga̰g-Rəwtaje 11:11

Togə́bè ɓa Jepte ḭ aw gə ŋgatɔgje gə́ Galaad na̰’d. Dəwje d’unee d’undá gə mbai gə́ njekaa dɔ dee ndá taje lai gə́ Jepte pa kédé lé yeḛ tel pa no̰ Njesigənea̰’g loo gə́ Mispa’g tɔ.

1 Samel 11:15

Koso-dəwje lai d’ḭ d’aw Gilgal, d’aw d’unda Sawul gə́ mbai no̰ Njesigənea̰’g loo gə́ Gilgal. Lée neelé ɓa deḛ d’inja nékinjanéməsje gə́ ka̰ kɔm na̰’d no̰ Njesigənea̰’g keneŋ tɔɓəi lé neelé ɓa Sawul gə koso-dəwje gə́ Israɛl lai d’al rɔ dee gə boo-rɔkal keneŋ tɔ.

1 Samel 16:13

Samel un ubu gə́ ku-gaji-da’g lé ndá yeḛ wa ne dəa mbuna ŋgakea̰je’g tɔ. Ndil Njesigənea̰ dəb dɔ Dabid’g un kudee mee ndəa’g neelé saar gə́ kédé tɔ. Samel ḭ tel aw Rama.

1 Samel 23:18

Deḛ joo bɔr manrɔ dee d’ar na̰ no̰ Njesigənea̰’g ndá Dabid nai mee kag-kɔr’g lé nɛ Jonatan ɔd aw ɓee ləa.