2 Samel 5:23 - Maktub gə́ To gə Kəmee

²³ Dabid dəji Njesigənea̰ ndá Njesigənea̰ ulá pana: I a kaw el, nɛ turu rɔi goo dee’g gogo ndá i a kiŋga dee no̰ kag-kɔlje’g.

2 Samel 5:23 ပူးပေါင်းရင်းမြစ်များ

2 Samel 2:1

Gée’g gogo, Dabid dəji Njesigənea̰ pana: See m’a kaw mee ɓee gə́ kára mbuna ɓee-booje gə́ Juda wa. Njesigənea̰ ilá keneŋ pana: Aw! Dabid tel dəjee pana: See ɓee gə́ ra ɓa m’a kaw keneŋ wa. Ndá Njesigənea̰ tel ilá keneŋ pana: Aw Ebro̰.

2 Samel 5:19

Dabid dəji Njesigənea̰ pana: See m’a kḭ kaw rɔ gə Pilistije wa. See i a kya̰ dee jim’g ya wa. Ndá Njesigənea̰ ila Dabid keneŋ pana: Aw ya mbata m’a kya̰ Pilistije neelé jii’g ya.

1 Sôrta Gḭka-Israɛlje 14:14

Dabid dəji Ala ta ya ɓəi ndá Ala ulá pana: I a korè goo dee el, nɛ unda kaar deḛ gə́ dəb kára bèe ndá i a kiŋga dee loo gə́ wɔji dɔ kag-kɔlje njoroŋ tɔ.

Jujé 8:2

I a ra gə Ai gə mbai gə́ keneŋ to gə́ i ra ne gə Jeriko gə mbai gə́ keneŋ bèe ya tɔ. Nɛ seḭ a ŋgəmje nébanrɔ gə da-kulje gə mbata lə sí-seḭ. Maji kari ar njérɔje d’aw d’iya rɔ dee gir ɓee’g ɓa.

Jujé 8:7

Bèe ɓa seḭ a kḭje loo-kiya-rɔ sí’g teḛje raga ndá seḭ a taaje ɓee-boo gə́ Njesigənea̰, Ala lə sí ya̰ ji sí’g lé tɔ.

1 Samel 22:15

See ɓogənè ɓəi ɓa m’un kudu dəji ta Ala mbata ləa ɓəi wa. Wah! togə́bè el! Maji kar mbai ila ta kari ba dɔ kura’g ləa əsé dɔ dəw’g kára mbuna njémeekəije’g lə bɔbeeje el tɔ. Mbata ta neelé yeḛ gə́ lam əsé yeḛ gə́ boi kara kura ləi gər kára kara el.

1 Samel 23:2

Togə́bè Dabid dəji Njesigənea̰ pana: See m’a kaw rɔ gə Pilistije nee mba dum dee wa. Njesigənea̰ ilá keneŋ pana: Aw ndá i a dum dɔ Pilistije taa ne dɔ njé gə́ Keyila ya.