2 Samel 5:10 - Maktub gə́ To gə Kəmee

¹⁰ Dabid tel to dəw gə́ boo gə́ kédé-kédé mbata Njesigənea̰, Ala gə njeboo-néje lé nai səa ya.

2 Samel 5:10 ပူးပေါင်းရင်းမြစ်များ

Gḭ-Néje 21:22

Mee ndəa’g neelé Abimelek, deḛ gə Pikɔl gə́ to ɓé-njérɔje ləa d’aw rɔ Abrakam’g d’ulá pana: Ala nai səi dɔ néje lai gə́ i ra’g lé ya.

2 Samel 3:1

Rɔ aw gə́ kédé-kédé mbuna njé’g lə Sawul gə njé’g lə Dabid. Siŋga Dabid ḭ dɔ maree’d gə́ kédé-kédé nɛ ka̰ njé’g lə Sawul ɓa rəm gə́ gogo-gogo tɔ.

2 Samel 7:9

Ma m’nai səi looje gə́ rara kara gə́ i aw keneŋ ləm, ma m’tuji njéba̰je ləi nɔḭ’g ləma, ma m’ar rii ɓar to gə́ ri dəwje gə́ boo-boo gə́ d’isi dɔ naŋg nee ɓar ne bèe ləm tɔ.

2 Samel 8:14

Yeḛ unda dəw dɔ kudu-njérɔje’g mee ɓee gə́ Edɔm, yeḛ unda dee ar dee taa loo mee ɓee gə́ Edɔm lai ya. Bèe ɓa Edɔmje d’ula ne dɔ dee gel Dabid’g. Njesigənea̰ ar Dabid dum dɔ looje lai gə́ yeḛ aw keneŋ lé tɔ.

2 Samel 8:6

Dabid unda dəw dɔ kudu-njérɔje mee ɓee gə́ Aram gə́ Damas’g. Bèe ɓa Aramje d’ula ne dɔ dee gel Dabid’g ndá deḛ d’uga dɔ rɔ dee d’aree tɔ. Njesigənea̰ ar Dabid dum dɔ looje lai gə́ yeḛ aw keneŋ lé.

Maktub gə́ wɔji dɔ Jɔb 17:9

Lé bèe kara njera nédana aar njaŋg dɔ rəw-kabee’g ləm, Yeḛ gə́ njiá àr ŋgad-ŋgad lé siŋgá ḭ dɔ maree’d gə́ kédé-kédé ləm tɔ.

Pakɔsje 24:10

See na̰ ɓa to mbai gə́ njedo̰gɔr-ronduba lé wa. Njesigənea̰ gə́ njeboo-néje, Aa ooje, yeḛ nja ɓa to mbai gə́ njedo̰gɔr-ronduba lé ya.

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:7

Ginkoji dəwje gə raŋg lé d’aw dɔ na̰’d pum-pum D’ar ŋgira ɓeeko̰je gə́ dɔ naŋg nee yə, Yeḛ ar dee d’oo ndia ndá Dɔ naŋg ula déréré-dèrèrè gə ɓəl.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Ajee 2:4

Njesigənea̰ pana: Ɓasinè, i Jorobabel, wa rɔi kɔgərɔ! I Juje, ŋgolə Josadak, ŋgɔ-njekinjanéməs lé wa rɔi kɔgərɔ! Seḭ koso-dəwje lai gə́ mee ɓee’g lé waje rɔ sí kɔgərɔ! Njesigənea̰ ɓa pa bèe. Tɔɓəi raje kula! Mbata neḛ nja nai sə sí ya. Njesigənea̰ gə́ njeboo-néje ɓa pa bèe.

Lugu 2:52

Jeju lé ra tɔg ar kəmee àr raŋg raŋg ləm, ra tɔg gə́ darɔ’g ləma, yeḛ taa kəm Ala gə kəm dəwje ləm tɔ.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

1 Samel 18:12

Sawul ɓəl Dabid mbata Njesigənea̰ nai gə Dabid nɛ yeḛ uba Sawul yá̰.

1 Samel 18:14

Yeḛ teḛkɔr dɔ kula reaje’g lai mbata Njesigənea̰ nai səa ya.

1 Samel 18:5

Dabid teḛkɔr dɔ looje lai gə́ Sawul ulá aree aw keneŋ lé. Sawul aree si gə́ ɓée njérɔje ndá lel koso-dəwje lai ləm, kuraje lə Sawul ya kara lel dee ləm tɔ.