2 Samel 5:1 - Maktub gə́ To gə Kəmee

¹ Ginkoji Israɛlje lai d’aw rɔ Dabid’g mee ɓee gə́ Ebro̰ d’ulá pana: Aa oo, jeḛ n’toje sḭgarɔije ləm, gə darɔije ləm tɔ.

2 Samel 5:1 ပူးပေါင်းရင်းမြစ်များ

Gḭ-Néje 29:14

Yen ŋga Laba̰ pana: Tɔgərɔ ya, i to siŋgarɔm ləm gə dakasrɔm ya ləm tɔ. Ndá Jakob si rɔ Laba̰’g as naḭ kára doŋgɔ.

2 Samel 19:12

Mbai Dabid kara ula kula rɔ Sadɔk’g gə rɔ Abiatar’d gə́ to njékinjanéməsje lé pana: Ulaje ŋgatɔgje gə́ Juda dəji deeje pajena: See gelee ban ɓa seḭ a toje gə́ rudu deḛ gə́ d’a gə kar mbai tel ree mee kəi’g ləa lé wa. Mbata ta néje gə́ pa mbuna Israɛlje’g lai lé aw saar oso mbi mbai’g lé ya.

2 Samel 19:13

Seḭ toje ŋgakɔmje gə́ koji kəi kɔl ya. See gelee ban ɓa seḭ a toje gə́ rudu deḛ gə́ d’a gə kar mbai tel ree lé wa.

2 Samel 19:14

Seḭ a kulaje Amasa kara togə́bè pajena: See i to siŋgarɔm gə dakasrɔm el wa. Ɓó lé ɓogənè m’ari tel to ɓé-njérɔje ləm gə no̰ tor Joab’g el ndá maji kar Ala ra səm nédɔkudu ya.

2 Samel 19:43

Koso-dəwje lai gə́ Juda tel d’ila Israɛlje’g pana: To mbata mbai lé to njenoji lə síjeḛ gə́ pər ya, ŋga see ta ɗi ɓa to keneŋ ɓa mba kar meḛ sí o̰ sí ne wa. See mbai ɓa ar sí nésɔ wa. See yeḛ ar sí nénojije wa.

2 Samel 2:32

Deḛ d’un nin Ajael d’aw dubee dɔɓar bɔbeeje’g mee ɓee gə́ Betlehem. Joab gə njérɔje ləa d’aw loondul’g saar loo àr dɔ dee’g ndá deḛ teḛ Ebro̰ tɔ.

Njé gə́ Epesə 5:30

mbata jeḛ lé n’to barkəmrea ya.

Tel tura Godndu 17:15

seḭ a kundaje mbai gə́ Ala lə sí gə́ Njesigənea̰ a mbəree ɓa dɔ sí’g, seḭ a kunje dəw gə́ mbuna ŋgako̰ síje’g ɓa kṵdáje gə́ mbai ɓó seḭ a kasjekəm kundaje dəw-dɔ-ɓee gə́ to ŋgoko̰ sí el lé gə́ mbai lə sí el.

Ǝbrəje 2:14

Bèe ndá to gə́ ŋganje gə́ d’oji dee to məs gə dakasrɔ gə́ ḭ rɔ njékoji deeje’g ndá yeḛ kara un rəa-yeḛ togə́bè tɔ mba kar kwəi gə́ yeḛ wəi ne ɓa yeḛ a tuji ne njekurai gə́ to njesiŋgamoŋ lə yoo ləm,

Jujé 10:36

Juje gə Israɛlje lai d’ḭ Eglo̰ ndá d’aw d’ur dɔ Ebro̰’g gə rɔ.

Njéga̰g-Rəwtaje 9:2

M’ra ndòo rɔ sí’g gə mba kar sí ilaje ta nee mbi dəwje lai gə́ d’isi Sikem lé pajena: See kar dəwje rɔ-siri gə́ to ŋgalə Jerubaal d’o̰ ɓee dɔ sí’g ɓa maji əsé kar dəw kára ba o̰ ɓee dɔ sí’g ɓa maji wa. Tɔɓəi arje meḛ sí olé dɔ’g to gə́ ma m’to njenoji lə sí gə́ koji kəi kɔl ləm m’to məs sí ləm tɔ.