2 Samel 4:5 - Maktub gə́ To gə Kəmee

⁵ Bèe ɓa ndɔ kára bèe loo gə́ kàr nuŋga kəd-kəd ndá ŋgalə Rimo̰ gə́ Beerot gə́ ri dee lə Rekab gə Baana lé ree kəi lə Is-Boset loo gə́ yeḛ wa rəa keneŋ mbata kàr aar daŋdɔ.

2 Samel 4:5 ပူးပေါင်းရင်းမြစ်များ

2 Samel 11:2

Kàrkemetag gə́ kára bèe ndá Dabid ḭ loo-tée’g. Loo gə́ yeḛ aw njaa dɔ kəi’g ləa gə́ tar gə́ to kəi-mbai lé ndá yeḛ oo dené kára gə́ aar ndogo mán, yeḛ to dené gə́ ma̰də yaa̰ tɔ.

2 Samel 2:8

Lée togə́bè kara Abner, ŋgolə Ner gə́ to ɓé-njérɔje lə Sawul lé un Is-Boset, ŋgolə Sawul aree dəs aw Mahanayim.

2 Samel 4:2

Mbai dɔ kudu-njérɔje lə ŋgolə Sawul lé deḛ joo, yeḛ gə́ kára ria la Baana ləm, yeḛ gə́ raŋg ria lə Rekab ləm tɔ. Deḛ to ŋgalə Rimo̰, dəw gə́ Beerot, deḛ to gə́ ginkoji’g lə Bḛjamije. Mbata Beerot lé kara d’ée gə́ ɓee gə́ to ka̰ Bḛjamije

1 Mbaije 16:9

Kura ləa Jimri, mbai dɔ ges njékṵda-pusu-rɔje ləa lé ula njuma̰ mee mareeje’g ɔsee ne rəw. Ela lé si ɓee gə́ Tirsa, mee kəi’g lə Arsa gə́ to mbai dɔ njékulaje gə́ mee kəi’g lə mbai gə́ to Tirsa lé ndá, yeḛ ai kido aree tɔlee ilá keneŋ,

2 Sôrta Gḭka Israɛlje 24:25

Loo gə́ Aramje d’ubá d’yá̰ dan boo-nékəmndoo’g gə kuree waga ndá kuraje ləa d’ula njuma̰ mee na̰’d dəa’g gə mbata ta məs ŋgalə Jeojoda, njekinjanéməs lé wa dəa. Ndá deḛ tɔlee dɔ tira tée’g. Deḛ dubee mee ɓee-boo’g lə Dabid nɛ deḛ dubee mee dɔɓar’g lə mbaije el.

2 Sôrta Gḭka Israɛlje 25:27

Un kudee mee ndəa gə́ Amasia uba ne rəw lə Njesigənea̰ ya̰ lé ndá njé gə́ Jerusalem d’ula njuma̰ meḛ na̰’d dəa’g ndá yeḛ aḭ aw Lakis, nɛ deḛ tuba gée saar d’aw Lakis ɓa tɔlee keneŋ.

2 Sôrta Gḭka Israɛlje 33:24

Kuraje ləa d’o̰ njuma̰ tɔlee ne mee kəi’g ləa tɔ.