2 Samel 4:4 - Maktub gə́ To gə Kəmee

⁴ Jonatan, ŋgolə Sawul lé ŋgonee gə́ diŋgam si keneŋ nɛ gɔleeje unda ndolè. Yeḛ lé ləbee as mi ba loo gə́ d’ḭ Jisreel ree gə sorta kwəi lə Sawul gə Jonatan, ndá njeŋgəmee lé unee aḭ səa tɔɓəi loo gə́ aḭ səa gə tɔgee ndá yeḛ tel oso ar ŋgon lé gɔleeje mbɔi. Ŋgon neelé ria lə Mepiboset.

2 Samel 4:4 ပူးပေါင်းရင်းမြစ်များ

2 Samel 21:7

Mbai aji Mepiboset, ŋgolə Jonatan gə́ to ŋgolə Sawul mbata ta manrɔ gə́ to mbuna Dabid’g gə Jonatan, ŋgolə Sawul’g no̰ Njesigənea̰’g lé.

2 Samel 9:13

Bèe ɓa Mepiboset lé si ne Jerusalem mba sɔ né ne na̰’d gə mbai ta-ta ya. Mbata yeḛ to njemədə gə́ gɔlee wəi joo bɔr tɔ.

2 Samel 9:3

Mbai lé tel dəjee tɔɓəi pana: See dəw gə́ raŋg kára kara gə́ mbuna njémeekəije’g lə Sawul gə́ m’askəm ra səa meemaji lə Ala godo ya saar ŋga wa. Ndá Siba tel ila mbai’g lé pana: Ŋgolə Jonatan nai kára ya ɓəi nɛ gɔlee wəi joo bɔr.

2 Samel 9:6

Mepiboset, ŋgolə Jonatan gə́ to ŋgolə Sawul lé ree rɔ Dabid’g ndá yeḛ oso naŋg bəbərə unda barmba dəb kəmee naŋg nea̰’g. Dabid ɓaree pana: Mepiboset! Yeḛ ndigi təa’g pana: To ma kura ləi ya.

1 Mbaije 11:17

Yen ŋga Adad aḭ gə Edɔmje gə́ to kuraje lə bɔbeeje aw sə dee Ejiptə. Adad lé nai gə́ diŋgam gə́ gɔ ya ɓəi.

1 Sôrta Gḭka-Israɛlje 8:34

Ŋgolə Jonatan ndá ria lə Merib-Baal. Merib-Baal oji Mika.

1 Sôrta Gḭka-Israɛlje 9:40

Ŋgolə Jonatan lé ria lə Merib-Baal. Merib-Baal oji Mika.

1 Samel 29:1

Pilistije mbo̰ kudu-njérɔje lə deḛ lai Apek ndá Israɛlje d’wa loo-si dee mbɔr kəm-rəw-mán gə́ Jisreel dəb tɔ.

1 Samel 29:11

Togə́bè Dabid gə njérɔje ləa teḛ gə ndɔ rad gə mba kaw gə ndɔ ba ndá deḛ tel d’aw ɓee lə Pilistije. Tɔɓəi deḛ Pilistije kara d’ḭ d’aw Jisreel tɔ.