2 Samel 4:2 - Maktub gə́ To gə Kəmee

² Mbai dɔ kudu-njérɔje lə ŋgolə Sawul lé deḛ joo, yeḛ gə́ kára ria la Baana ləm, yeḛ gə́ raŋg ria lə Rekab ləm tɔ. Deḛ to ŋgalə Rimo̰, dəw gə́ Beerot, deḛ to gə́ ginkoji’g lə Bḛjamije. Mbata Beerot lé kara d’ée gə́ ɓee gə́ to ka̰ Bḛjamije

2 Samel 4:2 ပူးပေါင်းရင်းမြစ်များ

2 Samel 23:37

gə Selek gə́ to Amo̰, gə Naharai, dəw gə́ Beerot gə́ to njekodo nérɔje lə Joab, ŋgolə Seruja,

2 Samel 3:22

Aa ooje, Joab gə njé’g lə Dabid d’ḭ loo-wai’g ree gə boo-nébanrɔje. Abner nai rɔ Dabid’g ɓee gə́ Ebro̰ el ŋga mbata Dabid yá̰ aree aw gə meekulɔm.

2 Samel 4:5

Bèe ɓa ndɔ kára bèe loo gə́ kàr nuŋga kəd-kəd ndá ŋgalə Rimo̰ gə́ Beerot gə́ ri dee lə Rekab gə Baana lé ree kəi lə Is-Boset loo gə́ yeḛ wa rəa keneŋ mbata kàr aar daŋdɔ.

2 Samel 4:9

Dabid tel ila Rekab gə ŋgokea̰ Baana, deḛ gə́ to ŋgalə Rimo̰ gə́ Beerot lé keneŋ pana: Njesigənea̰ gə́ to njekɔrm dan néyooje’g lai lé to Njesikəmba ya!

2 Mbaije 5:2

Ndɔ kára bèe kudu-njérɔje gə́ Siri teḛ d’aw wai ndá, d’wa ŋgon gə́ dené kára mee ɓee gə́ Israɛl gə́ ɓər, ŋgon dené neelé to ŋgonjelookisi lə dené lə Naaman.

2 Mbaije 6:23

Mbai gə́ Israɛl ar dee ra muru-gad d’ar dee d’o̰ gə d’ai, tɔɓəi yeḛ ya̰ dee ar dee tel d’aw rɔ ɓée deeje’g ɓəi. Yen ŋga kudu njérɔje gə́ Siri lé tel ree dɔ naŋg ɓee gə́ Israɛl’g gogo el ya saar tɔ.

Jujé 18:25

Gabao̰, gə Rama, gə Beerot,

Jujé 18:26

gə Mispé, gə Kepira, gə Mosa,

Jujé 9:17

Mbata loo gə́ Israɛlje d’ɔd d’aw ndá ndɔ gə́ njekɔm’g munda ba ya deḛ teḛ ɓee-booje’g lə dee, ɓee-booje lə dee lé ri dee lə Gabao̰, gə Kepira, gə Beerot gə Kirjat-Yearim,