2 Samel 4:12 - Maktub gə́ To gə Kəmee

¹² Togə́bè ɓa Dabid un ndia ar njé’g ləa mba kar dee tɔl dee. Deḛ goré ji dee gə gɔl dee ndá na dee mbɔr kəm-rəw-mán gə́ Ebro̰. Gée gə́ gogo d’un dɔ Is-Boset d’aw ne d’aw dubu dɔɓar Abner’g mee ɓee gə́ Ebro̰ tɔ.

2 Samel 4:12 ပူးပေါင်းရင်းမြစ်များ

2 Samel 1:15

Dabid ɓar dəw kára mbuna kuraje’g ləa ulá pana: Aw pər gə́ rəa’g tɔlee. Dəw neelé aw unda dəw gə́ Amalek lé tɔlee ya tɔ.

2 Samel 16:8

Njesigənea̰ ar məs njémeekəije lə Sawul lai tel ɔm dɔi’g ya, yeḛ gə́ i taa kalimbai ləa lé ndá Njesigənea̰ tel gə ɓeeko̰ lé ɔm ji Absalɔm gə́ to ŋgoni’g, bèe ɓa i si ne dan némeeko̰’d gə́ wɔji dɔi ya mbata i to dəw gə́ njekilaməs ya.

2 Samel 2:8

Lée togə́bè kara Abner, ŋgolə Ner gə́ to ɓé-njérɔje lə Sawul lé un Is-Boset, ŋgolə Sawul aree dəs aw Mahanayim.

2 Samel 21:9

ndá yeḛ ya̰ dee ji Gabao̰je’g ar dee tɔ dee tar dɔ mbal’g no̰ Njesigənea̰’g tɔ. Deḛ siri lai lé d’udu na̰’d, deḛ tɔl dee mee ndɔje gə́ doŋgɔr gə́ to naḭ kinja kó loo gə́ d’un kudu kinja kó-ɔrj lé tɔ.

2 Samel 3:32

Deḛ dubu Abner mee ɓee gə́ Ebro̰. Mbai lé ɔr ndia gə́ tar wəl no̰ ne ta dɔɓar Abner’g ar koso-dəwje lai kara no̰ səa tɔ.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.