2 Samel 4:11 - Maktub gə́ To gə Kəmee

¹¹ Bèe ndá loo gə́ njémeeyèrje tɔl njemeekarabasur dan mee kəi’g ləa dɔ tira-tée’g lé ŋga ɓəd ɓəi ɓa see m’a tel dəji məsee ji sí’g gə mba tuji sí ne dɔ naŋg nee el wa.

2 Samel 4:11 ပူးပေါင်းရင်းမြစ်များ

Gḭ-Néje 4:11

Ɓasinè, ndɔl a kwa dɔi dɔ naŋg nee, yee gə́ teḛ təa taa ne məs ŋgokɔḭ jii’g lé.

Gḭ-Néje 6:13

Bèe ɓa Ala ula Noe pana: ndɔ gə́ rudu dəwje lai gə́ dɔ naŋg nee a gə kun ɗiao lé ma m’wɔji mba̰, mbata deḛ d’ar néra gə́ kərm-kərm taa loo dɔ naŋg nee pəl-pəl, aa oo, m’a kar dee tuji gə naŋg nee bura ya.

Gḭ-Néje 7:23

Nékundaje lai gə́ d’aw kəmba dɔ naŋg neelé d’udu guduru ya, un kudee dɔ dəwje’g aw njal teḛ dɔ nékulje’g ləm, gə daje gə́ d’ag naŋg ləma, gə yelje gə́ d’aw tar ləm tɔ, deḛ d’udu guduru dɔ naŋg nee ya. Noe gə deḛ gə́ d’isi səa na̰’d mee kəi-kag’d lé ba ya ɓa nai.

2 Samel 16:8

Njesigənea̰ ar məs njémeekəije lə Sawul lai tel ɔm dɔi’g ya, yeḛ gə́ i taa kalimbai ləa lé ndá Njesigənea̰ tel gə ɓeeko̰ lé ɔm ji Absalɔm gə́ to ŋgoni’g, bèe ɓa i si ne dan némeeko̰’d gə́ wɔji dɔi ya mbata i to dəw gə́ njekilaməs ya.

2 Samel 3:27

Loo gə́ Abner tel ree Ebro̰ mba̰ ndá Joab ɔree aw səa dan tarəwkəi’g to gə́ lə né gə́ a gə kwɔji səa ta gə́ to loo-kiya’g bèe ndá yeḛ ɔsee mée’g tɔlee mba dal ne ba̰ lə ŋgokea̰ Ajael.

2 Samel 3:39

Ma lé d’wa dɔm gə ubu d’undam ne gə́ mbai nɛ siŋgam godo ya ɓəi. Dəwje nee gə́ to ŋgalə Seruja lé siŋga dee ur dɔm’g. Maji kar Njesigənea̰ uga dɔ njemeeyèr gə goo némeeyèr ləa ya.

1 Mbaije 2:32

Njesigənea̰ a kar ta məsee nai dəa-yeḛ’g ya mbata yeḛ tɔl dəwje joo gə́ to njémeekarabasurje ləm, gə́ maji d’undá ləm tɔ ndá yeḛ tɔl dee gə kiambas lal kar bɔm Dabid oo taree: to Abner, ŋgolə Ner, ɓé-njérɔje gə́ Israɛl ləm, gə Amasa, ŋgolə Jeter, ɓé-njérɔje gə́ Juda ləm tɔ.

Pakɔsje 109:15

Maji kar mee Njesigənea̰ olé dɔ dee’g ta-ta Gə mba kar riɓar lə dee udu ne dɔ naŋg nee bo̰.

Pakɔsje 9:12

Maji kar sí ɔsje pa arje Njesigənea̰ gə́ si Sio̰ lé, Néreaje gə́ dum dɔ loo lé Maji kar sí ilaje mberee mbuna koso-dəwje’g,

Teḛ-Raga 21:12

Yeḛ gə́ unda dəw tɔlee lé kəm tɔlee ya tɔ.

Teḛ-Raga 9:15

Ɓó lé n’ula ji neḛ ndiŋ gə mba tɔli-i gə koso-dəwje ləi gə yoo-koso ndá seḭ a saneje kad dɔ naŋg nee ya.

Gosota-Kəmkàrje 2:22

Nɛ njémeeyèrje lé D’a kɔr dee mee ɓee’g ləm, Deḛ gə́ to majikojije el kara D’a tɔs dee rɔd-rɔd Tɔr dee keneŋ ləm tɔ.

Gosota-Kəmkàrje 25:26

To gə́ kəm-rəw-mán gə́ bugulu ləm, gə ŋgira-mán gə́ ɓeb ləm tɔ lé Njemeekarabasur gə́ unda ndolè no̰ njemeeyèr’g lé to togə́bè tɔ.

Jeremi 10:11

Seḭ a kula deeje togə́bè pajena: Magəje gə́ ra dara əsé naŋg nee el lé D’a sané pá dɔ naŋg nee ləm, Gə gin dara’g ləm tɔ.

Habakuk 1:12

Njesigənea̰, Ala ləm, i njerɔkunda ləm, See i ɓa sí keneŋ kédé par-par lé el wa. Jeḛ j’a kwəi el! Ǝi Njesigənea̰, i ɓa unda koso-dəwje neelé Mba kar dee to njégaŋ-rəwtaje ləi, Ǝi i kɔr mbal ləm lé, i ɔs kudu dee Mba kar d’ar bo̰ néra dəwje ɔs ta dee’g.

Habakuk 1:4

Bèe ɓa godndu lé siŋgá godo ne ləm, Rəwta-gaŋg kara kul ne kwɔji-kwɔji ləm tɔ, Mbata njemeeyèr lé dum dɔ njera nédana ləm, Njégaŋ-rəwtaje gaŋg ne ta gə goo rəbee el ləm tɔ.

1 Ja̰ 3:12

Maji kar sí n’to tana gə Kaḭ el mbata yeḛ to ka̰ njegosoyèr gə́ tɔl ŋgokea̰. See gelee ban ɓa yeḛ tɔlee ne wa. Mbata kula reaje majel nɛ ka̰ ŋgokea̰ lé ɓa to gə goo rəbee.