2 Samel 3:39 - Maktub gə́ To gə Kəmee

³⁹ Ma lé d’wa dɔm gə ubu d’undam ne gə́ mbai nɛ siŋgam godo ya ɓəi. Dəwje nee gə́ to ŋgalə Seruja lé siŋga dee ur dɔm’g. Maji kar Njesigənea̰ uga dɔ njemeeyèr gə goo némeeyèr ləa ya.

2 Samel 3:39 ပူးပေါင်းရင်းမြစ်များ

2 Samel 16:10

Nɛ mbai lé pana: Seḭ ŋgalə Seruja lé see ta ɗi lə sí to keneŋ wa. Ɓó lé yeḛ ila ndɔl dɔm’g ndá to mbata Njesigənea̰ ulá pana: Ila ndɔl dɔ Dabid’g! Ŋga see na̰ ɓa a dəjee pana: See ban ɓa i ra togə́bè wa.

2 Samel 19:13

Seḭ toje ŋgakɔmje gə́ koji kəi kɔl ya. See gelee ban ɓa seḭ a toje gə́ rudu deḛ gə́ d’a gə kar mbai tel ree lé wa.

2 Samel 19:22

Yen ŋga Abisai, ŋgolə Seruja un ta pa pana: Simei lé see kəm karee wəi mbata ndɔl gə́ yeḛ ila dɔ yeḛ gə́ Njesigənea̰ wa dəa gə ubu lé el wa.

2 Samel 3:38

Mbai ula kuraje ləa pana: See seḭ gərje to gə́ mbai gə́ to dəw gə́ boo wəi ɓogənè mee ɓee gə́ Israɛl el wa.

1 Mbaije 2:32

Njesigənea̰ a kar ta məsee nai dəa-yeḛ’g ya mbata yeḛ tɔl dəwje joo gə́ to njémeekarabasurje ləm, gə́ maji d’undá ləm tɔ ndá yeḛ tɔl dee gə kiambas lal kar bɔm Dabid oo taree: to Abner, ŋgolə Ner, ɓé-njérɔje gə́ Israɛl ləm, gə Amasa, ŋgolə Jeter, ɓé-njérɔje gə́ Juda ləm tɔ.

1 Mbaije 2:9

Ɓasinè i a kyá̰ lal kar bo̰ nérea ɔs təa’g el ŋga, mbata i to dəw gə́ njekəmkàr ləm, i gər né gə́ kəm ra səa gao ləm tɔ. I a kar yiŋga dəa gə́ ndá kələw-kələw lé tel to məs lai ɓa karee aw ne ɓee lə njé gə́ d’wəi ɓəi.

1 Sôrta Gḭka-Israɛlje 22:5

Dabid pana: Ŋgonəm Salomo̰ to basa gə́ as el ɓəi ləm, kəi gə́ d’a gə kunda mbata lə Njesigənea̰ lé ria a ɓar kur dɔ loo’g ləma, rɔnduba ləa a ɓar gə mee ɓeeje lai ləm tɔ, gelee gə́ nee ɓa ma m’ndigi kwa ne dɔ gɔl néje mbata ləa tɔ. Bèe ɓa Dabid wa ne dɔ gɔl néje bula yaa̰ kédé ɓa wəi ɓəi.

1 Sôrta Gḭka-Israɛlje 29:1

Mbai Dabid ula koso-dəwje lai gə́ mbo̰ dɔ na̰ neelé pana: Ŋgonəm Salomo̰ ya kára ba ɓa Ala mbəree nɛ yeḛ nai basa ɓəi ləm, as el ləm tɔ ndá kula neelé to kula gə́ boo, mbata kəi-mbai neelé wɔji dɔ dəw el nɛ wɔji dɔ Njesigənea̰ Ala ɓa.

2 Sôrta Gḭka Israɛlje 13:7

Dəwje gə́ gə mḭdé ba gə́ to njéra né kori-korije mbo̰ dɔ na̰ rəa’g d’ɔsee d’ilá dɔ Roboam’d gə́ to ŋgolə Salomo̰ mbata Roboam to gə́ ŋgon gə́ nà ləm gə njeɓel gə́ siŋgá as kaar naŋg gəs no̰ dee’g el tɔ.

Pakɔsje 101:8

Teḛ gə ndɔ rad gə ndɔje kára-kára lai lé M’a kar njémeeyèrje lai gə́ mee ɓee’g neelé D’udu guduru ya Ɓó gə mba tuji ne deḛ lai gə́ to njéra né kori-korije Mee ɓee-boo’g lə Njesigənea̰ lé pugudu-pugudu ya.

Pakɔsje 28:4

Maji kari ra sə dee gə goo kula ra dee ləm, Gə goo gosɔyèr lə dee ləm tɔ, Maji kari ra sə dee né gə goo kula gə́ ji dee ra: Maji kari ar dee nékoga-dɔ-ji dee gə́ wɔji dɔ dee dɔ dee.

Pakɔsje 62:12

Ala pata gɔl kára ba ya, Yee gə́ gɔl joo ləa lé m’oo oso mbim’g pana: Siŋgamoŋ lé to ka̰ Ala nja kára ba.

Pakɔsje 7:16

Yeḛ uru bwa aree uru ŋgudu-ŋgudu ndá Yeḛ nja tel oso mee bwa gə́ yeḛ uru’g lé.

Pakɔsje 75:10

M’a kila mber ta néje neelé saar-saar gə nɔm ya ləm, M’a kɔs pa kila ne riɓar dɔ Ala’g lé lə Jakob lé ləm tɔ.

Teḛ-Raga 21:12

Yeḛ gə́ unda dəw tɔlee lé kəm tɔlee ya tɔ.

Gosota-Kəmkàrje 20:8

Mbai gə́ si dɔ kalimbai gaŋg rəwta’g lé ndá Kəmee gə́ aa ne loo lé ɓa ɔs ne néraje gə́ majel lai rəw.

Gosota-Kəmkàrje 25:5

Ɔr njemeeyèr no̰ mbai’g ɓa Kalimbai ləa a to njaŋg gə goo néra gə́ gə dɔ najee ɓəi tɔ.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Esai 7:4

Maji kari ulá pana: Məəi dɔ rɔi’g ɓó ɓəl ləm, ar kaari ndəb no̰ oŋg’d lə Resin gə Aramje gə no̰ ŋgolə Remalia’g el ləm tɔ. Deḛ lé to dɔdum kagje gə́ joo gə́ sa tuu keneŋ ba.

Jeremi 38:5

Mbai Sedesias ila dee keneŋ pana: Aa ooje, yeḛ si meḛ ji sí’g ya. Mbata mbai askəm kɔg sí el.

Loo gə́ killa rea kəm Daniel’g 6:16

Nɛ diŋgamje neelé d’ɔs mbai lé ɓɔḭ-ɓɔḭ d’ulá pana: Ǝi mbai, maji kari oo gao, godndu lə Medəje gə Persəje wɔji mba kar né kɔg loo ra né gə́ rara əsé godndu gə́ rara gə́ mbai unda jia keneŋ lé ndá to njaŋg ya ɓó loo telee raŋg godo.

Bula lə Israɛlje 32:23

Nɛ ɓó lé seḭ raje togə́bè el ndá seḭ raje kaiya ɔsje ne Njesigənea̰ rəw, tɔɓəi maji kar sí gərje gao, bo̰ kaiya ra sí a gə kɔs ta sí’g ya.

Njé gə́ Rɔmə 13:4

Mbata njeko̰ɓee lé to kura lə Ala mba kari si ne dan maji’g. Nɛ ɓó lé i ra majel ndá ar ndili ndəb jər dɔ’g ya, mbata yeḛ aw gə kiambas gə́ sḭ el, yeḛ to kura lə Ala gə mba riba dɔ dalba̰ ləa ləm, gə mba kar bo̰ néra majel lə njeramajel lé ɔs təa’g ləm tɔ.

2 Timote 4:14

Aleja̰drə gə́ to gə́ njekɔr lé ra səm majel yaa̰. Mbaidɔmbaije a kogá gə goo nérea ya.

Njéga̰g-Rəwtaje 9:57

Tɔɓəi Ala ar néra majelje lai gə́ koso-dəwje gə́ Sikem ra lé tel oso dɔ dee’g tɔ. Yee ɓa ta ndɔl gə́ Jotam, ŋgolə Jerubaal ila dɔ dee’g lé aw ne lée’g béréré ya.