2 Samel 3:29 - Maktub gə́ To gə Kəmee

²⁹ Maji kar məs neelé tel oso dɔ Joab’g ləm, gə dɔ gel-bɔje’g lə bɔbeeje lai ləm tɔ! Maji kar ŋgaka Joabje lé lal dəw gə́ iŋga rɔko̰ bajal, əsé lal rɔko̰ ba̰ji el ləm, əsé lal njetɔs kag el ləma, əsé lal njekoso ta kiambas’g el ləma, əsé lal njekwəi-yoo-ɓoo nda̰ el ləm tɔ.

2 Samel 3:29 ပူးပေါင်းရင်းမြစ်များ

2 Samel 1:16

Tɔɓəi Dabid ulá pana: Maji kar ta məsi wa dɔi-i ya mbata ta gə́ teḛ tai’g ɓa gaŋgta dɔi’g. Mbata i nja pana: I tɔl yeḛ gə́ Njesigənea̰ wa dəa gə ubu lé.

2 Samel 16:8

Njesigənea̰ ar məs njémeekəije lə Sawul lai tel ɔm dɔi’g ya, yeḛ gə́ i taa kalimbai ləa lé ndá Njesigənea̰ tel gə ɓeeko̰ lé ɔm ji Absalɔm gə́ to ŋgoni’g, bèe ɓa i si ne dan némeeko̰’d gə́ wɔji dɔi ya mbata i to dəw gə́ njekilaməs ya.

2 Samel 3:28

Gée gə́ gogo Dabid oo taree ndá yeḛ pana: Ta kára kara wa dɔ neḛ no̰ Njesigənea̰’g mbata məs Abner, ŋgolə Ner lé el ləm, wa dɔ ɓeeko̰ lə neḛ kara el ləm tɔ.

2 Mbaije 5:1

Naaman gə́ to ɓé-njérɔje lə mbai gə́ Siri lé taa kəm mbai ləa rəgm ləm, mbai ləa kara ila riɓar gə́ boo dəa’g ləm tɔ mbata mbɔl dəa yeḛ ɓa Njesigənea̰ ar Aramje d’un ne baŋga ya. Dəw neelé to gə́ bao-rɔ ya nɛ ba̰ji ɓa gaŋgee.

2 Mbaije 5:27

Bèe ɓa ba̰ji lə Naaman a tilai ləm, gə ŋgakaije ləm tɔ saar gə no̰. Loo gə́ Gehaji ḭ rɔ Elije’g unda loo teḛ ndá ba̰ji lé ndá rəa’g hododo tɔ.

Pakɔsje 7:17

Néra gə́ kori-kori ləa tel oso dəa-yeḛ’g ləm, Bo̰ néra kərm-kərm ləa tel ɔs təa’g ləm tɔ.

Teḛ-Raga 21:19

ɓa ɓó lé debee neelé iŋga loo mba kḭta njaa raga gə kag-tɔs ləa ndá debee gə́ njekṵdá neelé d’a ra səa né el. Nɛ né gə́ yeḛ a ra səa ɓa to nee: Yeḛ a karee lar tor kula gə́ yeḛ gaŋgee ta’g ləm, yeḛ a kaa dəa saar mba karee aji kəbərə ləm tɔ.

Ləbije 15:2

kar dee d’ula Israɛlje pana: Diŋgam gə́ rara gə́ iŋga rɔko̰ mɔdee’g ndá mán gə́ aḭ keneŋ yao-yao lé to né gə́ mina̰ ya.

Bula lə Israɛlje 35:33

Seḭ a karje ɓee gə́ seḭ a síje keneŋ lé mina̰ el mbata məs lé ar ɓee mina̰, d’a ra né kára kara mba kɔr ne ta məs dɔ ɓee’g el nɛ məs dəw gə́ njekila məs maree lé ɓa.

Néra Njékaḭkulaje 28:4

Loo gə́ njéɓeeje d’oo li-meewai gə́ nà jia’g jərəŋ lé ndá d’ula na̰ wédé-wédé pana: Tɔgərɔ ya, dəw neelé to gə́ njetɔl dəw ya, mbata yeḛ teḛ ta yoo gə́ mán, nɛ naji teá el nja ɓəi.

Tel tura Godndu 21:6

Ŋgatɔgje lai gə́ mee ɓee-boo’g neelé, deḛ gə́ d’aw pər gə́ rɔ nin’g lé ndá d’a togo ji dee dɔ ma̰də maŋg gə́ deḛ təd gina gwɔbee kəm-rəw-mán’g lé.

Loo gə́ killa rea kəm Ja̰’g 16:6

Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya.

Njéga̰g-Rəwtaje 9:24

gə mba kar bo̰ néra gə́ kərm-kərm gə́ yeḛ ra gə ŋgalə Jerubaal gə́ rɔ-siri lé tel ɔs təa’g ləm, gə mba kar ta məs dee tel oso dɔ Abimelek’d gə́ to ŋgoko̰ dee gə́ tɔl dee lé ləma, gə oso dɔ dəwje’d gə́ Sikem gə́ la səa d’aree tɔl ŋgakea̰je lé ləm tɔ.