2 Samel 3:14 - Maktub gə́ To gə Kəmee

¹⁴ Tɔɓəi Dabid ula njékaḭkulaje rɔ Is-Boset, ŋgolə Sawul’g mba kar dee d’ulá pana: Maji kari tel gə dené ləm Mikal gə́ m’wa səa mɔr gə ndar tamɔd Pilistije gə́ tɔl (100) lé am.

2 Samel 3:14 ပူးပေါင်းရင်းမြစ်များ

2 Samel 2:10

Is-Boset, ŋgolə Sawul lé ləbee aḭ rɔ-sɔ ɓa yeḛ tel to ne mbai gə́ Israɛl ndá yeḛ o̰ ɓee ləb joo. Judaje ya ɓa nai gə Dabid.

2 Samel 3:15

Is-Boset ar dee d’aw d’ɔr Mikal lé kəi lə ŋgabeeje, Paltiel gə́ to ŋgolə Layis lé.

2 Samel 6:16

Loo gə́ d’andə gə sa̰duk-manrɔ lə Njesigənea̰ mee ɓee’g lə Dabid ndá Mikal, ŋgolə Sawul gə́ dené lé aa loo kəmbolè’g ndá yeḛ oo mbai Dabid gə́ tal ləm, gə la ləm tɔ no̰ Njesigənea̰’g ndá yeḛ ə̰jee bəḭ-bəḭ gə mée ya.

Matiyo 1:18

Koji Jeju Kristi lé to togə́bè: Mari gə́ kea̰je lé to njemɔr lə Jisəb, deḛ səa taa na̰ el ɓəi nɛ yeḛ aw gə kèm mée’g: kèm lé to gə goo siŋgamoŋ lə Ndilmeenda.

1 Samel 18:25

Sawul pana: Seḭ a paje togə́bè karje Dabid pajena: Mbai lé dəji lar dené el nɛ yeḛ ndigi kiŋga ndar tamɔd Pilistije as tɔl (100) gə mba dal ne ba̰ ləa gə njéba̰je ləa. Sawul wɔji mée’g mba kar Dabid oso ne ji Pilistije’g.

1 Samel 18:27

Kédé ɓa kar ndɔ gə́ d’wɔji as ɓəi ndá Dabid ḭ aw gə dəwje ləa aw tɔl ne diŋgamje tɔl-joo (200) mbuna Pilistije’g. Yeḛ ree gə ndar tamɔd dee ar mbai as dɔ lé gə́ yeḛ dəji lé gə mba tel to ne məəm mbaije lé. Togə́bè ɓa Sawul aree ne Mikal, ŋgonee gə́ dené lé gə́ dené ləa ya.

1 Samel 25:44

Mbata Sawul wa ŋgonee Mikal gə́ to dené lə Dabid lé ar Palti, dəw gə́ Galim gə́ to ŋgolə Layis lé tɔ.