2 Samel 24:21 - Maktub gə́ To gə Kəmee

²¹ Arabna dəjee pana: See gelee ban ɓa mbai ləm ree ne rɔ kura’g ləa wa. Dabid ilá keneŋ pana: Mba ndogo səi loo-kunda-kó gə mba ra loo-nékinjaməs keneŋ kar Njesigənea̰ mba kar yoo-koso ɔr ne dɔ koso-dəwje’g ya.

2 Samel 24:21 ပူးပေါင်းရင်းမြစ်များ

Gḭ-Néje 50:10

Loo gə́ deḛ ree loo-kunda-kó gə́ Atad gə́ to kel turá, gir baa gə́ Jurdɛ̰ lé ndá deḛ no̰ gə meeko̰ yaa̰ keneŋ d’ar ndu dee ɓar yaa̰ keneŋ tɔ. Jisəb lé no̰ yoo bɔbeeje keneŋ as ndəa siri.

2 Samel 24:18

Mee ndəa’g neelé Gad aw rɔ Dabid’g ulá pana: Ḭ aw ra loo-nékinjaməs ar Njesigənea̰ loo-kunda-kó’g lə Arabna, dəw gə́ Yebus lé.

2 Samel 24:20

Arabna aa loo oo ndá yeḛ oo mbai gə kuraje ləa gə́ d’isi d’aw gə́ rəa’g. Ndá Arabna unda loo teḛ tɔɓəi yeḛ unda barmba dəb kəmee naŋg no̰ mbai’g lé.

2 Samel 24:3

Joab ula mbai lé pana: Maji kar Ala ləi gə́ Njesigənea̰ ar bula lə koso-dəwje ḭ dɔ maree’g as gɔl tɔl (100) ləm, maji kar kəm mbai ləm oo bèe ya ləm tɔ! Nɛ see gelee ban ɓa mbai ləm lé ndigi ra togə́bè wa.

1 Sôrta Gḭka-Israɛlje 21:22

Dabid ula Ornan pana: Maji kari am loo-kunda-kó ləi gə mba karm m’ra loo-nékinjaməs keneŋ m’ar Njesigənea̰, ya̰ am m’ndogo səi gə laree gə́ gəd gə mba kar yoo-koso ɔr ne dɔ koso-dəwje’g ya.

Pakɔsje 106:30

Pines uba naŋg ḭtar mba gɔl ta ndá Yoo-koso lé əw rəa dɔ dee’g ya.

Bula lə Israɛlje 25:8

Yeḛ ndolè goo diŋgam gə́ Israɛl lé saar teḛ mee kəi-kubu’g ləa ndá yeḛ tɔs dee gə niŋga joo bɔr gel kum dee’g, diŋgam gə́ Israɛl ləm, gə dené lé ləm tɔ. Togə́bè ɓa gin yoo-koso lé gaŋg ne ŋgəji mbuna Israɛlje’g.