2 Samel 24:15 - Maktub gə́ To gə Kəmee

¹⁵ Njesigənea̰ ula gə yoo-koso mee ɓee gə́ Israɛl un kudee mee ɓee gə́ Dan saar teḛ Beer-Seba ar dəwje d’wəi d’as tɔl-dɔg-loo rɔ-siri (70.000) mbuna koso-dəwje’g lé.

2 Samel 24:15 ပူးပေါင်းရင်းမြစ်များ

2 Samel 24:2

Mbai lé ula Joab gə́ to ɓé-njérɔje gə́ aar mbɔree’g dəb lé pana: Ɔd ɓasinè ya aw mbuna ginkoji Israɛlje’g lai, un kudee Dan saar teḛ Beer-Seba, maji kari tura bula lə koso-dəwje am m’oo see d’as ka̰da wa.

1 Sôrta Gḭka-Israɛlje 21:14

Njesigənea̰ ula gə yoo-koso mee ɓee gə́ Israɛl ndá dəwje gə́ d’wəi mee ɓee gə́ Israɛl lé d’as tɔl-dɔg-loo rɔ-siri (70.000).

1 Sôrta Gḭka-Israɛlje 27:24

Joab, ŋgolə Seruja un kudu tura bula lə dee lé nɛ yeḛ tura deḛ lai el mbata mee Njesigənea̰ ḭ səa pu dɔ Israɛlje’g mbata bula lə dee gə́ deḛ tura lé ndá ar deḛ ndaŋg taree mee maktub sorta ginkaje’g lə mbai Dabid lé el.

1 Sôrta Gḭka-Israɛlje 27:4

Kudu deḛ gə́ ra kula mee naḭ gə́ njekɔm’g joo lé Dodai, ŋgoka Ahoah ɓa to ɓée deeje, Miklot to gə́ mbuna mbaije’g lə dee, ndá d’as dəwje tɔl-dɔg-loo rɔ-joo-gir-dee-sɔ sɔ (24.000).

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Habakuk 3:2

Njesigənea̰, ma m’oo ta gə́ i pa lé Ndá ɓəl undam badə gaŋgm. Ǝi Njesigənea̰! ar kula raije d’aw lée’g béréré gə ləb dee ləb dee, Gə ləbje ləbje lé ar dee gər kula raije tɔ. Nɛ dan oŋg’d ləi lé ar məəi olé dɔ meekoso lemsé’g ləi to!

Bula lə Israɛlje 25:9

Deḛ gə́ d’wəi yoo-koso lé d’as dəwje tɔl-dɔg-loo rɔ-joo giree-sɔ (24.000).

Matiyo 24:7

Ginkoji dəwje gə raŋg d’a kḭ gə na̰ ləm, njéɓeeko̰je kara d’a kḭ gə na̰ ləm tɔ. Loo gə́ na̰je bula ɓoo-boo a koso dɔ dəwje’g ləm, naŋg kara a yə ləm tɔ.

Loo gə́ killa rea kəm Ja̰’g 6:8

M’aa loo gərərə ndá m’oo kunda-mwɔji ḭ keneŋ. Njekubá lé ria lə yoo tɔɓəi ɓee lə njé gə́ d’wəi lé aw səa na̰’d. D’un ndu dee d’ar dee gə mba tɔl dəwje gə́ dɔ naŋg nee gə́ dəb kára nɛ debee nai munda, mba tuji ne dəwje gə kiambas ləm, gə ɓoo-boo ləm, gə rɔko̰ ləma, gə da-ŋgaŋkasje gə́ dɔ naŋg nee ləm tɔ.

1 Samel 6:19

Njesigənea̰ kunda dəwje gə́ Bet-Semes loo gə́ deḛ d’aar tən mee sa̰duk-manrɔ lə Njesigənea̰ lé. Yeḛ tɔl dəwje rɔ-siri mbuna koso-dəwje’g. Yen ŋga koso-dəwje ndiŋga ndòo mbata Njesigənea̰ tɔl dee gə yoo-koso gə́ to ɓəl bèe ya.