2 Samel 24:13 - Maktub gə́ To gə Kəmee

¹³ Gad aw rɔ Dabid’g ulá ta néje neelé pana: See i ndigi kar ɓoo-boo o̰ mee ɓee’g ləi ləb siri əsé i ndigi kaḭ no̰ njéba̰je’g ləi as naḭ munda əsé i ndigi kar yoo-koso ɓa oso mee ɓee’g ləi as ndɔ munda wa. Ɓasinè, maji kari mbər yeḛ gə́ i ndigi mba kam m’tel m’aw m’ula yeḛ gə́ njekulam lé.

2 Samel 24:13 ပူးပေါင်းရင်းမြစ်များ

2 Samel 21:1

Mee ndəa’g lə Dabid lé ɓoo-boo o̰ orè goo na̰ goo na̰ as ləb munda. Togə́bè Dabid dəji Njesigənea̰ ndá Njesigənea̰ ulá pana: Gelee to mbata Sawul gə njémeekəije ləa gə́ d’ila məs lé, mbata Sawul ar dee tɔl Gabao̰je.

2 Samel 24:12

Aw ula Dabid pana: Njesigənea̰ pa togə́bè pana: N’unda nékəmndooje munda nea̰’g. Maji karee mbər yee gə́ kára dan dee’g ndá n’a kula ne kəmee ndòo wa lé.

2 Mbaije 8:1

Elije ula dené gə́ yeḛ ar ŋgonee tel si kəmba lé pana: Uba naŋg ḭta, i gə njémeekəije ləi awje aw síje loo gə́ kəm kisi keneŋ, mbata Njesigənea̰ a gə kar ɓoo-boo oso ndá ɓoo-boo neelé a koso dɔ ɓee’g as ləb siri.

1 Sôrta Gḭka-Israɛlje 21:12

See i ndigi kar ɓoo-boo oso as ləb munda, əsé i ndigi kar njéba̰je ləi tujii gə kiambas mee naḭ gə́ munda’g əsé i ndigi kar kiambas lə Njesigənea̰ gə yoo-koso oso mee ɓee’g ləi ar kura lə Njesigənea̰ ree gə tuji-boo dɔ naŋg’d lə Israɛlje lai mee ndɔ gə́ munda’g wa. Ɓasinè maji kari mbər yee gə́ i ndigi mba kam m’tel m’aw m’ula yeḛ gə́ njekulam lé tɔ.

Pakɔsje 91:6

Yoo-ndag gə́ ŋgəḭ loondul’g lé I a ɓəlee el ləma, Yoo-koso gə́ tɔl dəwje dan kàrá rib-rib kara I a ɓəlee el ləm tɔ.

Teḛ-Raga 7:25

Ndɔ dəs siri orè goo ndɔ gə́ Njesigənea̰ unda ne baa lé.

Ejekel 14:13

Ma ŋgon-dəw lé ɓó lé dəwje gə́ mee ɓee gə́ kára ra kaiya d’ɔs ne neḛ rəw mba kya̰ goo ndukunje lə neḛ ɓa n’ula ji neḛ ndiŋ gə́ dɔ dee’g ləm, ɓó lé n’tuji kó rɔ lə dee ləm, ɓó lé n’ula gə ɓoo-boo dɔ dee’g ləma, ɓó lé n’tuji dəwje gə daje pugudu-pugudu ləm tɔ lé

Ləbije 26:20

Seḭ a saneje siŋga sí kari ba ləm, dɔ naŋg lə sí a kinja gə né el ləma, kagje gə́ dɔ naŋg ɓee’g lə sí kara d’a kandə el ləm tɔ.

Ləbije 26:25

M’a kar dee ree rɔ sə sí gə kiambas mba dal ne ba̰ manrɔ ləm gə́ ma man ne rɔm m’ar sí lé, loo gə́ seḭ a mbo̰je dɔ na̰ mee ɓee-booje’g lə sí ndá m’a kula gə yoo-koso mbuna sí’g, tɔɓəi m’a kya̰ sí ji njéba̰je’g lə sí tɔ.

Lugu 4:25

Ma m’ula sí təsərə, njékəisiŋgaje bula bəl jərərə d’isi Israɛl’g mee ləb gə́ Eli si ne kəmba ɓəi loo gə́ ta dara udu jigi ar ndi ər el as ləb munda gə naḭ misa̰ ar ɓoo-boo oso bib ɔn dɔ naŋg lai.

Tel tura Godndu 28:22

Njesigənea̰ a kunda sí gə rɔko̰ rɔnuŋga gə́ kaar ləm, gə rɔko̰ néti ləm, gə rɔko̰ loo-nuŋga gə́ yolé loo to gə́ pər bèe ləm, gə rɔtudu kurum-kurum ləm, gə kəmkas ləma, gə rɔko̰ gə́ a kar sí eŋje ne kəŋ-kəŋ ləm tɔ ndá d’a ndolè goo sí saar kar sí uduje ne guduru.

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

Tel tura Godndu 28:27

Njesigənea̰ a kunda sí gə bairaŋ to gə́ yeḛ unda ne njé gə́ Ejiptə bèe ləm, gə gab ləm, gə ŋgaŋguna ləma, gə ŋgər ləm tɔ, gə́ a kər el.

Tel tura Godndu 28:35

Njesigənea̰ a kunda no̰ kəji sí gə bḭgi sí gə bairaŋ-ndɔ gə́ seḭ a kasjekəm kajije ne el, yeḛ a kunda sí, un kudee dabla gɔl sí’g saar teḛ ne da̰gəra dɔ sí’g tar.

Tel tura Godndu 28:52

D’a kaḭ dɔ sí tarəwkɔgje’g lə sí lai gə rɔ saar kar ndògo-bɔrɔje lə sí təd, ndògo-bɔrɔje neelé gə́ ŋgal gə́ siŋga dee to yaa̰ gə́ seḭ ɔmje meḛ sí dɔ dee’g dɔ naŋg ɓee’g lə sí lai, d’a kaḭ dɔ sí tarəwkɔgje’g lə sí lai mee ɓeeje lai gə́ Ala lə sí gə́ Njesigənea̰ ar sí lé.

1 Samel 25:17

Ɓasinè, maji kari ə̰ji maji oo né gə́ kəm kari ra mbata tuji lə ɓée síje gə njémeekəije ləa lai lé to né gə́ d’wa dɔ gɔlee mba̰ nɛ yeḛ lé to njemeeyèr gə́ dəw oo loo kulá ta el.