2 Samel 24:1 - Maktub gə́ To gə Kəmee

¹ Oŋg lə Njesigənea̰ ḭ səa pu dɔ Israɛlje’g ndá yeḛ ɔs Dabid ɓɔḭ-ɓɔḭ gə́ dɔ dee’g pana: Aw tura bula lə Israɛlje gə Judaje.

2 Samel 24:1 ပူးပေါင်းရင်းမြစ်များ

Gḭ-Néje 45:5

Ɓasinè lé arje meeko̰ ra sí el ləm, arje oŋg ḭ sə sí gə mba ndogo gə́ seḭ ar deeje ndogəm sə sí ree səm nee lé el ləm tɔ mbata yee ɓa Ala ulam ne no̰ sí’g gə mba kaji sí ne.

Gḭ-Néje 50:20

Seḭ lé seḭ wɔjije-kwɔji raje səm majel. Nɛ Ala telee gə́ né gə́ maji mba karee to gin kaji lə dəwje bula to gə́ seḭ síje ne ɓogənè ya.

2 Samel 12:11

Njesigənea̰ pa togə́bè pana: Aa oo, n’a kar némeeko̰ ḭ mee kəi’g ləi mba teḛ koso dɔi’g ləm, n’a kɔr denéje ləi kəmi’g nee ya kar dəw gə́ raŋg gə́ mbɔri’g nee ya to sə dee kəmi’g dan kàrá nee ya ləm tɔ.

2 Samel 16:10

Nɛ mbai lé pana: Seḭ ŋgalə Seruja lé see ta ɗi lə sí to keneŋ wa. Ɓó lé yeḛ ila ndɔl dɔm’g ndá to mbata Njesigənea̰ ulá pana: Ila ndɔl dɔ Dabid’g! Ŋga see na̰ ɓa a dəjee pana: See ban ɓa i ra togə́bè wa.

2 Mbaije 3:6

Mbai Joram lé unda loo mee ɓee gə́ Samari teḛ ndá yeḛ mbo̰ Israɛlje lai dɔ na̰’d tən dee tura dee.

1 Sôrta Gḭka-Israɛlje 21:1

Njekurai ḭ oma̰ gə Israɛlje ndá yeḛ ɔs Dabid ɓɔḭ-ɓɔḭ aree ar dee tura Israɛlje mba gər ne bula lə dee.

1 Sôrta Gḭka-Israɛlje 7:2

Ŋgalə Tola ɓa ri dee to nee: Uji, gə Repaja, gə Jeriel gə Jamai, gə Jibsam, gə Samel gə́ to mbai dɔ gel-bɔje lə dee gə́ Tola lé deḛ to diŋgamje gə́ njésiŋgamoŋje ya mbuna njéboakojije’g lə dee, bula lə deḛ gə́ mee ndəa’g lə Dabid lé d’as tɔl-dɔg-loo rɔ-joo gir-dee joo gə dɔ dee tɔl-misa̰ (22.600).

1 Sôrta Gḭka-Israɛlje 7:40

Deḛ lai neelé to gə́ ŋgaka Aser gə́ to mbai dɔ gel-bɔje lə dee ləm, to bao-rɔje gə njésiŋgamoŋje ləma, to mbaije gə́ njékaa dɔ dəb-ɓeeko̰je ləm tɔ gə́ ndaŋg ri dee lé d’as diŋgamje tɔl-dɔg-loo rɔ-joo gir-dee-misa̰ (26.000) neelé to deḛ gə́ d’askəm kodo nérɔje kaw ne loo rɔ’g tɔ.

2 Sôrta Gḭka Israɛlje 32:25

Nɛ Ejekias oo némaji gə́ yeḛ iŋga lé gə́ né el mbata yeḛ beelé dɔ’g ar oŋg lə Njesigənea̰ ḭ səa dəa’g ləm, gə dɔ Judaje’g gə dɔ Jerusalem’g ləm tɔ.

Teḛ-Raga 7:3

Ma lé m’a kar mee Parao̰ ndər, tɔɓəi m’a kar nétɔjije ləm, gə némɔrije ləm d’ḭ dɔ maree’g gə́ kédé-kédé mee ɓee gə́ Ejiptə.

Ejekel 14:9

Ɓó lé njetegginta ya̰ loo ar dee su kəmee ɓa un ta pa ndá to neḛ Njesigənea̰ ya ɓa n’su kəm njetegginta neelé, n’a kula ji neḛ ndiŋ gə́ dəa’g ndá n’a tujee ne mbuna koso-dəwje’g lə neḛ gə́ Israɛl.

Ejekel 20:25

Neḛ n’ar dee godnduje gə́ to maji sur el ləm, gə ndukunje gə́ d’askəm si ne kəmba el ləm tɔ.

Ləbije 10:6

Moyis ula Aaro̰, gə Eləajar, gə Itamar gə́ to ŋgalə Aaro̰ lé pana: Seḭ a kya̰je yiŋga dɔ sí lal kɔr gə jara kɔr dɔ el ləm, seḭ a tilje kubuje lə sí hao̰-hao̰ el ləm tɔ, nà seḭ a kwəije kar oŋg lə Njesigənea̰ ḭ səa pu dɔ koso-dəwje’g lai tɔ. Ya̰je loo arje ŋgako̰ síje gə́ to ginkoji Israɛlje lé ɓa no̰ mbata pər gə́ Njesigənea̰ ila lé.

Bula lə Israɛlje 1:19

Moyis tura bula lə dee togə́bè dɔdilaloo gə́ Sinai to gə́ Njesigənea̰ un ne ndia aree lé tɔ.

Néra Njékaḭkulaje 4:28

mba kar néje lai gə́ i wɔji gə jii gə tai kédé par-par lé deḛ ra nja.

2 Njé gə́ Tesalonikə 2:11

Togə́bè ɓa Ala sula dee ne sɔgɔ dan néŋgɔmje’g gə́ deḛ d’ɔm meḛ dee dɔ’g ndəm ne lé

Njéga̰g-Rəwtaje 2:14

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji gayim-dəwje’g ar dee tuji néje lə dee ləm, yeḛ ar njéba̰je lə dee gə́ gugu dɔ dee sub lé d’wa dee d’ar dee to ɓərje lə dee ləm tɔ ɓó d’askəm kaar naŋg gəs no̰ dee’g el.

Njéga̰g-Rəwtaje 2:20

Bèe ɓa oŋg lə Njesigənea̰ ḭ səa pu dɔ Israɛlje’g aree ne pana: Dəwje neelé d’al ta ta manrɔ’g ləm gə́ m’ndaŋg taree m’ar bɔ deeje-je ləm, deḛ d’ila ŋgonkoji dɔ tapam’g el ləm tɔ.

1 Samel 26:19

Ɓasinè maji kar mbai gə́ to mbai ləm ur mbia oo ne ta lə kura ləa. Ɓó lé to Njesigənea̰ ya ɓa ɔsi ɓɔḭ-ɓɔḭ gə mba kari oma̰ səm ndá maji karee taa nékar gə́ baḭyee ə̰də lel lé ɓa. Nɛ ɓó lé to dəwje ndá maji kar ndɔl wa dɔ dee no̰ Njesigənea̰’g ya tɔ, mbata deḛ tubam ɓogənè mba kɔrm dan nédɔji’g lə Njesigənea̰ ləm, deḛ d’ulam pana: Maji kam m’aw m’pole magəje gə́ dɔɓee’g ləm tɔ.