2 Samel 23:9 - Maktub gə́ To gə Kəmee

⁹ Njekorè gée-yeḛ lé to Eləajar, ŋgolə Dodo gə́ to ŋgolə Ahohi. Yeḛ to gə́ kára mbuna njérɔje gə́ munda gə́ d’aar gə Dabid na̰’d mba rɔ gə Pilistije gə́ mbo̰ dɔ na̰ gə mba rɔ sə dee nɛ Israɛlje sa rɔ dee d’aw dɔdərlooje’g lé.

2 Samel 23:9 ပူးပေါင်းရင်းမြစ်များ

1 Sôrta Gḭka-Israɛlje 27:4

Kudu deḛ gə́ ra kula mee naḭ gə́ njekɔm’g joo lé Dodai, ŋgoka Ahoah ɓa to ɓée deeje, Miklot to gə́ mbuna mbaije’g lə dee, ndá d’as dəwje tɔl-dɔg-loo rɔ-joo-gir-dee-sɔ sɔ (24.000).

1 Sôrta Gḭka-Israɛlje 8:4

gə Abisua, gə Naaman, gə Ahoah,

Njekillamber 4:12

Ɓó lé dəw gə́ gə karee ba ɓa maree dum dəa ndá Dəwje gə́ joo lé d’askəm dum dəa-yeḛ tɔ. Tɔɓəi kúla gə́ kunda na̰’d kəm munda lé A gaŋg kalaŋ el tɔ.

Esai 63:3

Ma m’aar gə karm ba loo-mbula-Kandə-nduú’g, Ndá dəw kára kara mbuna koso-dəwje’g aar səm keneŋ el, Ma mbula dee gə oŋg ləm ləm, M’tɔ dee raji-raji gə boo-oŋg ləm ləm tɔ. Məs dee tal wa kubuje ləm mbəgə-mbəgə Ar kubuje lai gə́ m’ula rɔm’g mina̰ ne.

Esai 63:5

M’aa loo gərərə Nɛ dəw kára kara gə́ njela səm godo, Kaarm wam paḭ Nɛ njegədm godo, Togə́bè jim-ma nja ɓa m’ra ne né ləm, Boo-oŋg ləm ɓa gədm ləm tɔ.

Mark 14:50

Yen ŋga deḛ lai d’ubá d’yá̰ buŋga na̰ d’aḭ.

1 Samel 17:10

Dəw gə́ Pilisti lé pa ya tɔɓəi pana: Ɓogənè ma m’kuma-rɔ njérɔje lə Israɛl! Amje dəw ndá jeḛ səa j’a rɔ na̰.

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.

1 Samel 17:36

To gə́ ma kura ləi m’tɔl ne toboḭ gə da-urs bèe lé ndá a to togə́bè gə dəw gə́ Pilisti gə́ nee gə́ to njelal kinja ta mɔdee lé to mbata yeḛ ula sul dɔ njérɔje’g lə Ala gə́ njesikəmba ya.