2 Samel 23:7 - Maktub gə́ To gə Kəmee

⁷ Dəw gə́ a gə kɔrɔ rɔ dee ndá A kwa dee gə kag-lar əsé kag-niŋga gə́ jia’g ɓa Tɔɓəi deḛ roo dee gə́ lé’gən ya tɔ.

2 Samel 23:7 ပူးပေါင်းရင်းမြစ်များ

Pakɔsje 21:10

I a kar dee tel to gə́ loo-kula-bṵda gə́ nuŋga kəd-kəd Mee ndəa gə́ i a teḛ kəm dee’g wai. Njesigənea̰ a kar dee d’udu guduru dan oŋg’d ləa ndá Pər a roo dee dula-dula.

Esai 27:4

Ma lé oŋg godo məəm’g, Nɛ ɓó lé m’iŋga loo mba rɔ gə kunje gə kun pɔrɔrɔje ndá M’a kaw rɔ sə dee roo deḛ lai dula-dula.

Esai 33:12

Koso-dəwje lé Pər a roo dee kar dee tel ndá To gə́ puna-kad bèe ləm, Asəna gə kunje gə́ tuga dee D’ar pər roo dee dula-dula bèe ləm tɔ.

Ejekel 2:6

Nɛ ma ŋgon-dəw lé lé kun pɔrɔrɔje gə kunje to mbɔrm’g ləm, m’isi gə mbai-yḭje na̰’d ləm tɔ kara maji kam m’ɓəl dee el ləm, maji kam m’ɓəl tapa dee el ləm tɔ. Deḛ to gel-bɔje lə njékɔsta-rəwje ya nɛ lé bèe kara maji kam m’ɓəl tapa dee el ləm, m’ɓəl kəm dee el ləm tɔ.

Matiyo 13:30

Ya̰je ar deeje tɔg na̰’d saar ndɔ kinja kó lé ndá ma nja m’a kula njékinjakoje pana: Tɔrje haowa tɔje gə dəa-dəa oreeje dɔ na̰’d més-més mba kula pər keneŋ, nɛ mbo̰je kó gə́ maji ɔmje dàmá ləm ya.

Matiyo 13:42

D’a kɔm dee dan pər gə́ kṵjee teḛ gi-gi’g, to loo gə́ d’a no̰ kar mán kəm dee wa dee jiim-jiim keneŋ ləm, d’a sɔ ŋgaŋ dee keneŋ pəgərə-pəgərə ləm tɔ.

Lugu 19:14

Nɛ njéɓeeje ləa d’ə̰jee bəḭ-bəḭ ndá d’ula njékaḭkulaje gée’g mba kar dee pana: Jeḛ ndigi kar dəw neelé o̰ ɓee dɔ sí’g el.

Lugu 19:27

Ges ta gə́ nai ɓa nee: Njéba̰je ləm gə́ ndigi karm m’o̰ ɓee dɔ dee’g el lé wa deeje gə́ nee amje ndá tɔl deeje kəm’g nee ya.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

2 Njé gə́ Tesalonikə 2:8

Ndəa neelé, yeḛ gə́ njekɔs Ala rəw lé a nduba rəa gə́ raga, nɛ lel ta Mbaidɔmbaije gə́ a tó dəa’g pu lé a tujee ne ləm, rɔnduba gə́ wɔji dɔ ndɔ ree ləa lé a guree naŋg rug-rug ləm tɔ.

Ǝbrəje 6:8

Nɛ ɓó lé naŋg a kinja gə kun əsé kiro ndá yeḛ a rəm gə ndia dəa’g mba manee ne ləm, a to gə́ né gə́ ka̰ roo ləm tɔ.