2 Samel 23:4 - Maktub gə́ To gə Kəmee

⁴ Yeḛ to asəna gə lookàr gə́ gə ndɔ Loo gə́ kàr uba bər Lookàr gə́ gə ndɔ gə lal ndi gə́ tɔ tii-tii bèe. Kṵjeje gə́ orè goo ndi lé ɓa D’ar muje d’unda ne loo dɔ naŋg’d teḛ.

2 Samel 23:4 ပူးပေါင်းရင်းမြစ်များ

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Pakɔsje 72:6

Yeḛ a to kasəna gə ndi gə́ ər dɔ mu gə́ d’inja dəa bèe ləm, Asəna gə ndi gə́ yəm njigi-njigi dɔ naŋg’d bèe ləm tɔ.

Pakɔsje 89:36

Neḛ n’un ndu neḛ gə rɔkubu gə goo meenda lə neḛ gɔl kára ya, See n’a kula Dabid taŋgɔm wa.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Esai 18:4

Mbata Njesigənea̰ ulam ta togə́bè pana: Neḛ n’isi lɔm loo-si neḛ’g N’aa loo n’oo To gə́ loonṵga lə lookàr gə́ ndɔḭ wər-wər lé ləm, To gə́ mum gə́ tàl aree oso naḭ kinja kó’g lé ləm tɔ.

Esai 4:2

Mee ndəa gən lé barkəm Njesigənea̰ a tel kidi Gə rɔndɔḭ ləm, gə rɔnduba ləm tɔ, Ndá kandə né gə́ mee ɓee’g lé A tel bə̰dərə bə̰ ləm, A tel maji péd-péd ləm tɔ, Mbata lə Israɛlje gə́ teḛ ta yoo’g lé.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Esai 60:3

Ginkoji dəwje gə raŋg d’a njaa Goo néndogó’g ləi ləm, Mbaije kara d’a njaa Goo lookàr’g ləi ləm tɔ.

Ojee 6:3

Ar sí n’gərje Njesigənea̰ ndolèje gée, Ree ləa lé to tɔgərɔ to gə́ kàr gə́ uba kuji’g bèe. Yeḛ a ree asəna gə mán ndi bèe mbata lə sí ləm, Asəna gə ndi gə́ doŋgɔr gə́ yɔm dɔ naŋg bèe ləm tɔ.

Ojee 6:5

Gelee gə́ nee ɓa Gə ta gə́ teḛ ta njéteggintaje’g lé M’a m’kunda dee ne ləm, Gə ta gə́ teḛ tam’g lé M’a m’tɔl dee ne ləm tɔ. Rəwta gaŋgje ləm d’a nduba rɔ dee to gə́ loo gə́ àr bèe.

Misee 5:7

Ges Jakobje d’a nai mbuna ginkoji dəwje gə́ bula digi-digi’g Asəna gə toboḭ gə́ aar mbuna daje gə́ mee kag-kɔr’g bèe ləm, Asəna gə ŋgon toboḭ gə́ aar mbuna koso-ŋgan badje’g bèe ləm tɔ. Loo gə́ yee dəs mba kaw ndá Yee tuba dee naŋg ləm, Yee ti dee mbidi-mbidi ləm tɔ Ar dəw gə́ njetaa dɔ dee godo.

Tagə́maji gə́ Ja̰ ndang 1:7

Yeḛ ree gə mba to njekɔrgoo néra lə lookàr lé mba kar dəwje lai d’ɔm ne meḛ dee dəa’g.

Tel tura Godndu 32:2

Maji kar ta ndoo ləm taa loo pəl-pəl asəna gə ndi gə́ ər bèe ləm Ta ləm tɔ asəna gə mán-tàl Gə́ wa dɔ naŋg bèe ləm Asəna gə ndi dodaŋ Gə́ ər dɔ mu gə́ idi lururu’g ləma Asəna gə mán ndi Gə́ ula kəŋgəŋ-kəŋgəŋ dɔ mu’g bèe ləm tɔ!

Njéga̰g-Rəwtaje 5:31

Ǝi Njesigənea̰, ar njéba̰je ləi lai d’udu togə́bè ya. Deḛ gə́ d’undai dan kəm dee’g lé Ar dee to d’asəna gə kàr bèe Loo gə́ yee teḛ ɔs keḭ-keḭ. Yen ŋga ɓee lé to lɔm as ləb rɔ-sɔ ya.