2 Samel 23:34 - Maktub gə́ To gə Kəmee

³⁴ gə Elipelet, ŋgolə Ahasbai, ŋgolə dəw kára gə́ to gə́ Maaka gə Eliam, ŋgolə Ahitopel, dəw gə́ Gilo,

2 Samel 23:34 ပူးပေါင်းရင်းမြစ်များ

2 Samel 10:6

Amo̰je lé d’oo to gə́ deḛ tel to kḛji kəm Dabid’g ndá deḛ tuga goŋ-rɔje gə́ Aram gə́ Bet-Reob gə njé gə́ Aram gə́ Soba as tɔl-dɔg-loo-rɔ-joo (20.000) ləm, gə deḛ gə́ njérɔje lə mbai gə́ Maaka d’as tɔl-dɔg (1.000) ləma, gə njérɔje gə́ Tɔb d’as tɔl-dɔg-loo dɔg giree joo (12.000) gə́ yeḛ wɔji mba kar dee lar ləm tɔ.

2 Samel 10:8

Amo̰je lé teḛ tɔs rɔ dee d’aar tarəwkɔg’d. Njé gə́ Aram gə́ Soba gə Reob ləm, gə njé gə́ Tɔb ləma, gə njé gə́ Maaka ləm tɔ d’aar gə kəm dee ɓəd loo-rɔ’g tɔ.

2 Samel 11:3

Dabid ar dee dəji ta lə dené neelé ndá d’ulá pana: See to Bat-Seba, ŋgolə Eliam gə́ to dené lə Uri, dəw gə́ Het lé el wa.

2 Samel 15:12

Loo gə́ Absalɔm si inja nékinjanéməsje ndá yeḛ ula kula ɓee-boo gə́ Gilo ɓar Ahitopel, dəw gə́ Gilo gə́ to njekwɔjita-kəmkàr Dabid lé. Yen ŋga ko̰ njuma̰ lə dee lé siŋgá tel to yaa̰ ar bula lə koso-dəwje gə́ d’aw goo Absalɔm’g lé ḭ dɔ maree’d gə́ kédé-kédé.

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

2 Samel 20:14

Joab ta̰ dan ginkoji Israɛlje lai aw saar teḛ Abel-Bet-Maaka ndá bao-rɔje lai d’aw gée’g.

Tel tura Godndu 3:14

Jayir, ŋgolə Manasə taa dɔ naŋg gə́ Argob lai saar teḛ ne rəw-nim-ɓee’g lə Geskurje, gə Maakatje ndá yeḛ unda ria-yeḛ ya dɔ ɓee-kogoje’d gə́ Basan, yee ɓa deḛ ɓar dee ne ɓee-kogoje lə Jayir ya saar teḛ ɓogənè ɓəi.

1 Samel 26:6

Dabid un ta pa ar Ahimelek, dəw gə́ Het gə Abisai, ŋgolə Seruja gə́ to ŋgoko̰ Joab pana: See na̰ ɓa ndigi kaw səm rɔ Sawul’g loo-siée’g wa. Abisai ila keneŋ pana: Ma nja m’a kaw səi.