2 Samel 23:3 - Maktub gə́ To gə Kəmee

³ Ala lə Israɛlje pata, Biri mbal lə Israɛlje ulam ta pana: Yeḛ gə́ o̰ ɓee dɔ dəwje’g gə goo rəbee ləm, Yeḛ gə́ ɓəl Ala loo ko̰ɓee’g ləa ləm tɔ lé

2 Samel 23:3 ပူးပေါင်းရင်းမြစ်များ

Gḭ-Néje 33:20

Lée neelé yeḛ ra loo-nékinjaməs keneŋ unda ne ria lə El-Elohe-Israɛl kɔr gelee pana: Ala lə Israɛlje lé.

2 Samel 22:32

See na̰ ɓa gə́ Ala ɓəi wa. See to Njesigənea̰ lé el wa. See na̰ ɓa to gə́ biri mbal lé ɓəi wa. See to Ala lə sí lé el wa.

2 Samel 8:15

Dabid o̰ ɓee dɔ Israɛlje’g lai ndá yeḛ ra né danasur ləm, ɔr ne kəmta lə dəwje ləa lai gə goo rəbee ləm tɔ.

1 Mbaije 10:9

Maji kar dɔ ri Mbaidɔmbaije Ala ləi ai səgərə, yeḛ gə́ ooi maji ɓa undai dɔ kalimbai’g lə Israɛlje lé. Mbata Njesigənea̰ unda Israɛlje dan kəmee’g saar-saar ya, yee gə́ bèe ɓa, yeḛ undai ne gə́ mbai mba kari gaŋg ne rəwta lə dee gə dɔ najee gə mbəa.

Nehemi 5:14

Un kudee mee ndəa gə́ mbai undam ne gə́ njeguburuɓee gə́ Juda lé, un kudee mee ləb gə́ njekɔm’g rɔ-joo saar teḛ mee ləb gə́ njekɔm’g rɔ-munda-giree-joo gə́ Artajerjɛs to ne mbai lé as ləb dɔg-giree-joo lé ma əsé ŋgakɔmje lé lar gə́ wɔji dɔ njeguburuɓee ɓa j’usɔ el.

Maktub gə́ wɔji dɔ Jɔb 34:17

See dəw gə́ to njeba̰ lə néra gə́ danasur lé a ko̰ɓee wa. See i a kila ta dɔ njera nédanasur’d gə́ to njesiŋgamoŋ lé wa.

Pakɔsje 110:2

Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

Pakɔsje 42:9

Dan kàrá ndá Njesigənea̰ wa səm noji, Loondul kara m’ɔs pa m’pidee ne ləm, M’ra tamaji ta Ala gə́ to gin si kəmba ləm ləm tɔ.

Pakɔsje 72:1

Pakɔs lə Salomo̰. Ǝi Ala, maji kari ar mbai gaŋg rəwta gə goo rəwta-gaŋg ləi ləm, Ŋgolə mbai lé aree ra né gə́ gə dɔ najee to gə́ i bèe ləm tɔ!

Pakɔsje 72:2

Yeḛ a gaŋgta dɔ dəwje’g ləi gə goo néra gə́ gə dɔ najee ləm, Deḛ gə́ to njénékəmndooje ləi lé Yeḛ a ra ta lə dee gə goo néra gə danasur ləm tɔ.

Teḛ-Raga 18:21

Nɛ mbuna dəwje’g lai lé maji kari mbər diŋgamje gə́ siŋga dee to kɔgərɔ-kɔgərɔ ləm, deḛ gə́ ɓəl Ala ləm, diŋgamje gə́ gel dee godo ləma, deḛ gə́ to mwəiyoolarje el ləm tɔ, maji kari unda dee gə́ njékaa dɔ mar deeje: njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, njékaa dɔ dəwje gə́ rɔ-mi rɔ-mi (50) ləma, gə njékaa dɔ dəwje gə́ dɔg-dɔg (10) ləm tɔ.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 3:15

Ala ula Moyis ya tɔɓəi pana: I a kula Israɛlje togə́bè pana: Njesigənea̰ Ala lə bɔ síje-je, Ala lə Abrakam, gə Isaak, gə Jakob ɓa ulam rɔ sí’g. Aa ooje, yee ɓa to rim gə́ gə no̰ ləm, yee ɓa to rim gə́ ginkoji dəwje gə raŋg d’a kḛji ne dɔm’g saar gə́ kédé-kédé ya ləm tɔ.

Gosota-Kəmkàrje 31:9

Maji kari teḛ tai gaŋg ne rəwta gə dɔ najee ləm, Oso gel njenékəmndoo’g gə njendoo’g ləm tɔ.

Esai 32:1

Togə́bè mbai a ko̰ɓee gə néra gə́ gə dɔ najee ləm, Mbaije kara d’a ko̰ɓee gə goo rəbee ləm tɔ.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Ǝbrəje 1:8

Nɛ aa ooje, ta gə́ yeḛ ula Ŋgonee lé ɓa nee: Ǝi Ala, kalimbai ləi to saar gə no̰. Kag-mbai gə́ ka̰ ko̰ɓee ləi lé ɓa to kag-mbai gə́ ka̰ meekarabasur.