2 Samel 23:16 - Maktub gə́ To gə Kəmee

¹⁶ Togə́bè bao-rɔje gə́ munda lé d’unda loo-si Pilistije dana gaŋg d’aw to mán gə́ to mee bwa-mán gə́ to tarəwkɔg’d lə ɓee gə́ Betlehem lé. Deḛ ree ne d’ar Dabid nɛ yeḛ mbad kai ndá yeḛ tər naŋg no̰ Njesigənea̰’g.

2 Samel 23:16 ပူးပေါင်းရင်းမြစ်များ

Gḭ-Néje 35:14

Jakob unda nékolé-mee loo gə́ Ala ulá ta keneŋ lé, to nékolé-mee gə́ ra gə kɔr mbalje ndá yeḛ saga nékar gə́ ka̰ kai ləm, gə ubu ləm tɔ dɔ’g.

2 Samel 23:9

Njekorè gée-yeḛ lé to Eləajar, ŋgolə Dodo gə́ to ŋgolə Ahohi. Yeḛ to gə́ kára mbuna njérɔje gə́ munda gə́ d’aar gə Dabid na̰’d mba rɔ gə Pilistije gə́ mbo̰ dɔ na̰ gə mba rɔ sə dee nɛ Israɛlje sa rɔ dee d’aw dɔdərlooje’g lé.

1 Sôrta Gḭka-Israɛlje 11:18

Yen ŋga bao-rɔje munda dəs dan mee loo-si njérɔje’g lə Pilistije d’aw to mán gə́ to mee bwa-mán gə́ to tarəwkɔg’d lə ɓee gə́ Betlehem lé. Deḛ tel ree ne d’ar Dabid. Nɛ Dabid ndigi kai mán lé el ndá yeḛ tər naŋg no̰ Njesigənea̰’g tɔ.

Njekillamber 4:12

Ɓó lé dəw gə́ gə karee ba ɓa maree dum dəa ndá Dəwje gə́ joo lé d’askəm dum dəa-yeḛ tɔ. Tɔɓəi kúla gə́ kunda na̰’d kəm munda lé A gaŋg kalaŋ el tɔ.

Nɔ̰-ndôo gə́ wɔji dɔ Jerusalem 2:19

Ḭta gə gel-kàr Ar ndu tuma̰ ləi ɓar wəl! Né gə́ to dɔ ɓəŋgəri’g lé Teḛ ne gə́ raga to gə́ mán bèe no̰ Njesigənea̰’g. Ula jii par gə́ rəa’g Mba kar ŋganije gə́ d’isi d’wəi yoo-ɓoo gə kag-rəwje lé D’isi ne kəmba!

Bula lə Israɛlje 28:7

Nékai gə́ ka̰ tər naŋg lé a to mán-nduú gə́ mḭ as litər kára gə gesee mbata lə ŋgon badə kára-kára, mee loo gə́ to gə kəmee’g lé ɓa i a tər nékai gə́ to mán-nduú gə́ mḭ keneŋ kar Njesigənea̰.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

Njé gə́ Rɔmə 5:7

Dɔmaji-nà dəw a kwəi gə mbata lə maree gə́ njemeekarabasur əsé dəw gə́ maji ɓa maree a kwa dəa jim nja a kwəi yoo ləa ɓəi.

2 Njé gə́ Kɔrḭtə 5:14

Mbata meenoji lə Kristi gə́ to meḛ sí’g ɓa ndɔr sí mbata jeḛ j’ə̰ji meḛ sí’g m’pana: Ɓó lé dəw kára wəi mbata mareeje lai ndá to yoo gə́ a gə tɔl dee mbad ya.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

1 Samel 19:5

Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.

1 Samel 7:6

Togə́bè ɓa deḛ mbo̰ dɔ na̰ loo gə́ Mispa ya tɔ. Deḛ to mán d’aw tər naŋg no̰ Njesigənea̰’g ləm, d’ɔg meḛ dee ɓoo mee ndəa’g neelé ləm tɔ pa ne pana: Jeḛ n’raje kaiya j’ɔsje ne Njesigənea̰ rəw ya! Ndá Samel gaŋg rəwta lə Israɛlje loo’d gə́ Mispa ya.