2 Samel 23:10 - Maktub gə́ To gə Kəmee

¹⁰ Yeḛ lé ḭ ndá tɔl Pilistije saar ar jia wəi pirig ləm, ar jia tia̰ kul-kiambas’g ləa ləm tɔ. Njesigənea̰ ra né gə́ boo ɔm dee ne tar mee ndəa’g neelé. Koso-dəwje tel ree goo Eləajar’g mba kodo nébanrɔje ba.

2 Samel 23:10 ပူးပေါင်းရင်းမြစ်များ

2 Samel 23:12

Sama ula rəa dan mee ndɔ’g lé aree on dəa ndá yeḛ dum dɔ Pilistije. Njesigənea̰ ra né gə́ boo ɔm dee ne tar.

2 Mbaije 5:1

Naaman gə́ to ɓé-njérɔje lə mbai gə́ Siri lé taa kəm mbai ləa rəgm ləm, mbai ləa kara ila riɓar gə́ boo dəa’g ləm tɔ mbata mbɔl dəa yeḛ ɓa Njesigənea̰ ar Aramje d’un ne baŋga ya. Dəw neelé to gə́ bao-rɔ ya nɛ ba̰ji ɓa gaŋgee.

1 Sôrta Gḭka-Israɛlje 11:13

Yeḛ lé si na̰’d gə Dabid loo gə́ Pas-Damim mee ndəa gə́ Pilistije mbo̰ ne dɔ na̰ gə mba rɔ lé. Lée neelé loo-ndɔ kó-ɔrj to keneŋ ndá njérɔje d’aḭ no̰ Pilistije’g keneŋ.

Pakɔsje 108:13

Maji kari lá sə sí mba kɔs ne njekoma̰ sə sí rəw! Mbata né gə́ ka̰ lá ne gə dəw lé to né gə́ gə mḭdé ba.

Pakɔsje 144:10

I nja ɓa ar mbaije d’un baŋga ləm, I nja aji kura ləi Dabid ta yoo-kiambas’g ya ləm tɔ.

Pakɔsje 68:12

Mbaidɔmbaije un ta kára pa Ar njékaḭkula tagə́majije gə́ dené Gə́ bula digi-digi d’ila mberee.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Njé gə́ Rɔmə 15:18

Tapam gə néram gə́ Kristi ɓa am siŋgam mba kam m’ra gə mba kɔr ne njépole-magəje kar dee d’ila ŋgonkoji dɔ Ala’g lé yee ɓa ma m’pa ɓó né gə́ raŋg el.

2 Njé gə́ Kɔrḭtə 4:5

Jeḛ lé j’ɔr ta gə́ wɔji dɔ rɔ síjeḛ ba el, nɛ jeḛ j’ɔr ta gə́ wɔji dɔ Jeju Kristi, Mbaidɔmbaije lé ləm, j’wa rɔ sí gə́ kuraje lə sí-seḭ gə mbata lə Jeju lé ləm tɔ.

Jujé 10:10

Ndá Njesigənea̰ sané dee kad-kad no̰ Israɛlje’g, ar Israɛlje tɔl dee bula mbɔr Gabao̰’g ləm, tuba goo dee gə rəw gə́ aw gə́ Bet-Oron ləma, dum dɔ dee saar teḛ ne Ajeka gə Makéda ləm tɔ.

Jujé 10:42

Juje taa ɓeeje neelé lai ləm, gə mbaije lə dee gə́ keneŋ ləm tɔ mbata Njesigənea̰, Ala lə Israɛlje rɔ ar dee tɔ.

Jujé 11:8

Njesigənea̰ ya̰ dee ji Israɛlje’g, deḛ dum dɔ dee ləm, tuba goo dee saar teḛ sə dee Sido̰ gə́ boo’g ləm, saar teḛ sə dee Misrepot-Mayim’g ləma, saar teḛ ne wəl-loo gə́ Mispa par gə́ bər ləm tɔ, deḛ dum dɔ dee ɓó d’ya̰ loo d’ar dəw kára kara aḭ aw el.

Njéga̰g-Rəwtaje 15:14

Loo gə́ yeḛ teḛ Léi mba̰ ndá Pilistije d’unda bula u-u-u tila ne kəmee. Bèe ɓa Ndil Njesigənea̰ dəb dəa’g ar kulaje gə́ tɔ ne jia lé tel to asəna gə kúla palégal gə́ pər o̰ bèe.

Njéga̰g-Rəwtaje 15:18

Kṵdaman ɔree loi aree ɓar Njesigənea̰ pana: I ɓa am boo-kṵ-baŋga neelé ŋga see ɓasinè m’a kwəi yoo-kunda-mán gə mba koso ne ji njé gə́ lal kinja tamɔd dee’g lé wa.

1 Samel 11:13

Nɛ Sawul pana: Dəw a tɔl dəw kára kara mee ndɔ’g bèe’g el, mbata ɓogənè lé Njesigənea̰ un baŋga mee ɓee gə́ Israɛl’g.

1 Samel 14:23

Mee ndəa’g neelé Njesigənea̰ aji Israɛlje ndá ar rɔ aw kəmee gə́ kédé saar dəs Bet-Aben.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.

1 Samel 17:53

Israɛlje d’ḭ loo kɔr Pilistije’g ndá deḛ d’odo néje gə́ mee loo-si dee’g gə́ nébanrɔ.

1 Samel 19:5

Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.