2 Samel 23:1 - Maktub gə́ To gə Kəmee

¹ Aa ooje, rudu taje lə Dabid ɓa nee: Ta lə Dabid, ŋgolə Isai. Ta lə dəw gə́ si tar ndoi, Yeḛ gə́ Ala lə Jakob wa dəa gə ubu, Njekɔspa lə Israɛlje gə́ lel.

2 Samel 23:1 ပူးပေါင်းရင်းမြစ်များ

Gḭ-Néje 49:1

Jakob ɓar ŋganeeje ula dee pana: Mbo̰je dɔ na̰ gə mba kam m’ula sí né gə́ a teḛ dɔ sí’g ndɔ gə́ gogo.

2 Samel 22:34

Yeḛ ar gɔlm wɔilɔ pélé-pélé To gə́ ka̰ arkasje bèe ləm, Yeḛ undam dɔ looje’g ləm Gə́ to tar sab ləm tɔ.

2 Samel 22:51

Yeḛ ra néje gə́ boo mbata mbai ləa Gə́ yeḛ ɔree undá gə kəmee lé Yeḛ gə́ yeḛ wa dəa gə ubu Gə́ to Dabid gə ŋgakeaje saar gə no̰ lé Yeḛ ra sə dee gə goo meekɔr jol-jol ləa.

1 Sôrta Gḭka-Israɛlje 16:7

Mee ndəa’g neelé ɓa Dabid un kudu kɔm kula ji Asap’g gə ji ŋgakea̰je’g gə mba kar dee d’ila ne riɓar dɔ Njesigənea̰’g ɓəi.

1 Sôrta Gḭka-Israɛlje 16:9

Ɔsje pa, ɔsje pa ilaje ne riɓar dəa’g ləm, Néreaje lai gə́ maji dum lé kara Paje taree ləm tɔ.

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 72:20

Yee neelé to rudu ndukwɔi lə Dabid gə́ to ŋgolə Isai lé ya.

Pakɔsje 89:20

Yen ɓa i pa ne ta ar majikojije d’oo ne né gə́ mḭdi pana: N’aw n’la gə bao-siŋgamoŋ lé N’ɔr basa kára mbuna koso-dəwje’g ya.

Pakɔsje 89:21

Neḛ n’iŋga Dabid, kura lə neḛ N’wa dəa gə ubu lə neḛ gə́ to gə kəmee,

Amɔs 6:5

Deḛ d’ɔs pa gə mḭdé ba gə kṵdu-ko̰dè ləm, Deḛ d’oo rɔ dee gə́ njégoso nékimje to gə́ Dabid bèe ləm tɔ.

Lugu 20:42

Dabid nja pata mee maktub Pakɔs’g pana: Mbaidɔmbaije lé ula Mbai ləm pana: Si dɔ jikɔlm’g

Lugu 24:44

Tɔɓəi yeḛ ula dee pana: Ta né gə́ teḛ lé to ta gə́ ma m’ula sí loo gə́ ma m’nai sə sí ɓəi lé ya, mba kar lé riri kara taje lai gə́ deḛ ndaŋg mee maktub godndu Moyis’g ləm, gə ka̰ njéteggintaje ləma, gə yee gə́ ndaŋg mee maktub Pakɔs’g ləm tɔ d’wɔji ne dɔm lé a kaw lée’g béréré togə́bè ya.

Tel tura Godndu 33:1

Aa ooje, ndutɔr gə́ Moyis, dəw lə Ala tɔr dɔ Israɛlje’g kédé ɓa wəi ɓəi lé ɓa nee:

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.

Maktub gə́ Jak ula ne ar ngan-Allaje 5:13

See dəw kára mbuna sí’g sí dan némeeko̰’g wa. Maji karee ra tamaji ta Ala’g. See dəw kára mbuna sí’g sí gə rɔlel wa. Maji karee ɔs pa kula rɔnduba dɔ Ala’g lé.

1 Samel 17:12

Dabid lé to ŋgolə Isai, dəw gə́ Eprata gə́ si Betlehem dɔ naŋg gə́ Juda gə́ ŋganeeje jinaijoo. Mee ndəa’g lə Sawul lé Isai lé ləbee bula yaa̰ aree ɓuga yaa̰.

1 Samel 18:7

Denéje gə́ d’ɔs pa lé d’ila na̰ ta’g pana: Sawul tɔl njéba̰je tɔl-dɔg-dɔg (1.000) Nɛ Dabid tɔl dee tɔl-dɔg-loo-dɔg-dɔg (10.000).

1 Samel 2:10

Njéba̰je lə Njesigənea̰ lé D’a kunda bala. Yeḛ a kar ndi ḭ mee dara gə́ tar Mba ndaŋ dɔ dee’g: Njesigənea̰ a gaŋg rəwta Kun ne rudu naŋg nee lad. Yeḛ a kar mbai ləa siŋgamoŋ, Yeḛ a kar siŋgamoŋ lə yeḛ gə́ yeḛ wa dəa gə́ ubu lé Ḭ dɔ maree’d gə́ kédé-kédé.