2 Samel 22:7 - Maktub gə́ To gə Kəmee

⁷ Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl Gə́ rɔ Ala’g lé ləm, Mee kəi-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

2 Samel 22:7 ပူးပေါင်းရင်းမြစ်များ

Pakɔsje 107:6

Deḛ no̰ wəl dan néurti gə́ ra dee Ɓar ne Njesigənea̰ ndá Yeḛ ɔr dee dan néɓəŋgərətije gə́ ra dee’g lé.

Pakɔsje 116:4

Nɛ ma lé m’ɓar ri Njesigənea̰: M’pana: Ǝi Njesigənea̰, ajim ya kɔgərɔ kari.

Pakɔsje 120:1

Pakɔs kḭ kaw tuga ne loo ɗao-ɗao gə́ tar. Loo gə́ m’isi dan néurti’g ndá M’no̰ wəl gə́ rɔ Njesigənea̰’g ndá Yeḛ ilam keneŋ.

Pakɔsje 18:6

Ta dɔɓar to tag mbata ləm ləm, Bandəje lə yoo kara d’aḭ dɔm kɔr-kɔr ləm tɔ.

Pakɔsje 27:4

Ma m’dəji Njesigənea̰ né kára gə́ ma m’ndiŋga lé Ma m’ndəb ndəbee gə mba kiŋga: Ma m’ndigi si kəi lə Njesigənea̰ saar gə nɔm ya Gə mba korè ne kəm ndəŋ dɔ boo-ronduba’g lə Njesigənea̰ ləm, Gə mba kar kəm wəi ne sḭ dɔ kəi-siée’g ləm tɔ.

Pakɔsje 34:6

Loo gə́ dəw tel kəmee par gə́ rəa’g ndá Kəmee ndɔḭ wər-wər gə rɔlel Ɓó rɔkul wa kəmee el.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Junas 2:4

I undam ilam dan ɓul mán baa-boo gə́ uru yaa̰’g, Tur lə mán gə́ tur tuma̰-tuma̰ lé Aḭ dɔm sub ləm, Paŋgəm-manje gə mán bèlmje ləi lai dəs dɔm’g ləm tɔ.

Junas 2:7

Ma lé m’ndii mán M’aw saar ŋgira mbalje gə́ naŋg Ar pəgərə tarəwɓeeje lə njé gə́ d’wəi’g lé D’udu dɔm’g saar gə no̰, Lé bèe kara i Njesigənea̰ Ala ləm lé I am m’unda loo mee bwa’g m’teḛ kəmba ya.

Habakuk 2:20

Njesigənea̰ si mee kəi’g ləa gə́ to gə kəmee lé. Maji kar dəwje lai gə́ dɔ naŋg nee D’isi gə ta dee gə́ mundu nea̰’g ya!

Lugu 22:44

Loo gə́ yeḛ to ndur rəa ndá yeḛ to ta Ala’g pəgə-pəgə, ar mán təd gə́ rəa’g teḛ kas asəna gə məs gə́ ndəi ɗəŋ-ɗeŋbèe.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.