2 Samel 22:44 - Maktub gə́ To gə Kəmee

⁴⁴ I ɔrm mbuna ta tḭ-na̰’g lə dəwje ləm, I gədm mba kam m’to mbai dɔ ginkoji dəwje gə raŋg tɔ, Dəwje gə́ m’gər dee kédé el ɓəi lé Deḛ ra né d’am.

2 Samel 22:44 ပူးပေါင်းရင်းမြစ်များ

2 Samel 19:14

Seḭ a kulaje Amasa kara togə́bè pajena: See i to siŋgarɔm gə dakasrɔm el wa. Ɓó lé ɓogənè m’ari tel to ɓé-njérɔje ləm gə no̰ tor Joab’g el ndá maji kar Ala ra səm nédɔkudu ya.

2 Samel 19:9

Togə́bè ɓa mbai lé ḭta aw si tarəwkɔg’d. D’ula njérɔje lai pana: Aa ooje, mbai si tarəwkɔg’d. Bèe ɓa njérɔje lai ree d’aar no̰ mbai’g lé. Nɛ njérɔje lə Israɛl ɓa d’aḭ d’ar nana kara aw mee kəi-kubu’g ləa-ləa ya.

2 Samel 20:22

Bèe ɓa dené lé aw rɔ koso-dəwje’g lai gə kəmkàr ləa ndá deḛ gaŋg dɔ Seba, ŋgolə Bikri lé d’ila d’ar Joab. Joab im to̰to̰ ndá njérɔje sanéna̰ d’ya̰ ɓee-boo lé ndá, nana kara aw mee kəi-kubu’g ləa-ləa. Joab kara tel aw Jerusalem rɔ mbai’g lé tɔ.

2 Samel 3:1

Rɔ aw gə́ kédé-kédé mbuna njé’g lə Sawul gə njé’g lə Dabid. Siŋga Dabid ḭ dɔ maree’d gə́ kédé-kédé nɛ ka̰ njé’g lə Sawul ɓa rəm gə́ gogo-gogo tɔ.

2 Samel 5:1

Ginkoji Israɛlje lai d’aw rɔ Dabid’g mee ɓee gə́ Ebro̰ d’ulá pana: Aa oo, jeḛ n’toje sḭgarɔije ləm, gə darɔije ləm tɔ.

Pakɔsje 110:6

Yeḛ gaŋg rəwta gə dɔ najee Mbuna ginkoji dəwje gə raŋg’g, Nin dəwje taa ne loo pəl-pəl, Yeḛ tɔ dɔ mbaije gə́ mee ɓee’g neelé rɔb-rɔb njal ɔr rɔd ya.

Pakɔsje 18:43

Ma m’iri dee budu-budu M’ar dee to d’asəna gə babur gə́ lel ɔr aw ne bèe ləm, Ma mbɔḭ dee naŋg mbaji-mbaji Asəna gə bɔrɔ gə́ to rəbə bèe ləm tɔ.

Pakɔsje 2:8

Maji karm m’dəji neḛ ndá N’a kwa ginkoji dəwje gə raŋg karm gə́ nédɔji ləm, Ɓeeje gə́ d’ɔr rudu naŋg nee rɔd lé kara N’a karm gə́ ɓeeko̰ ləm ya ləm tɔ.

Esai 55:4

Aa ooje, ma m’undá gə́ njekɔrgoota ləm Mbuna koso-dəwje’g ləm, M’undá gə́ mbai gə́ njedum dɔ koso-dəwje ləm tɔ.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 60:12

Mbata ginkoji dəwje gə́ rara gə ɓeeko̰ gə́ rara gə́ a ra né kari el ndá a tuji ləm, ginkoji dəwje gə raŋg neelé d’a tuji dee pugudu-pugudu kar dee godo ləm tɔ.

Esai 65:1

Deḛ gə́ dəjim né kára el lé M’ar dee né ləm, Deḛ gə́ saŋgəm el kara Ma m’ar dee d’iŋgam ləm tɔ, Ma m’pana: Yḛ̀ m’aar nee M’ar ginkoji dəwje gə́ ɓar rim el.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Ojee 2:23

Njesigənea̰ pa togə́bè pana: Mee ndəa’g neelé m’a to Ala gə́ njekoo ta kila’g, M’a koo ndukwɔi lə dara ndá Dara a koo ndukwɔi lə naŋg nee tɔ,

Njé gə́ Rɔmə 15:12

Esai kara pa togə́bè tɔ pana: Barkəmrɔ Isai a kḭ Ndá yeḛ a kḭ mba ko̰ɓee dɔ ginkoji dəwje gə raŋg ya. Bèe ɓa ginkoji dəwje gə raŋg lé d’a kunda meḛ dee yel gə́ dəa’g.

Njé gə́ Rɔmə 9:25

to gə́ yeḛ pa mee maktub’g lə Ojee lé pana: Deḛ gə́ to gə́ dəwje lə neḛ el lé N’a ɓar dee dəwje lə neḛ ya ləm, Deḛ gə́ neḛ n’unda dee dan kəm neḛ’g el lé Ɓasinè n’a ɓar dee dəwje gə́ n’unda dee dan kəm neḛ’g ya ləm tɔ.

Tel tura Godndu 28:13

Njesigənea̰ a kar sí toje gə́ ŋgaw ta dee ɓó a kar sí toje gə́ rudu deeje el. Seḭ a síje tar ɗaŋg ta-ta ɓó seḭ a síje loo’d gə́ bər el, loo gə́ seḭ a kilaje koji dɔ godnduje’g lə Ala lə sí gə́ Njesigənea̰ gə́ ma m’un m’ar sí ɓogənè ləm, loo gə́ seḭ a kaaje dɔ dee kər-kər gə mba ra née ləma,

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.