2 Samel 22:40 - Maktub gə́ To gə Kəmee

⁴⁰ I am siŋgamoŋ ləi m’rɔ ne ləm, I ar njékoma̰ səmje d’oso kul nɔm’g ləm tɔ.

2 Samel 22:40 ပူးပေါင်းရင်းမြစ်များ

Pakɔsje 109:19

Maji karee on rəa to gə́ kubu gə́ ŋgal yududu bèe ləm, Asəna gə ndar gə́ tɔ ne ɓəree ta-ta bèe ləm tɔ.

Pakɔsje 144:2

Yeḛ to njera səm maji gə kəi-kaar-kɔgərɔ ləm ləm, Yeḛ to loo ləm gə́ to tar sab gə njetaa dɔm ləm, Yeḛ to gə́ dər-rɔ ləm gə njo̰loo-kula-dɔ ləm lé ləma, Yeḛ nja ar koso-dəwje ləm d’oso gelm’g ləm tɔ.

Pakɔsje 18:32

See na̰ ɓa gə́ Ala ɓəi wa. See to Njesigənea̰ lé el wa. See na̰ ɓa to gə́ kɔr mbal lé ɓəi wa. See to Ala lə sí lé to el wa.

Pakɔsje 18:39

Ma m’iri dee njigi-njigi ɓó d’askəm kuba naŋg kḭ tar el ŋga, Deḛ toso ne gin gɔlm’g naŋg ya tɔ.

Pakɔsje 44:5

Ǝi Ala, i lé to mbai ləm, Maji kari un ndui mba kar njé’g lə Jakob d’ɔr ne dɔ dee kúla’g.

Esai 45:5

Ma m’to Njesigənea̰ ɓó yeḛ gə́ raŋg godo, Ɓó lé m’godo ndá Ala kara godo tɔ. Kédé gə́ i gərm el ɓəi lé ya Ma m’tɔ mina-mbai reŋgi’g,

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Njé gə́ Kolosə 1:11

Togə́bè ɓa, mbɔl dɔ boo-siŋgamoŋ ləa gə́ maji dum gə́ yeḛ ula meḛ sí’g lé seḭ a ŋgəŋje ne dɔ néje’g lai ndá seḭ a sije gə meendakaḭ, a kilaje meḛ sí po̰ kaije meḛ sí sam-sam dɔ néje gə́ lai gə́ ra sí lé tɔ.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.

1 Samel 23:5

Dabid gə dəwje ləa d’ḭ d’aw Keyila ndá deḛ rɔ gə Pilistije. D’ɔr nékulje lə dee ləm, ndum dee mburug-mburug ləm tɔ. Togə́bè ɓa Dabid taa ne dɔ dəwje gə́ d’isi Keyila ya.