2 Samel 22:4 - Maktub gə́ To gə Kəmee

⁴ Ma m’no̰ wəl m’pana: Maji kar dɔ ri Njesigənea̰ ai səgərə! Ndá yeḛ ɔrm ji njéba̰je’g ləm.

2 Samel 22:4 ပူးပေါင်းရင်းမြစ်များ

2 Sôrta Gḭka Israɛlje 20:22

Loo gə́ d’un kudu kɔs paje ləm, gə pa pidije ləm tɔ ndá Njesigənea̰ ula Amo̰je, gə Moabje, gə njé gə́ dɔ mbal gə́ Seir gə́ ree gə mba rɔ gə Judaje lé na̰’d wɔr. Bèe ɓa deḛ nja naḭ dɔ na̰’d tuji na̰.

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Pakɔsje 106:2

See na̰ ɓa a pata néraje lə Njesigənea̰ gə́ ur dɔ loo lé ɓəi wa. Esé see na̰ ɓa a kila mber ta pideeje ləa lai-lai wa.

Pakɔsje 116:13

M’a kun ŋgo gə́ wɔji dɔ kaji lé kula ndiŋ gə́ tar Ɓar ne ri Njesigənea̰.

Pakɔsje 116:17

M’a kinja nékinjaməs gə́ ka̰ kɔm na̰’d sad kari ləm, M’a ɓar ne rii-i Njesigənea̰ lé ya ləm tɔ.

Pakɔsje 116:2

Mbata yeḛ tuga mbia par gə́ rɔm’g ya, Bèe ndá m’a ɓar ria loo gə́ m’isi ne kəmba lé saar-saar ya tɔ.

Pakɔsje 116:4

Nɛ ma lé m’ɓar ri Njesigənea̰: M’pana: Ǝi Njesigənea̰, ajim ya kɔgərɔ kari.

Pakɔsje 18:3

Njesigənea̰, i to kɔr mbal ləm ləm, Gə kəi-kaar-kɔgərɔ ləm ləma, Gə njetaa dɔm ləm tɔ! Ala ləm, i to kɔr mbal ləm gə́ to loo-kula-dɔm ləm ya. I to dər-rɔ ləm ləm, Gə siŋgam gə́ m’aji ne ləma, Gə loo ləm gə́ to tar sab lé ləm tɔ.

Pakɔsje 34:6

Loo gə́ dəw tel kəmee par gə́ rəa’g ndá Kəmee ndɔḭ wər-wər gə rɔlel Ɓó rɔkul wa kəmee el.

Pakɔsje 48:1

Pakɔs lə Koréje

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 55:16

Maji kar yoo ɓa dar dee bus ləm, Maji kar dee d’aw kəmba ɓee lə yoo ləm tɔ, Mbata meeyèr lé to dan loo-si dee’g ləm, To mbuna dee’g ləm tɔ.

Pakɔsje 56:9

Kila gɔlmje gə́ m’isi ne kəmba M’aw ne tar yo gə́ nee lé I tura dee ɗém-ɗém, Man no̰je gə́ kəm’g lé maji kari mbo̰ dee ɔm mee ku’g ləi. See i ndaŋg taree mee maktub’g ləi el wa.

Pakɔsje 66:2

Ɔsje pa ulaje ne rɔnduba dɔ ria’g ləm, Ɔsje gaji rɔnduba ləa gə pa pidije lə sí lé ləm tɔ.

Pakɔsje 96:4

Mbata Njesigənea̰ lé to gə́ boo ya, Yeḛ nja ɓa askəm kiŋga pidi ləm, Yeḛ to ɓəl kədm-kədm ur dɔ magəje’g lai-lai ya ləm tɔ.

Njé gə́ Rɔmə 10:13

Mbata nana ɓa gə́ a ɓar ri Mbaidɔmbaije ndá a kaji ne ya.

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.

Loo gə́ killa rea kəm Ja̰’g 5:12

Deḛ pata gə ndu dee gə́ boi wəl pana: Ŋgonbad gə́ d’inja gə́ məs lé yeḛ nja askəm kiŋga dɔmoŋ ləm, gə bao-nékiŋga ləm, gə bao-kəmkàr ləm, gə siŋgamoŋ gə tɔgmbaŋ ləm, gə riɓar ləm, gə rɔnduba ləma, gə tapidi ləm tɔ.