2 Samel 22:31 - Maktub gə́ To gə Kəmee

³¹ Rəwje lə Ala to maji ɔr njoroŋ ya. Ta lə Njesigənea̰ lé kara to ta gə́ to njaŋg tɔ. Yeḛ to dər-rɔ lə deḛ lai Gə́ d’ɔm meḛ dee dəa’g.

2 Samel 22:31 ပူးပေါင်းရင်းမြစ်များ

2 Samel 22:3

Ala ləm tɔ biri mbal ləm Gə́ m’iŋga ne njo̰loo-kula-dɔm keneŋ. Yeḛ to dər-rɔ ləm gə́ m’a maji ne ləm, Gə loo ləm gə́ to tar sab gə́ m’ula dɔm keneŋ ləm tɔ.

Nehemi 9:8

I oo to gə́ mee to danasur nɔḭ’g, Yee ɓa i man ne rɔi aree ləm, I un ne ndui mba kar ŋgakeaje taa ɓee lə Kana̰je Gə Hetje gə Amɔrje gə Peresje Gə Yebusje gə Girgasije gə́ né ka̰ dee-deḛ. Ndá ta gə́ i pa lé i ra née ya Mbata i to njera né gə́ danasur tɔ.

Maktub gə́ wɔji dɔ Jɔb 34:10

Maji kar sí ooje ta ləm ɓa, seḭ dəwje gə́ takə̰ji lə sí inja paw! Néra gə́ lal najee godo rɔ Ala’g lé ləm, Meeyèr godo rɔ Bao-siŋgamoŋ’d ləm tɔ.

Pakɔsje 119:140

Ta ləi to ta gə́ to njaŋg ya, Kura ləi lé undá dan kəmee’g tɔ.

Pakɔsje 12:6

Njesigənea̰ pana: Njénékəmndooje lé d’ula kəm dee ndòo ləm, Njéndooje kara tuma̰ gə no̰ ŋgururu-ŋgururu ya ləm tɔ. Bèe ndá ɓasinè n’a kḭ ra né ya. N’a la gə deḛ gə́ d’oma̰ sə dee D’ar dee d’aw ne jələ-jələ lé.

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Pakɔsje 18:30

Mbɔl dɔi-i nja ɓa M’ta̰ ne mbuna kudu-njérɔje m’teḛ ləm, Mbɔl dɔi-i Ala ləm lé ɓa M’al ne dɔ ndògo-bɔrɔ m’ur ne naŋg raga ləm tɔ.

Pakɔsje 2:7

Godndu lé m’a kila mberee, Njesigənea̰ ulam pana: Ma m’to ŋgon neḛ! Ɓogənè ɓa n’ojim ya.

Pakɔsje 35:2

Maji kari un dər-rɔ gə́ lam gə yeḛ gə́ boi lé Ḭ ne rad gə mba la ne səm ya.

Pakɔsje 84:9

Njesigənea̰, Ala gə́ njeboo-néje lé Maji kari oo tamaji gə́ m’ra tai’g ya, Ala lə Jakob, maji kari ur mbii gə́ rɔm’g ya tɔ.

Pakɔsje 91:4

Yeḛ a kɔm bèlee dɔi’g ndá I a kiŋga ne loo-kula-dɔi gin bagee’g. Meenda londoŋ ləa ɓa to dər ləi gə kubu-rɔ kula kaari’g ya.

Gosota-Kəmkàrje 30:5

Taje lai gə́ Ala pa lé to taje gə́ àr ŋgad-ŋgad. Yeḛ to dər lə deḛ gə́ saŋg njo̰loo-kula-dɔ dee rəa’g.

Njekillamber 3:14

Ma m’gər gao néje lai gə́ Ala ra dee lé d’a to saar gə no̰ ya, né kára gə́ gə mba kila dɔ’g godo ləm, né kára gə́ gə mba kɔr keneŋ godo ləm tɔ. Bèe ɓa Ala ra togə́bè gə mba kar dəwje d’oso ne kul nea̰’g ya.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Matiyo 5:48

Maji kar sí toje njémaji kɔrnjoroŋje to gə́ Bɔ síje gə́ si tar to ne njemaji kɔrnjoroŋ bèe tɔ.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,