2 Samel 22:22 - Maktub gə́ To gə Kəmee

²² Mbata ma lé m’aa dɔ rəwje lə Njesigənea̰ kər-kər ya. Ta kára kara wa dɔm no̰ Ala’g lé ləm el.

2 Samel 22:22 ပူးပေါင်းရင်းမြစ်များ

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

1 Mbaije 9:4

Ɓó lé i njaa nɔm’g to gə́ bɔbije Dabid njaa ne nɔm’g gə meendakaḭ gə meekarabasur ra ne néje gə́ m’un ndum dɔ’g m’ari ləm, ɓó lé i aa dɔ godndumje gə ndukunje ləm ləm tɔ ndá,

Pakɔsje 119:1

Rɔlel nai gə deḛ gə́ gel dee godo rəw-kaw dee’g Ar dee njaa gə goo godndu Njesigənea̰ lé.

Pakɔsje 125:5

Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.

Pakɔsje 128:1

Pakɔs kḭ kaw tuga ne loo ɗao-ɗao gə́ tar. Rɔlel nai gə dəwje gə́ ɓəl Njesigənea̰ Deḛ gə́ njaa gə goo kila-rəwje ləa lé.

Pakɔsje 18:1

Pa lə Dabid gə́ ar bao-pa mba karee ɔs sə dee lé. Dabid, ŋgonjelookisi lə Njesigənea̰ ɔs pa neelé pidee ne loo gə́ yeḛ ɔree ji njéba̰je’g ləa lai ləm, gə ji Sawul’g ləm tɔ.

Pakɔsje 36:3

Mbata yeḛ nja ɔs gaji rəa Gə mba kar dɔ néra kori-kori ləa ɔr ne njal ləm, Mba riba ne dɔ kḛji loo bəḭ-bəḭ ləa gə́ raga ləm tɔ.

Gosota-Kəmkàrje 8:32

Bèe ɓa ɓasinè lé ŋganəmje, Ooje ta ləm, Deḛ gə́ d’aa dɔ rəw-kabmje lé Rɔlel nai sə dee ya!

Soponi 1:6

Deḛ gə́ tel gir dee d’ar Njesigənea̰ ləm, Gə deḛ gə́ ndolè Njesigənea̰ el ləma, Gə dəjee ta el ləm tɔ.

Bula lə Israɛlje 16:15

Oŋg lə Moyis al dəa sula ndá yeḛ ula Njesigənea̰ pana: Nékarje lə dee lé maji kari oo gə́ né el. Ma lé m’taa mulayḛ̀je lə dee kára kara el ləm, m’ra majel gə dəw kára kara mbuna dee’g el ləm tɔ.

Tagə́maji gə́ Ja̰ ndang 15:10

Ɓó lé seḭ aaje dɔ godndum kər-kər ndá seḭ a naije dan kəm’g ya to gə́ ma kara m’aa dɔ godndu Bɔm kər-kər ɓa m’nai ne dan kəmee’g bèe tɔ.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

1 Samel 12:3

Ma ya m’aar nee! Ɔrje goo néramje no̰ Njesigənea̰’g ləm, gə no̰ yeḛ’d gə́ yeḛ wa dəa gə ubu lé ləm tɔ. See na̰ ɓa m’taa maŋg ləa əsé na̰ ɓa m’taa mulayḛ̀je ləa wa. See na̰ ɓa m’ula kəmee ndòo əsé m’ra səa né gə́ kədərə wa. See na̰ ɓa m’taa né jia’g ɓa m’un ne kəm dəa’g wa. Ndá m’a tel ne kar sí ya.