2 Samel 21:9 - Maktub gə́ To gə Kəmee

⁹ ndá yeḛ ya̰ dee ji Gabao̰je’g ar dee tɔ dee tar dɔ mbal’g no̰ Njesigənea̰’g tɔ. Deḛ siri lai lé d’udu na̰’d, deḛ tɔl dee mee ndɔje gə́ doŋgɔr gə́ to naḭ kinja kó loo gə́ d’un kudu kinja kó-ɔrj lé tɔ.

2 Samel 21:9 ပူးပေါင်းရင်းမြစ်များ

2 Samel 21:6

maji kar dee d’ar sí dəwje siri mbuna ŋganeeje gə́ diŋgam’g mba kar sí n’tɔ deeje tar no̰ Njesigənea̰’g mee ɓee gə́ Gibea’g lə Sawul, yeḛ gə́ Njesigənea̰ ɔree lé. Ndá mbai lé pana: M’a kwa dee kar sí ya.

2 Samel 6:17

Gée gə́ gogo loo gə́ deḛ ree gə sa̰duk-manrɔ lə Njesigənea̰ mba̰ ndá deḛ d’unda lée’g dan mee kəi-kubu gə́ Dabid ra wɔji ne dəa lé. Tɔɓəi Dabid inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ ar Njesigənea̰.

2 Samel 6:21

Dabid tel ila Mikal’g pana: To no̰ Njesigənea̰, yeḛ gə́ mbərm undam gə́ mbai dɔ koso-dəwje’g lə Njesigənea̰ gə́ to Israɛlje lé ləm, gə no̰ yeḛ gə́ undam dan kəmee’g unda bɔbije gə njémeekəije ləa lai ləm tɔ lé. To no̰ Njesigənea̰ ɓa ma m’al rɔm keneŋ ya.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Teḛ-Raga 9:31

Palégal ləm, gə kó-ɔrj ləm tɔ lé tuji mbata kó-ɔrj lé ɔr dɔ ləm, palégal kara pudu mba̰ ləm tɔ,

Teḛ-Raga 9:32

kó-blé gə kó-təḭ lé tuji el mbata deḛ nai gogo ɓəi.

Bula lə Israɛlje 25:4

Njesigənea̰ ula Moyis pana: Maji kari mbo̰ mbaije lə koso-dəwje lai dɔ na̰’d ndá i a kar dee tɔ dee tar no̰ Njesigənea̰’g dan kàrá mba kar boo-oŋg lə Njesigənea̰ gə́ to ɓəl kədm-kədm lé lal oso dɔ Israɛlje’g.

Tel tura Godndu 21:22

Ɓó lé deḛ tɔl dəw gə́ ra kaiya gə́ as yoo ɓa ɗaree kaar kag’d ndá,

Rudu 1:22

Togə́bè ɓa Naomi deḛ gə Rudu gə́ to məmeeje gə́ to gə́ ginkoji’d gə́ Moab lé d’ḭ ne dɔ naŋg’d gə́ Moab tel ree ne. Deḛ teḛ Betlehem mee naḭ gə́ d’un kudu kinja kó gə́ ɓaree ɔrj lé.

1 Samel 15:33

Nɛ Samel pana: To gə́ kiambas ləi ar denéje d’isi lal ŋgan deeje lé Kɔḭje kara a si mbuna dené mareeje’g lal ŋgon tɔ. Yen ŋga Samel gaŋg Agag dana mbidi-mbidi no̰ Njesigənea̰’g loo gə́ Gilgal tɔ.