2 Samel 21:7 - Maktub gə́ To gə Kəmee

⁷ Mbai aji Mepiboset, ŋgolə Jonatan gə́ to ŋgolə Sawul mbata ta manrɔ gə́ to mbuna Dabid’g gə Jonatan, ŋgolə Sawul’g no̰ Njesigənea̰’g lé.

2 Samel 21:7 ပူးပေါင်းရင်းမြစ်များ

2 Samel 16:4

Mbai ula Siba pana: Aa oo, néje lai gə́ to ka̰ Mepiboset lé to kaḭ-i ya. Ndá Siba pana: Ma m’dəb kəm naŋg nɔḭ’g ya! Ǝi mbai ləm, maji kam m’taa kəmi rəgm ya!

2 Samel 19:25

Mepiboset, ŋgoka Sawul kara aw tila kəm mbai tɔ. Yeḛ togo gɔlee el ləm, yeḛ ndisa mbai təa el ləma, togo kubuje ləa el ləm tɔ un kudee mee ndəa gə́ mbai ḭ aw ne saar yeḛ tel ree ne gə meekulɔm lé.

2 Samel 4:4

Jonatan, ŋgolə Sawul lé ŋgonee gə́ diŋgam si keneŋ nɛ gɔleeje unda ndolè. Yeḛ lé ləbee as mi ba loo gə́ d’ḭ Jisreel ree gə sorta kwəi lə Sawul gə Jonatan, ndá njeŋgəmee lé unee aḭ səa tɔɓəi loo gə́ aḭ səa gə tɔgee ndá yeḛ tel oso ar ŋgon lé gɔleeje mbɔi. Ŋgon neelé ria lə Mepiboset.

2 Samel 9:1

Dabid pana: See dəw kára mbuna njémeekəije’g lə Sawul nai gə mba kam m’ra səa meemaji mbata lə Jonatan ya el wa.

2 Samel 9:10

I a ndɔ dɔ naŋg gə mbata ləa, i seḭ gə ŋganije ləm, gə kuraje ləi ləm tɔ. I a kinja kandə néje gə mba kar ŋgolə ɓéije iŋga nésɔ nɛ Mepiboset, ŋgolə ɓéije lé a sɔ né səm na̰’d ta-ta ya. Siba lé ŋganeeje gə́ diŋgam d’as dɔg-gir-dee-mi ləm, kuraje ləa d’as rɔ-joo ləm tɔ.

2 Samel 9:6

Mepiboset, ŋgolə Jonatan gə́ to ŋgolə Sawul lé ree rɔ Dabid’g ndá yeḛ oso naŋg bəbərə unda barmba dəb kəmee naŋg nea̰’g. Dabid ɓaree pana: Mepiboset! Yeḛ ndigi təa’g pana: To ma kura ləi ya.

2 Samel 9:7

Dabid ulá pana: Maji kari ɓəl el mbata ma m’ndigi ra səi meemaji mbata Jonatan gə́ bɔbije lé ya. M’a kari dɔ naŋgje lai gə́ to ka̰ kaije Sawul ləm, tɔɓəi i a sɔ né səm na̰’d ta-ta ləm tɔ.

Njekillamber 8:2

Yen! Ilaje ŋgonkoji dɔ ta’g lə mbai lé Mbata ta manrɔ lə Ala ya.

1 Samel 18:3

Jonatan man rəa ar Dabid mbata yeḛ ndigee to gə́ ndigi ne darəa-yeḛ bèe.

1 Samel 20:12

Jonatan ula Dabid pana: Ma m’ar Njesigənea̰, Ala lə Israɛlje to njekoo goo ta ləm ya! Bèlè əsé nona ndá m’a kuru mee bɔm koo. Ɓó lé yeḛ wɔji mée’g gə mba ra meemaji gə Dabid ɓa m’lal kula dəw karee ulai ndá

1 Samel 20:15

Esé lé m’wəi kara ar goo meemaji ləi yɔr mba njémeekəije ləm nda̰ el. Lée Njesigənea̰ a tɔs njéba̰je lə Dabid kára-kára lai tɔr dee dɔ naŋg nee kara aree yɔr el ya.

1 Samel 20:17

Jonatan ar Dabid man rəa aree ya gə goo ndigi gə́ yeḛ ndigee yaa̰ mbata Jonatan lé ndigee to gə́ darəa-yeḛ bèe tɔ.

1 Samel 20:42

Jonatan ula Dabid pana: Aw gə meekulɔm. Ɓasinè jeḛ manje rɔ sí j’ar na̰ gə ri Njesigənea̰ m’pajena: Maji kar Njesigənea̰ nai mbuna sí-jeḛ səi’g ləm, gə mbuna ŋgakamje-je’g gə ŋgakaije-je’g ləm tɔ saar gə no̰ ya.

1 Samel 20:8

Bèe ndá maji kari tɔji kura ləi meemaji ləi ɓa mbata kédé jeḛ səi lé jeḛ manje rɔ sí j’ar na̰ no̰ Njesigənea̰’g. Ɓó lé néra gə́ gə goo rəbee el to rɔm’g ndá maji kari-i nja tɔlm ŋga mən, mba ɗi tɔɓəi ɓa a kaw ne səm saar rɔ bɔbije’g tɔɓəi wa.

1 Samel 23:18

Deḛ joo bɔr manrɔ dee d’ar na̰ no̰ Njesigənea̰’g ndá Dabid nai mee kag-kɔr’g lé nɛ Jonatan ɔd aw ɓee ləa.

1 Samel 24:22

Ɓasinè, maji kari man rɔi gə ri Njesigənea̰ am to gə́ i a tuji ŋgakamje gə́ goom’g el ləm, gə i a kar rim udu mbuna njémeekəije’g lə bɔmje el ləm tɔ ɓa.