2 Samel 21:18 - Maktub gə́ To gə Kəmee

¹⁸ Goo néje’g neelé ndá deḛ rɔ gə Pilistije mee ɓee gə́ Gob ya ɓəi. Tɔɓəi Sibekai, dəw gə́ Husa lé tɔl Sap, yeḛ gə́ kára mbuna ŋgalə Rapa’g.

2 Samel 21:18 ပူးပေါင်းရင်းမြစ်များ

2 Samel 21:16

Yen ŋga Jisbi-Benob, yeḛ gə́ kára mbuna ŋgalə Rapa’g lé wɔji mée’g mba tɔl Dabid. Yeḛ lé kwɔi lə niŋga-ndəi ləa as nékwɔji kwɔi-lə-né larkas munda ləm, tɔɓəi yeḛ tɔ kiambasje gə́ sigi ya rḛgee’g ləm tɔ.

2 Samel 21:20

Rɔ tel ḭ Gat’g ya ɓəi. Dəw kára si keneŋ, to dəw gə́ ŋgal yaa̰, yeḛ lé ŋgan jia misa̰-misa̰ ləm, ŋgan gɔleeje misa̰-misa̰ ləm tɔ ar deḛ lai d’aḭ rɔ-joo-gir-dee-sɔ. Yeḛ kara ḭ ginka’g lə Rapa ya tɔ.

2 Samel 21:22

Dəwje gə́ sɔ neelé to ŋgalə Rapa gə́ Gat. Ji Dabid gə ji kuraje ləa ɓa tuji dee ya.

1 Sôrta Gḭka-Israɛlje 11:29

gə Sibekai, dəw gə́ Husa, gə Ilai dəw gə́ Ahoah,

1 Sôrta Gḭka-Israɛlje 27:11

Ɓée kudu deḛ gə́ njekɔm’g jinaijoo gə́ ra kula mee naḭ gə́ njekɔm’g jinaijoo lé to Sibekai, dəw gə́ Husa, to gə́ mbuna gel-bɔje’g lə Jeraje, ndá d’as dəwje tɔl-dɔg-loo rɔ-joo-gir-dee-sɔ sɔ (24.000).