2 Samel 21:15 - Maktub gə́ To gə Kəmee

¹⁵ Pilistije ree rɔ gə Israɛlje ya tɔɓəi. Dabid aw gə njérɔje ləa ndá deḛ rɔ gə Pilistije. Dabid lé dao yaa̰.

2 Samel 21:15 ပူးပေါင်းရင်းမြစ်များ

2 Samel 21:16

Yen ŋga Jisbi-Benob, yeḛ gə́ kára mbuna ŋgalə Rapa’g lé wɔji mée’g mba tɔl Dabid. Yeḛ lé kwɔi lə niŋga-ndəi ləa as nékwɔji kwɔi-lə-né larkas munda ləm, tɔɓəi yeḛ tɔ kiambasje gə́ sigi ya rḛgee’g ləm tɔ.

2 Samel 5:17

Pilistije d’oo to gə́ d’wa dɔ Dabid gə ubu d’undá gə́ mbai dɔ Israɛlje’g ndá deḛ lai d’ḭ d’aw saŋgee. Loo gə́ Dabid oo taree ndá yeḛ ḭ aw mee kəi-kaar-kɔgərɔ’g.

2 Samel 5:22

Pilistije d’ḭ tel ree gɔl kára ya tɔɓəi ndá deḛ taa loo pəl-pəl mee wəl-loo gə́ Repayim ya ɓəi.

2 Samel 5:25

Dabid ra to gə́ Njesigənea̰ un ne ndia aree lé ndá yeḛ tuji Pilistije un kudee Geba saar teḛ Gejer tɔ.

2 Samel 8:1

Gée’g gogo Dabid dum dɔ Pilistije ar dee d’ula dɔ dee gelee’g tɔɓəi yeḛ taa siŋgamoŋ ko̰ɓee lə dee ji dee’g tɔ.

1 Sôrta Gḭka-Israɛlje 20:4

Goo néje’g neelé deḛ d’ḭ rɔ gə Pilistije mee ɓee gə́ Gejer. Yen ŋga Sibekai, dəw gə́ Husa tɔl Sipai gə́ to gə́ kára mbuna ŋgalə Rapa’g. Bèe ɓa Pilistije d’oso ne kul d’ula ne dɔ dee tɔ.

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Pakɔsje 71:9

Maji kari ilam kɔ ndɔ ɓugam’g el ləm, Loo gə́ siŋgam rəm lé ndá kara Ubam ya̰’m gə mbəa el ləm tɔ,

Pakɔsje 73:26

Dakasrɔm gə ɓəŋgərəm lé d’askəm tuji pugudu ya, Nɛ Ala a to biri mbal gə́ m’gəd rɔm dɔ’g ləm, Gə nédɔji ləm-ma ya saar-saar gə no̰ ləm tɔ.

Njekillamber 12:3

Mee ndɔ gə́ njéŋgəm takəije d’a kunda bala tigi-tigi ləm, diŋgamje gə́ njésiŋgamoŋje d’a kula dɔ dee kaw ŋguna-ŋguna ləm, denéje gə́ njékusu koje d’a kəw rɔ dee mbata deḛ bula el ləma, deḛ gə́ d’aa kəmbolè lé loondul a dəb dɔ dee’g keneŋ ləm tɔ.