2 Samel 21:14 - Maktub gə́ To gə Kəmee

¹⁴ Deḛ dubu siŋga Sawul gə ŋgonee Jonatan mee ɓee gə́ Sela, dɔ naŋg’d lə Bḛjami mee dɔɓar’g lə Kis gə́ to bɔ Sawulje lé. Togə́bè ɓa deḛ ra néje lai gə́ mbai un ndia dɔ’g ar dee lé. Gə goo né neelé ndá mee Ala to ne lɔm dɔ ɓee’g tɔ.

2 Samel 21:14 ပူးပေါင်းရင်းမြစ်များ

2 Samel 21:13

Yeḛ odo siŋga Sawul ləm, gə siŋga ŋgonee, Jonatan ləm tɔ, tɔɓəi deḛ d’odo siŋga deḛ gə́ tɔ dee tar lé kara tɔ.

2 Samel 24:25

Lée neelé Dabid ra loo-nékinjaməs keneŋ ar Njesigənea̰ ndá yeḛ inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. Togə́bè ɓa Njesigənea̰ ar mée oso né lemsé dɔ ɓee’g ndá yeḛ ar yoo-koso lé əw rəa dɔ Israɛlje’g tɔ.

2 Samel 3:32

Deḛ dubu Abner mee ɓee gə́ Ebro̰. Mbai lé ɔr ndia gə́ tar wəl no̰ ne ta dɔɓar Abner’g ar koso-dəwje lai kara no̰ səa tɔ.

2 Samel 4:12

Togə́bè ɓa Dabid un ndia ar njé’g ləa mba kar dee tɔl dee. Deḛ goré ji dee gə gɔl dee ndá na dee mbɔr kəm-rəw-mán gə́ Ebro̰. Gée gə́ gogo d’un dɔ Is-Boset d’aw ne d’aw dubu dɔɓar Abner’g mee ɓee gə́ Ebro̰ tɔ.

Junas 1:15

Bèe ɓa deḛ d’un Junas d’ilá dan baa-boo’g. Ndá mán baa-boo lé tel to ndiŋ tɔ.

Jakari 6:8

Yeḛ ɓarm ndá ulam pana: Aa oo, deḛ gə́ d’aw gə́ par gə́ ɓee gə́ dɔgel lé d’ar oŋg lə neḛ oso dɔ ɓee gə́ dɔgel’g.

Bula lə Israɛlje 25:13

Yee ɓa a to manrɔ gə́ to gə no̰ gə́ wɔji dɔ kula nékinjaməs mbata ləa ləm, gə mbata lə ŋgakeaje gə́ gée’g ləm tɔ, mbata mal Ala ləa rəa ŋgwɔd-ŋgwɔd ləm, yeḛ ra né uga ne dɔ kaiya lə Israɛlje ləm tɔ.

Bula lə Israɛlje 25:8

Yeḛ ndolè goo diŋgam gə́ Israɛl lé saar teḛ mee kəi-kubu’g ləa ndá yeḛ tɔs dee gə niŋga joo bɔr gel kum dee’g, diŋgam gə́ Israɛl ləm, gə dené lé ləm tɔ. Togə́bè ɓa gin yoo-koso lé gaŋg ne ŋgəji mbuna Israɛlje’g.

Jujé 18:28

gə Sela, gə Elep, gə Yebus gə́ to Jerusalem, gə Gibea, gə Kirjat, d’as ɓee-booje dɔg-giree-sɔ gə ɓee-kogoje lə dee. Yee ɓa to dɔ naŋg lə ŋgaka Bḛjamije gə goo gel-bɔje lə deḛ gə́ d’iŋga gə́ né ka̰ dee lé tɔ.

Jujé 7:26

Tɔɓəi deḛ daa kɔri-ərje dɔ na̰’d sururu dɔ Aka̰’g d’aree to un kudee mee ndəa gən saar teḛ ɓogənè tɔ. Bèe ɓa Njesigənea̰ ar goo oŋg ləa gə́ nuŋga kəd-kəd lé yɔr ne. Gelee gə́ nee ɓa deḛ d’unda ne ri loo neelé lə wəl-loo lə Akɔr saar teḛ ne mee ndəa gən tɔ.

1 Samel 10:2

Ɓogənè lé loo gə́ i ya̰’m mba̰ ndá i a kiŋga dəwje joo mbɔr dɔɓar Rasel’d gə́ to rəw-nim-ɓee’g lə Bḛjami gə́ to Selsak lé. Ndá d’a kulai pana: Ko̰-mulayḛ̀je-je gə́ i aw saŋg dee lé d’iŋga dee mba̰. Nɛ aa oo, bɔbije ə̰ji dɔ mulayḛ̀je-je’g el ŋga, nɛ mée to kəgəgə mbata lə sí aree pana: See ɗi ɓa n’a ra mbata lə ŋgon neḛ lé wa.