2 Samel 21:10 - Maktub gə́ To gə Kəmee

¹⁰ Yen ŋga Rispa, ŋgolə Aja gə́ dené un kubu-kwa-ndòo ila sí dɔ’g mbɔr mbal’g un kudee mee ndɔ kinja kó’g saar ndɔ gə́ ndi ḭ dara ər dɔ nin dee’g, yeḛ ɔg yelje loo tibi mbɔr nin dee dan kàrá ləm, yeḛ ɔg daje gə́ mee wala’g loondul’g ləm tɔ.

2 Samel 21:10 ပူးပေါင်းရင်းမြစ်များ

Gḭ-Néje 40:19

Nai ndɔ munda ndá Parao̰ a gaŋg dɔi ləm, a tɔi kəm kag’d gə́ tar ləm tɔ ndá yelje ɓa d’a ree mba sɔ darɔi.

2 Samel 21:11

Deḛ d’ula Dabid né gə́ Rispa, ŋgolə Aja gə́ dené gə́ to gamla-dené lə Sawul lé ra.

2 Samel 3:7

Nɛ gamla-dené lə Sawul kára ria lə Rispa gə́ to ŋgolə Aja si keneŋ. Tɔɓəi Is-Boset dəji Abner pana: See gelee ban ɓa i aw rɔ gamla-dené’g lə bɔm lé wa.

1 Mbaije 21:27

Gée’g gogo loo gə́ Akab oo taje lə Eli ndá yeḛ til kubuje rəa’g hao̰-hao̰ ya̰ ula kubu-kwa-ndòo ɓa rəa’g, tɔɓəi yeḛ ɔg mée ɓoo ləm, yeḛ to naŋg gə kubu-kwa-ndòo lé bura ləm tɔ ndá yeḛ njaa ne jan-jan tɔ.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Ejekel 39:4

I a kwəi dɔ mbalje gə́ Israɛl, i gə kudu-njérɔje ləi lai ləm, gə koso-dəwje gə́ d’a kaw səi lé ləm tɔ, n’a kari to nésɔ lə yelje gə́ njésɔ mar deeje ləm, gə néje lai gə́ gə bag dee ləma, gə daje gə́ wala ləm tɔ.

Ojee 6:3

Ar sí n’gərje Njesigənea̰ ndolèje gée, Ree ləa lé to tɔgərɔ to gə́ kàr gə́ uba kuji’g bèe. Yeḛ a ree asəna gə mán ndi bèe mbata lə sí ləm, Asəna gə ndi gə́ doŋgɔr gə́ yɔm dɔ naŋg bèe ləm tɔ.

Joɛl 1:18

Nékulje d’ula hè-hè ləm, Maŋg-kosoje d’ila mbir-mbir ləm tɔ Mbata mu sɔ dee godo. Badə-kosoje kara kəm dee to ndòo yaa̰ tɔ.

Joɛl 2:23

Seḭ dəwje gə́ Sio̰ lé Maji kar sí alje rɔ sí ləm, raje rɔlel Gin Njesigənea̰, Ala’g lə sí ləm tɔ. Mbata yeḛ a gə kar sí mán ndi Gə naḭyee-naḭyee ləm, Yeḛ a kar sí ndi gə́ doŋgɔr Gə yee gə́ gogo ləm tɔ To gə́ yeḛ ra kédé gə́ ləw lé tɔ.

Jakari 10:1

Maji kar sí dəjije Njesigənea̰ ma̰-ndi Gə́ to ma̰-ndi dɔ-nai! Njesigənea̰ a karee tel ləm, Yeḛ a kar sí ma̰-ndi Gə́ ər ɓai-ɓai ləma, Yeḛ a kar koje uba lub-lub mee ndɔ’g lə nana kara ləm tɔ.

Tel tura Godndu 11:14

m’a kar ndi ər mee ɓee’g lə sí gə naḭyee-naḭyee, ndi gə́ doŋgɔr ləm, gə rudu ndi ləm tɔ ndá seḭ a kinjaje dɔ kó lə sí ləm, a kiŋgaje mán-nduú lə sí ləma, gə ubu lə sí ləm tɔ,

Tel tura Godndu 21:13

Yeḛ a kɔr kubu gə́ ula rəa’g kédé loo gə́ d’wá ne lé ləm, a si mee kəi’g lə sí as naḭ kára gə mba no̰ ndòo bɔbeeje gə kea̰je ləm tɔ. Gée gə́ gogo ndá seḭ a kawje rəa’g kaw teaaje kaareeje tel to dené lə sí ya.

Tel tura Godndu 21:22

Ɓó lé deḛ tɔl dəw gə́ ra kaiya gə́ as yoo ɓa ɗaree kaar kag’d ndá,

Tel tura Godndu 21:23

a nai kaar kag’d loondul’g saar kar loo àr dɔ’g el, nɛ seḭ a dubeeje mee ndəa gən ya mbata yeḛ gə́ deḛ ɗaree lé to né gə́ ndɔl wa dəa kəm Njesigənea̰’g ndá maji kar sí arje ɓee gə́ Ala lə sí gə́ Njesigənea̰ ar sí gə́ nédɔji lə sí lé tel to gə́ né gə́ mina̰ el.

1 Samel 17:44

yeḛ tel ila ta dɔ’g ɓəi pana: Gə́ ree gə́ rɔm’g nee am m’ar dakasi to nésɔ yelje gə́ dara gə daje gə́ mee wala’g.

1 Samel 17:46

Ɓogənè Njesigənea̰ a kilai jim’g ndá m’a rɔ səi tuga dɔi gaŋg. Ɓogənè m’a kar nin kudu-njérɔje lə Pilistije to ka̰ yelje gə́ dara gə daje gə́ dɔ naŋg nee to gə́ nésɔ dee. Yee ɓa dəwje gə́ dɔ naŋg nee lai d’a gər to gə́ Ala lə Israɛlje si keneŋ gən ya.