2 Samel 20:21 - Maktub gə́ To gə Kəmee

²¹ Taree to togə́bè el. Nɛ dəw kára gə́ dɔ mbal gə́ Eprayim ria lə Seba, ŋgolə Bikri un jia gə́ tar mba tuji ne mbai lé, oreeje yeḛ ya gə́ karee ba ameeje ndá m’a kɔr rɔm kya̰ ɓee-boo lə sí. Dené lé ula Joab pana: D’a kila dəa dɔ ndògo-bɔrɔ’g kari.

2 Samel 20:21 ပူးပေါင်းရင်းမြစ်များ

2 Samel 20:1

Lée neelé dəw gə́ njemeeyèr kára si keneŋ ria lə Seba, ŋgolə Bikri, dəw gə́ Bḛjami. Yeḛ lé im to̰to̰ ndá yeḛ pana: Jeḛ lé né lə sí kára kara to rɔ Dabid’g el ləm, Nédɔji lə sí to rɔ ŋgolə Isai’g el ləm tɔ! Seḭ Israɛlje lé maji kar nana kara tel aw kəi-kubu’g ləa-ləa ya.

2 Samel 20:2

Yen ŋga koso-dəwje gə́ Israɛl lai d’ɔr rɔ dee rɔ Dabid’g ndá d’ɔm na̰ goo Seba, ŋgolə Bikri’g lé. Nɛ koso-dəwje gə́ Juda reḛ́ goo mbai’g lə dee’g rḛ́-rḛ́ ləm, deḛ d’ḭ səa baa gə́ Jurdɛ̰ danee saar teḛ səa Jerusalem ləm tɔ.

2 Samel 20:20

Joab tel ilá keneŋ pana: Wah, takə̰ji tuji ɓee-boo karee godo lé ma m’ə̰ji bèe el.

2 Samel 23:18

Abisai, ŋgoko̰ Joab gə́ to ŋgolə Seruja lé yeḛ to mbai dɔ bao-rɔje gə́ munda neelé. Yeḛ wa niŋga-ndəi ləa tar tɔl ne dəwje rɔ-munda, yee ɓa ria ɓar ne mbuna deḛ gə́ munda’g lé.

1 Mbaije 11:26

Jeroboam gə́ to kura lə Salomo̰ lé kara ḭ gə mbai lé ɔsee rəw tɔ. Yeḛ to ŋgolə Nebat, dəw gə́ Eprata gə́ si Sereda ndá yeḛ lé kea̰je to njekəisiŋga gə́ ria lə Serua.

2 Mbaije 10:7

Loo gə́ d’iŋga maktub neelé mba̰ ndá deḛ twa ŋgalə mbai gə́ rɔ-siri lé tɔl dee, tɔɓəi deḛ gaŋg dɔ dee d’ɔm mee karèje’g d’ula ne d’ar Jehu mee ɓee gə́ Jisreel lé ya tɔ.

2 Mbaije 5:22

Gehaji ilá keneŋ pana: M’ree kari ba ya. Ɓémje ɓa ulam mba kam m’ulai m’pana: Aa oo, basaje joo mbuna koso njéteggintaje’g d’ḭ dɔ mbal gə́ Eprayim ree rɔm’g ɓasinè-ɓasinè ya ɓəi, ma m’ra ndòo rɔi’g gə mba kari arm larnda as nékwɔji kwɔi-lə-né rɔ-munda gə kubu ra naḭ gel joo gə mba karm m’ar dee ya.

Jeremi 4:15

Mbata ndu ɓar par gə́ Dan Pata némeeko̰ gə́ a teḛ, Yee ila mberee un kudee Dɔ mbal’d gə́ Eprayim.

Jeremi 50:19

M’a tel gə Israɛlje ree sə dee Loo-si dee’g gogo, D’a kiŋga loo-ko̰-mu lə dee Gə́ to Karmel gə Basan Ndá nésɔ a kas dee nag-nag Dɔ mbal gə́ Eprayim ləm, Gə mee ɓee gə́ Galaad ləm tɔ.

Jujé 24:33

Eləajar, ŋgolə Aaro̰ lé wəi tɔ ndá deḛ dubee Gibeat-Pines gə́ d’ar ŋgalə Pines kédé kaar mbal gə́ Eprayim lé tɔ.

Njéga̰g-Rəwtaje 2:9

Deḛ dubee dɔ naŋg gə́ yeḛ iŋga gə́ né kea̰-yeḛ mee ɓee gə́ Timnat-Herɛs, kaar mbal gə́ Eprayim, kel dɔgel lə mbal gə́ Gaas.

Njéga̰g-Rəwtaje 7:24

Gedeo̰ ula njékaḭkulaje dɔ mbal gə́ Eprayim lai mba kar dee d’aw pana: Reeje mba kiŋgaje kəm Madianje taaje loo-kuru-manje saar teḛ ne Bet-Bara ləm, gə yee gə́ Jurdɛ̰ ləm tɔ. Dəwje gə́ Eprayim lai mbo̰ dɔ na̰ ndá deḛ gaŋg loo-kuru-mán saar teḛ ne Bet-Bara ləm, gə yee gə́ Jurdɛ̰ lé ləm tɔ.

Njéga̰g-Rəwtaje 9:55

Loo gə́ Israɛlje d’oo to gə́ Abimelek wəi mba̰ ndá nana kara tel aw mee kəi’g ləa-ləa ya.

1 Samel 24:6

Gée gə́ gogo ndá kaaree ɓar dulug-dulug mbata yeḛ inja ta kubu lə Sawul gə́ boi yul lé gaŋg.

1 Samel 26:9

Nɛ Dabid ula Abisai pana: Tɔlee el! Mbata see na̰ ɓa a kaskəm kun jia kɔrɔ ne rɔ yeḛ gə́ Njesigənea̰ wa dəa gə ubu lé lal kar bo̰ nérea ɔs təa’g wa.