2 Samel 20:1 - Maktub gə́ To gə Kəmee

¹ Lée neelé dəw gə́ njemeeyèr kára si keneŋ ria lə Seba, ŋgolə Bikri, dəw gə́ Bḛjami. Yeḛ lé im to̰to̰ ndá yeḛ pana: Jeḛ lé né lə sí kára kara to rɔ Dabid’g el ləm, Nédɔji lə sí to rɔ ŋgolə Isai’g el ləm tɔ! Seḭ Israɛlje lé maji kar nana kara tel aw kəi-kubu’g ləa-ləa ya.

2 Samel 20:1 ပူးပေါင်းရင်းမြစ်များ

Gḭ-Néje 46:21

Ŋgalə Bḛjami ɓa ri dee to nee: Bela gə Beker gə Asbel gə Gera gə Naaman gə Ehi gə Rɔs gə Mupim gə Hupim gə Ard.

2 Samel 15:10

Absalɔm ula njétənlooje mbuna ginkoji Israɛlje’g lai mba kar dee d’ula dee pana: Loo gə́ seḭ a kooje ndu to̰to̰ gə́ ɓar ndá seḭ a pajena: Absalɔm o̰ ɓee mee ɓee gə́ Ebro̰’g.

2 Samel 16:11

Dabid ula Abisai gə kuraje ləa lai pana: Aa ooje, ŋgon məəm ya ndigi tɔlm, nɛ ɓəd ɓa dəw gə́ Bḛjami nee ɓəi wa! Yá̰je areeje ila ndɔl dɔm’g mbata Njesigənea̰ ɓa ulá gə mba karee ra bèe ya.

2 Samel 16:7

Taje gə́ Simei pa ila ne ndɔl dəa’g ɓa nee: Aw gə́ nu, aw gə́ nu, i dəw gə́ njekilaməs gə njemeeyèr.

2 Samel 18:17

Deḛ d’un nin Absalɔm d’ilá mee bwa gə́ boi gə́ to dan mee kag-kɔr’g ndá deḛ daa kɔri-ərje dɔ na̰’d dəa’g ndiil. Israɛlje d’aḭ d’ar nana kara aw mee kəi-kubu’g ləa-ləa.

2 Samel 20:2

Yen ŋga koso-dəwje gə́ Israɛl lai d’ɔr rɔ dee rɔ Dabid’g ndá d’ɔm na̰ goo Seba, ŋgolə Bikri’g lé. Nɛ koso-dəwje gə́ Juda reḛ́ goo mbai’g lə dee’g rḛ́-rḛ́ ləm, deḛ d’ḭ səa baa gə́ Jurdɛ̰ danee saar teḛ səa Jerusalem ləm tɔ.

2 Samel 20:22

Bèe ɓa dené lé aw rɔ koso-dəwje’g lai gə kəmkàr ləa ndá deḛ gaŋg dɔ Seba, ŋgolə Bikri lé d’ila d’ar Joab. Joab im to̰to̰ ndá njérɔje sanéna̰ d’ya̰ ɓee-boo lé ndá, nana kara aw mee kəi-kubu’g ləa-ləa. Joab kara tel aw Jerusalem rɔ mbai’g lé tɔ.

2 Samel 23:6

Nɛ njémeeyèrje lai lé To d’asəna gə kunje gə́ d’ɔm dee kɔrɔ D’ar dəw wa dee gə jia el.

1 Mbaije 12:16

Loo gə́ Israɛlje lai d’oo to gə́ mbai lé oo ta lə dee el ndá koso-dəwje tel d’ila mbai’g lé pana: See ɗi lə síjeḛ ɓa to rɔ Dabid’g wa. Nénduba lə síjeḛ to na̰’d gə ka̰ ŋgolə Isai el! Israɛl, awje kəi-kubuje’g lə sí. Seḭ njé’g lə Dabid, raje né gə mbata lə gin bauje lə sí. Bèe ɓa Israɛlje lai tel d’aw mee kəi-kubuje’g lə dee ya tɔ.

1 Mbaije 21:10

Tɔɓəi undaje dəwje gə́ njémeeyèrje joo nea̰’g mba kar dee d’ɔm ta dəa’g no̰ koso-dəwje’g pa ne pana: Yeḛ ila ndɔl dɔ Ala’g lé ləm, gə ila ndɔl dɔ mbai’g ləm tɔ! Tɔɓəi oreeje gə́ raga, tiláje gə kɔri-ər tɔleeje.

2 Sôrta Gḭka Israɛlje 10:16

Loo gə́ Israɛlje lai d’oo to gə́ mbai lé oo ta lə dee el ndá koso-dəwje tel d’ila mbai’g lé pana: Ɗi lə sí to ɓa orè na̰ gə ka̰ Dabid wa. Nénduba lə sí orè na̰ gə ŋgolə Isai el! Seḭ Israɛlje, awje kəi-kubuje’g lə sí. Ɓasinè, i ŋgoka Dabid, maji kari ra né mbata gel-bɔje ləi. Bèe ɓa Israɛlje lai tel d’aw mee kəi-kubuje’g lə dee ya tɔ.

2 Sôrta Gḭka Israɛlje 10:6

Mbai Roboam lé dəji dəwje gə́ tɔg gə́ d’isi mbɔr bɔbeeje’g Salomo̰ loo gə́ yeḛ si ne kəmba ɓəi lé pana: See takəmkàr gə́ ban ɓa a kwɔjimje kamje m’tel m’ula koso-dəwje neelé wa.

Pakɔsje 17:13

Njesigənea̰, maji kari ḭta tila kəmee Mba kɔsee kilá ya! Un kiambas ləi ɔrm ne ji njemeeyèr’g lé!

Pakɔsje 34:19

Njesigənea̰ aar mbɔr deḛ gə́ ɓəŋgərə dee ti dus’g lé Yeḛ aji deḛ gə́ ndil dee unda bala tigi-tigi lé tɔ.

Gosota-Kəmkàrje 25:8

Maji kari ḭ rad aw gə dəw loo-gaŋg-rəwta’g el, Nà banelə gée gə́ gogo i a gər né gə́ kəm ra el Loo gə́ mari a kila boo-rɔkul dɔi’g.

Gosota-Kəmkàrje 26:21

Kul gə́ ɔm dɔ kɔr pər’g lé aree taa pər ləm, Kir ɓa ar pər o̰ ləm tɔ, Togə́bè ɓa dəw gə́ njetar lé Ɔs gin maḭ na̰ ta gə kɔl bèe tɔ.

Mark 3:24

Ɓó lé dəwje gə́ mee ɓeeko̰ gə́ kára d’ḭ kai na̰ loo joo rɔ na̰ ndá ɓeeko̰ neelé a to el,

Lugu 19:14

Nɛ njéɓeeje ləa d’ə̰jee bəḭ-bəḭ ndá d’ula njékaḭkulaje gée’g mba kar dee pana: Jeḛ ndigi kar dəw neelé o̰ ɓee dɔ sí’g el.

Lugu 19:27

Ges ta gə́ nai ɓa nee: Njéba̰je ləm gə́ ndigi karm m’o̰ ɓee dɔ dee’g el lé wa deeje gə́ nee amje ndá tɔl deeje kəm’g nee ya.

Tagə́maji gə́ Ja̰ ndang 13:8

Piɛrə ulá pana: Wah! i a togo gɔlm pai godo. Jeju ilá keneŋ pana: Ɓó lé ma M’tɔgi el ndá i a to kama nda̰ el.

Tel tura Godndu 13:13

Ɓó lé seḭ ooje ta gə́ wɔji dɔ ɓee-boo kára mbuna ɓee-booje’g Ala lə sí gə́ Njesigənea̰ ar sí gə mba kar sí síje keneŋ lé pana:

Njéga̰g-Rəwtaje 19:22

Loo gə́ d’isi d’al rɔ dee bèe-bèe ndá aa ooje, dəwje gə́ mee ɓee-boo’g nee gə́ to njéra nékɔbje ree gugu dɔ kəi sub d’unda tarəwkəi d’ula bai-diŋgam gə́ njekəi lé pana: Teḛ gə dəw gə́ andə kəi ləi neelé mba kar sí n’toje səa.

Njéga̰g-Rəwtaje 3:27

Loo gə́ yeḛ teḛ lée’g neelé mba̰ ndá yeḛ im to̰to̰ mee mbalje’d gə́ Eprayim. Israɛlje d’ḭ dɔ mbal’g risi d’ur naŋg səa na̰’d, ndá yeḛ tel to ne njekɔrno̰ dee tɔ.

Rudu 2:3

Togə́bè ɓa yeḛ ɔd aw wa ne ɓuru mee ndɔ’g goo njékinjakoje’g lé tɔ. Tɔɓəi né unda maji ar ndɔ neelé to ka̰ Boaj, yeḛ gə́ to njenoji lə Elimelek lé.

1 Samel 13:2

Tɔɓəi Sawul mbər njérɔje gə́ Israɛl as tɔl-dɔg-loo-munda (3.000) ndá ar deḛ gə́ tɔl-dɔg-loo-joo (2.000) d’isi səa Mikmas ləm gə dɔ mbal gə́ Betel ləm, ar deḛ gə́ tɔl-dɔg (1.000) d’isi gə Jonatan mee ɓee gə́ Gibea gə́ ka̰ Bḛjamije ləm tɔ. Ndá yeḛ ya̰ ges koso-dəwje gə́ nai lé ar nana kara aw kəi-kubu’g ləa-ləa.

1 Samel 2:12

Ŋgalə Eli lé to njéra néje gə́ kori-kori ləm, deḛ gər Njesigənea̰ el ləm tɔ.

1 Samel 30:22

Njérɔje lai gə́ to njémeeyèrje gə njéra nékori-korije mbuna deḛ gə́ d’aw gə Dabid lé d’un ta pa pana: Deḛ lé d’aw sə sí el lé ndá jeḛ j’a kar dee nébanrɔ gə́ jeḛ n’taaje lé el tɔ. Nɛ nana kara dené ləa gə ŋganeeje ba ya ɓa j’a karee ndá d’a kaw sə dee.