2 Samel 2:5 - Maktub gə́ To gə Kəmee

⁵ Ndá Dabid ula njékaḭkulaje rɔ koso-dəwje gə́ Jabɛs gə́ Galaad mba kar dee d’ula dee pana: Maji kar dɔkaisəgərə lə Njesigənea̰ nai sə sí mbata seḭ raje meemaji gə Sawul gə́ to mbai lə sí dubeeje ne.

2 Samel 2:5 ပူးပေါင်းရင်းမြစ်များ

Gḭ-Néje 14:19

Yeḛ tɔr ndia dɔ Abram’g pana: Maji kar Ala gə́ Njekurdɔloo, yeḛ gə́ to mbai dɔ dara gə naŋg nee lé tɔr ndia dɔ Abram’g!

Gḭ-Néje 14:22

Abram ila mbai gə́ Sɔdɔm keneŋ pana: Ma m’un jim par gə́ rɔ Njesigənea̰’g, Ala gə́ Njekurdɔloo, yeḛ gə́ to mbai dɔ dara gə naŋg nee:

2 Samel 15:20

I lé tagə́nè ba ya ɓa ree ɓəi ndá ɓogənè m’a kɔri kari aw sə sí gə́ yo gə́ nee loo gə́ ma nja kara m’gər loo-kabm gəd bèe el ɓəi. Maji kari tel ndá ar ŋgakɔḭje d’aw səi na̰’d. Maji kar Njesigənea̰ ra səi meemaji gə meenda londoŋ ya.

2 Samel 21:12

Ndá Dabid aw odo siŋga Sawul gə siŋga ŋgonee, Jonatan mee ɓee’g lə Jabɛsje gə́ Galaad gə́ d’odo dee Bet-Səan loo gə́ Pilistije tɔ dee tar mee ndəa gə́ deḛ tɔl ne Sawul mee ɓee gə́ Gilboa lé.

Pakɔsje 115:15

Maji kar Njesigənea̰ tɔr ndia dɔ sí’g ya, Yeḛ nja ra dara gə naŋg nee tɔ.

Jujé 2:14

Dəwje neelé d’ilá keneŋ pana: Ɓó lé i un dɔ sí el ndá kisi kəmba lə síjeḛ lé a to gin kisi kəmba ləi ya, bèe ɓa loo gə́ Njesigənea̰ a kar sí ɓee neelé ndá jeḛ kara j’a ra səi meemaji gə ŋgonkoji ya tɔ.

Njéga̰g-Rəwtaje 21:8

Deḛ tel dəji tɔɓəi pana: See mbuna ginkoji Israɛlje’g lé dəw gə́ ra ɓa lal ree rɔ Njesigənea̰’g loo gə́ Mispa’g wa. Nɛ aa oo, deḛ d’oo to gə́ dəw kára kara mee ɓee gə́ Jabɛs dɔ naŋg’d gə́ Galaad ree loo-si dee’g əsé loo-mbo̰-dɔ-na̰’g lé el.

Rudu 1:8

Yen ŋga Naomi ula məmeeje-je gə́ joo neelé pana: Ŋganəmje, telje awje, nana kara tel aw mee kəi lə kea̰je ya. Maji kar Njesigənea̰ ra sə sí meemaji to gə́ seḭje kara raje ne gə deḛ gə́ d’wəi lé ləm, raje ne səm ma bèe ya ləm tɔ.

Rudu 2:20

Naomi ula məmeeje lé pana: Maji kar Njesigənea̰, yeḛ gə́ oo kəmtondoo lə deḛ gə́ d’isi kəmba to gə́ yeḛ ra mbata lə deḛ gə́ d’wəi mba̰ lé tɔr ndia dəa’g ya. Tɔɓəi yeḛ ulá pana: Dəw neelé to njenoji lə sí gə́ pər ya, yeḛ to dəw gə́ mbuna deḛ gə́ njekoo goo síje-je lé ya.

Rudu 3:10

Boaj ilá keneŋ pana: Némbaaje, maji kar Njesigənea̰ tɔr ndia dɔi’g ya. Gelgodo ləi gə́ gogo neelé ɔr gin néraije gə́ kédé lé njai ya, mbata i aḭ goo ŋgan basaje’d gə́ to gə́ njéndooje əsé gə goo dee-deḛ gə́ njénékiŋgaje’g el.

1 Samel 11:1

Nakas, mbai gə́ Amo̰ ree aḭ dɔ ɓee gə́ Jabɛs gə́ to dɔ naŋg gə́ Galaad’g sub gə rɔ. Njé gə́ Jabɛs lai d’ula Nahas pana: Un ndui gə mba kɔm sə sí na̰’d ndá j’a ra ɓər ləi ya ɓəi.

1 Samel 11:9

Deḛ d’ula njékaḭkulaje gə́ ree lé pana: Seḭ a kulaje dəwje gə́ Jabɛs gə́ Galaad’g lé pajena: Bèlè loo gə́ kàr a nuŋga kəd-kəd ndá seḭ a kiŋgaje njétaa dɔ síje ya. Njékaḭkulaje d’aw gə ta neelé d’aw d’ula njé gə́ Jabɛs d’ar rɔlel rusu meḛ dee tub-tub

1 Samel 15:13

Samel aw rɔ Sawul’g ndá Sawul ulá pana: Maji kar Njesigənea̰ tɔr ndia dɔi’g! Ma m’aa dɔ ta lə Njesigənea̰ kər-kər ya.

1 Samel 23:21

Sawul pana: Maji kar Njesigənea̰ tɔr ndia dɔ sí’g mbata seḭ ooje kəmtondoo ləm.

1 Samel 24:19

Ɓogənè i riba dɔ meemaji ləi gə né gə́ i ra səm lé mbata Njesigənea̰ ilam jii’g ya nɛ i tɔlm el.