2 Samel 2:32 - Maktub gə́ To gə Kəmee

³² Deḛ d’un nin Ajael d’aw dubee dɔɓar bɔbeeje’g mee ɓee gə́ Betlehem. Joab gə njérɔje ləa d’aw loondul’g saar loo àr dɔ dee’g ndá deḛ teḛ Ebro̰ tɔ.

2 Samel 2:32 ပူးပေါင်းရင်းမြစ်များ

Gḭ-Néje 47:29

Loo gə́ ndɔ kwəi lə Israɛl nai dəb ndá yeḛ ɓar ŋgonee gə́ Jisəb ulá pana: Ɓó lé ma m’taa kəmi rəgm ndá ma m’ra ndòo rɔi’g mba kari ula jii gel biŋgim’g un ne ndui mba ra səm némeemaji ləm, gə ŋgonkoji ləm tɔ. Ma m’ra ndòo rɔi’g mba kari dubum mee ɓee gə́ Ejiptə neelé el!

Gḭ-Néje 47:30

Loo gə́ m’a toɓi mbuna kamje-je’g ndá i a kunm ɓee gə́ Ejiptə nee teḛ səm raga ndá i a kaw dubum mee dɔɓar’g lə kamje-je ɓa. Jisəb ndigi təa’g pana: M’a ra səi gə goo tapai ya.

2 Samel 2:31

Nɛ njérɔje lə Dabid tɔl njérɔje tɔl-munda gə dɔ dee rɔ-misa̰ (3.600) mbuna Bḛjamije’g gə njé gə́ lə Abner tɔ.

2 Samel 5:1

Ginkoji Israɛlje lai d’aw rɔ Dabid’g mee ɓee gə́ Ebro̰ d’ulá pana: Aa oo, jeḛ n’toje sḭgarɔije ləm, gə darɔije ləm tɔ.

2 Sôrta Gḭka Israɛlje 16:14

Deḛ dubee mee dɔɓar gə́ yeḛ nja uru kédé mee ɓee-boo’g lə Dabid. D’ilá dɔ tira gə́ podé néje ɓəd-ɓəd gə́ ə̰də sululu keneŋ gə goo gosɔkəmkàr lə njepodé néje gə́ ə̰də sululu lé, tɔɓəi deḛ tuu boo-néje neelé d’ula ne rɔnduba dəa’g tɔ.

2 Sôrta Gḭka Israɛlje 21:1

Josapat wəi ndá deḛ dubee dɔɓar’g lə bɔbeeje-je mee ɓee-boo’g lə Dabid. Ndá ŋgonee Joram ɓa o̰ ɓee toree’g tɔ.

Gosota-Kəmkàrje 22:29

Ɓó lé i oo dəw gə́ gər gosokula ləa maji ndá Yeḛ a kaar no̰ dəwje gə́ kari ba’g el.

Njéga̰g-Rəwtaje 8:32

Gedeo̰, ŋgolə Joas lé si gə rɔlel ya ləb ɓuga’g ləa ɓa wəi ne, ndá deḛ dubee dɔɓar’g lə bɔbeeje gə́ Joas mee ɓee gə́ Opra gə́ to ka̰ gel-bɔje lə Abiejer tɔ.

1 Samel 17:58

Sawul dəjee pana: Basa, see i to ŋgolə nawa. Dabid tel ilá keneŋ pana: Ma m’to ŋgolə kura ləi Isai, dəw gə́ Betlehem ya.