2 Samel 2:1 - Maktub gə́ To gə Kəmee

¹ Gée’g gogo, Dabid dəji Njesigənea̰ pana: See m’a kaw mee ɓee gə́ kára mbuna ɓee-booje gə́ Juda wa. Njesigənea̰ ilá keneŋ pana: Aw! Dabid tel dəjee pana: See ɓee gə́ ra ɓa m’a kaw keneŋ wa. Ndá Njesigənea̰ tel ilá keneŋ pana: Aw Ebro̰.

2 Samel 2:1 ပူးပေါင်းရင်းမြစ်များ

Gḭ-Néje 13:18

Abram tɔr kəi-kubuje ləa aw si mbuna kag-sɛnəje’d gə́ Mamré gə́ to mbɔr Ebro̰’g dəb. Ndá yeḛ ra loo-nékinjaməs keneŋ ar Njesigənea̰.

Gḭ-Néje 32:2

Jakob aw kəmee gə́ kédé ɓəi. Ndá kuraje lə Ala gə́ dara teḛ d’iŋgá.

2 Samel 15:7

Loo gə́ rudu ləb gə́ njekɔm’g rɔ-sɔ as ndá Absalɔm dəji mbai pana: Ya̰ loo am m’aw Ebro̰ mba tɔl ta ndukun ləm gə́ ma m’un m’ar Njesigənea̰ lé bém ɓa.

2 Samel 2:11

Ndɔje gə́ Dabid o̰ ne ɓee dɔ Judaje’g mee ɓee gə́ Ebro̰ lé to ləb siri gə naḭ misa̰.

2 Samel 5:19

Dabid dəji Njesigənea̰ pana: See m’a kḭ kaw rɔ gə Pilistije wa. See i a kya̰ dee jim’g ya wa. Ndá Njesigənea̰ ila Dabid keneŋ pana: Aw ya mbata m’a kya̰ Pilistije neelé jii’g ya.

2 Samel 5:23

Dabid dəji Njesigənea̰ ndá Njesigənea̰ ulá pana: I a kaw el, nɛ turu rɔi goo dee’g gogo ndá i a kiŋga dee no̰ kag-kɔlje’g.

1 Mbaije 2:11

Ləbje lai gə́ Dabid o̰ ne ɓee dɔ Israɛlje’g lé d’as rɔ-sɔ. Yeḛ si Ebro̰ o̰ ɓee ləbee siri ləm, yeḛ si Jerusalem o̰ ɓee ləbee rɔ-munda-giree-munda ləm tɔ.

1 Sôrta Gḭka-Israɛlje 29:7

Néje gə́ deḛ d’ar gə mba ra ne kula mee kəi’g lə Ala ɓa nee: Larlɔr as nékwɔji kwɔi-lə-né tɔl-dɔg-loo-tɔl gə dəa rɔ-siri (1.070) ləm, larlɔr gə́ d’unda ria lə darikə as nékwɔji kwɔi-lə-né tɔl-dɔg-loo-dɔg (10.000) ləm, larnda gə́ al dɔ nékwɔji kwɔi-lə-né tɔl-dɔg-loo-tɔl-munda (300.000) ləm, gə larkas as nékwɔji kwɔi-lə-né tɔl-dɔg-loo-tɔl-misa̰ (600.000) ləma, gə larndul gə́ al dɔ nékwɔji kwɔi-lə-né tɔl-dɔg-loo-tɔl-dɔg-loo-munda (300.000) ləm tɔ.

2 Sôrta Gḭka Israɛlje 11:10

gə Sorea, gə Ajalo̰ gə Ebro̰, gə́ to dɔ naŋg gə́ ka̰ Judaje gə Bḛjamije, yee ɓa yeḛ ar siŋga ɓee-booje neelé to ne tɔ.

Pakɔsje 143:8

Un kudee teḛ gə ndɔ rad ya ndá Am m’oo meemaji ləi Mbata ma lé m’ɔm məəm dɔi’g ya. Ar kəm inja dɔ rəw gə́ kəm njaa keneŋ lé Mbata ma lé m’tel kəm par gə́ rɔi’g ya.

Pakɔsje 27:4

Ma m’dəji Njesigənea̰ né kára gə́ ma m’ndiŋga lé Ma m’ndəb ndəbee gə mba kiŋga: Ma m’ndigi si kəi lə Njesigənea̰ saar gə nɔm ya Gə mba korè ne kəm ndəŋ dɔ boo-ronduba’g lə Njesigənea̰ ləm, Gə mba kar kəm wəi ne sḭ dɔ kəi-siée’g ləm tɔ.

Ejekel 36:37

Mbaidɔmbaije gə́ Njesigənea̰ pa togə́bè pana: Aa ooje, né gə́ raŋg ya tɔɓəi gə́ gel-bɔje lə Israɛl d’a saŋg ne neḛ mba kar neḛ n’ra n’ar dee ɓa to nee: N’a kar bula lə dəwje ḭ dɔ maree’d gə́ kédé-kédé to gə́ koso-nékulje bèe.

Bula lə Israɛlje 13:22

D’un rəw par gə́ dɔkɔl ndá d’aw saar teḛ Ebro̰, lé neelé Ahiman, gə Sesai gə Talmai, ŋgalə Anak d’isi keneŋ. Ebro̰ lé deḛ ra as ləb siri kédé ɓa ra Soan gə́ mee ɓee gə́ Ejiptə ɓəi.

Bula lə Israɛlje 27:21

Yeḛ a ree kaar no̰ Eləajar gə́ to njekinjanéməs’g lé mba kar Eləajar aw no̰ Njesigənea̰’g gə mbata ləa mba karee gər ne né gə́ kəm ra gə goo né gə́ urim ɓa a tɔjee, togə́bè Josué ləm, gə Israɛlje lai ləma, gə koso-dəwje lai ləm tɔ d’a kaw gə goo ndukun lə Eləajar ləm, d’a tel ree gə goo ndukun ləa ləm tɔ.

Jujé 15:13

Deḛ d’ar Kaleb, ŋgolə Jepune loo gə́ wɔji dəa mbuna Judaje’g to gə́ Njesigənea̰ un ne ndia ar Josué lé, deḛ d’aree Kirjat-Arba gə́ to Ebro̰: Arba lé to bɔ Anakje tɔ.

Njéga̰g-Rəwtaje 1:1

Loo gə́ Juje wəi mba̰ ndá Israɛlje dəji Njesigənea̰ pana: See na̰ ɓa mbuna sí’g a kɔr rɔ doŋgɔr kaw rɔ gə Kana̰je wa.

1 Samel 10:22

Deḛ tel dəji Njesigənea̰ tɔɓəi pana: See dəw lé ree nee ya wa. Njesigənea̰ pana: Yeḛ iya rəa mbuna nékodoje’g kən.

1 Samel 23:2

Togə́bè Dabid dəji Njesigənea̰ pana: See m’a kaw rɔ gə Pilistije nee mba dum dee wa. Njesigənea̰ ilá keneŋ pana: Aw ndá i a dum dɔ Pilistije taa ne dɔ njé gə́ Keyila ya.

1 Samel 23:4

Togə́bè Dabid tel dəji Njesigənea̰ ya tɔɓəi. Njesigənea̰ tel ilá keneŋ pana: Ḭta aw Keyila, mbata m’ya̰ Pilistije meḛ jii’g ya.

1 Samel 30:31

gə njé gə́ Ebro̰ ləma, gə looje lai gə́ Dabid gə dəwje ləa njaa keneŋ kédé lé ləm tɔ.