2 Samel 19:39 - Maktub gə́ To gə Kəmee

³⁹ Mbai lé pana: Maji kar Kimham aw səm ya ndá m’a ra səa né gə́ a taa kəmi ya, néje lai gə́ i ndigi kiŋga rɔm’g ndá m’a ra kari ya.

2 Samel 19:39 ပူးပေါင်းရင်းမြစ်များ

Gḭ-Néje 14:19

Yeḛ tɔr ndia dɔ Abram’g pana: Maji kar Ala gə́ Njekurdɔloo, yeḛ gə́ to mbai dɔ dara gə naŋg nee lé tɔr ndia dɔ Abram’g!

Gḭ-Néje 28:3

Maji kar Ala gə́ Bao-siŋgamoŋ lé tɔr ndia dɔi’g ari oji ŋganje bula ləm, ar dee d’ɔs goo na̰ gə́ kédé-kédé kari tel to ne ginkoji dəwje gə raŋg bula ləm tɔ!

Gḭ-Néje 45:15

Tɔɓəi yeḛ il ɓɔl ŋgakea̰je lai, no̰ ne dɔ dee’g. Gée gə́ gogo ndá ŋgakea̰je d’wɔji səa ta.

Gḭ-Néje 47:10

Jakob tɔr ndia dɔ Parao̰’g ndá yeḛ ḭ no̰ Parao̰’g teḛ raga.

Gḭ-Néje 47:7

Jisəb ree gə bɔbeeje gə́ Jakob aree aar no̰ Parao̰’g ndá Jakob tɔr ndia dɔ Parao̰’g tɔ.

2 Samel 13:25

Mbai lé ula Absalɔm pana: Wah, ŋgonəm, jeḛ j’a kaw lai el nà j’a kwɔi dɔi’g yaa̰. Absalɔm ɔsee ɓɔḭ-ɓɔḭ nɛ mbai lé ndigi kaw el ndá yeḛ tɔr ndia dəa’g ɓa.

2 Samel 14:33

Joab aw rɔ mbai’g ndá yeḛ ndaji ta neelé aree oo tɔ. Bèe ɓa mbai lé ɓar Absalɔm aree aw rəa’g ndá Absalɔm lé unda barmba dəb kəmee naŋg nea̰’g. Ndá Mbai lé il ɓɔl Absalɔm tɔ.

2 Samel 19:38

Maji karm-ma, kura ləi m’tel m’aw m’wəi mee ɓee-boo’g ləm, mbɔr dɔɓar bɔmje gə kɔmje’g ya. Nɛ aa oo, kura ləi Kimham ɓa a kaw gə mbai ləm ndá maji kari ra səa né gə́ i oo gə́ né gə́ maji kəm ra lé ya.

2 Samel 6:18

Loo gə́ Dabid tɔl ta kula nékinjanéməsje gə́ ka̰ roo ləm, gə ka̰ kɔm na̰’d ləm tɔ ndá yeḛ tɔr ndia dɔ koso-dəwje’g gə ri Njesigənea̰ gə́ njeboo-néje lé tɔ.

2 Samel 6:20

Dabid tel aw gə mba kaw tɔr ndia dɔ njémeekəije’g ləa ndá Mikal, ŋgolə Sawul gə́ dené lé teḛ iŋgá. Yeḛ dəjee pana: Rɔnduba gə́ ban ɓa d’ula dɔ mbai lə Israɛlje’g ɓogənè ɓa aree tɔr ne kubu rəa’g kəm ŋganjélookisije’g ləa gə́ dené gə diŋgam to gə́ lə dəw gə́ kari ba ɓa tɔr kubu rəa’g bèe nee wa.

1 Mbaije 19:20

Léegəneeya Elije uba maŋgje ləa ya̰ dee aiŋgwɔd goo Eli’g ndá yeḛ dəjee pana: Ya̰’m am m’aw m’il ɓɔl bɔmje gə kɔmje ɓa m’a kaw gooi’g ɓəi. Eli tel ilá keneŋ pana: Aw ndá tel ree: mbata maji kari ə̰ji dɔ né’d gə́ ma m’ra səi lé.

Bula lə Israɛlje 24:25

Balaam ḭ tel aw kəi ləa ləm, Balak kara ɔd aw loo ləa ləm tɔ.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Néra Njékaḭkulaje 20:37

Deḛ lai neelé kəm dee təd gə mán-no̰, ar dee nim na̰ dɔ tamee’g njururu.

1 Njé gə́ Tesalonikə 5:26

Raje ŋgako̰ síje lai lapia ar sí tɔnje ne ɓɔl dee gə meendakaḭ.

Rudu 1:14

Yen ŋga deḛ d’ɔr ndu dee gə́ tar wəl gə no̰ ya tɔɓəi. Ndá Ɔrpa lé wa məmeeje gə́ Rudu lé karee’g sud ɓa yeḛ tel ɓəi, nɛ Rudu lé reḛ́ gée’g rḛ́-rḛ́ ya.

1 Samel 24:22

Ɓasinè, maji kari man rɔi gə ri Njesigənea̰ am to gə́ i a tuji ŋgakamje gə́ goom’g el ləm, gə i a kar rim udu mbuna njémeekəije’g lə bɔmje el ləm tɔ ɓa.