2 Samel 19:37 - Maktub gə́ To gə Kəmee

³⁷ Kura ləi a kaw gə mbai gir baa gə́ Jurdɛ̰ ba ya. See gelee ba̰ tɔɓəi ɓa mbai a kwa səm noji gə́ togə́bè wa.

2 Samel 19:37 ပူးပေါင်းရင်းမြစ်များ

Gḭ-Néje 47:30

Loo gə́ m’a toɓi mbuna kamje-je’g ndá i a kunm ɓee gə́ Ejiptə nee teḛ səm raga ndá i a kaw dubum mee dɔɓar’g lə kamje-je ɓa. Jisəb ndigi təa’g pana: M’a ra səi gə goo tapai ya.

Gḭ-Néje 48:21

Israɛl ula Jisəb pana: Aa oo, m’a gə kwəi ya! Nɛ Ala a nai sə sí ləm, a tel sə sí dɔ naŋg’d lə ka síje ləm tɔ.

Gḭ-Néje 50:13

Deḛ d’unee d’aw səa ɓee gə́ Kana̰ ndá deḛ dubee mee bolè mbal gə́ to loo-ndɔ gə́ Makpéla, to yee gə́ Abrakam ndogo gə Epro̰ gə́ to gə́ ginkoji’g lə Het mba karee to dɔɓar gə́ loo-dubu-dəwje ləm, to loo gə́ wɔji dɔ Mamré njoroŋ ləm tɔ.

2 Samel 19:36

Ɓogənè ma m’ra ləbm rɔ-jinaijoo ŋga. See m’askəm gər né gə́ maji əsé né gə́ majel ya tɔɓəi wa. See kura ləi askəm gər lel lə nésɔ gə nékai ya ɓəi wa. See m’askəm koo ndu njékɔspaje gə́ diŋgam gə njé gə́ dené ya ɓəi wa. See gelee ban ɓa kura ləi a kaw tel to nékodo gə́ wɔi dɔ mbai’g ləm wa.

2 Samel 19:38

Maji karm-ma, kura ləi m’tel m’aw m’wəi mee ɓee-boo’g ləm, mbɔr dɔɓar bɔmje gə kɔmje’g ya. Nɛ aa oo, kura ləi Kimham ɓa a kaw gə mbai ləm ndá maji kari ra səa né gə́ i oo gə́ né gə́ maji kəm ra lé ya.

2 Samel 19:40

Loo gə́ koso-dəwje lai gaŋg baa gə́ Jurdɛ̰ mba̰ ləm, mbai kara gaŋg ləm tɔ ndá mbai il ɓɔl Barjilai tɔr ne ndia dəa’g tɔ. Bèe ɓa Barjilai tel aw loo-siée’g ɓəi.

1 Mbaije 13:22

mbata i tel ree ləma, i sɔ né gə ai mán loo gə́ yeḛ ulai pana: I a ko̰ muru keneŋ el ləm, i a kai mán keneŋ el ləm tɔ lé ndá nini a kaw loo gə́ dubu bɔbije-je keneŋ el ŋga.

1 Mbaije 2:7

I a ra meemaji gə ŋgalə Barjilai, dəw gə́ Galaad lé, d’a si mbuna deḛ gə́ d’usɔ səi né na̰’d ta-ta ya. Mbata loo gə́ deḛ ree la səm mee ndəa gə́ m’aḭ ne no̰ ŋgokɔḭ Absalɔm’g lé deḛ ra səm meemaji togə́bè tɔ.

1 Mbaije 4:5

Ajaria, ŋgolə Natan to mbai dɔ njékaa dɔ néje, Jabud ŋgolə Natan, to njekaa dɔ ɓeeko̰ gə́ mbai undá dan kəmee’g,

Jeremi 41:17

Deḛ njaa saar d’aw d’aar naŋg ta Kəi-to-mbàje gə́ to Kimham mbɔr Betlehem’g dəb ɓa gə mba sa rɔ dee kaw Ejiptə gə́ əw gə Kaldeje mbata

2 Timote 4:6

Ma lé m’to asəna gə nékai gə́ ka̰ tər naŋg mba̰ ar ndɔ kaw ləm nai dəb ba ŋga.

Jujé 23:14

Aa ooje, ɓasinè ma lé m’a gə kwəi ya. Seḭ gərje gə meḛ sí bura ləm, gə rɔ sí bura ləm tɔ, to gə́ mbuna taje gə́ maji lai gə́ Njesigənea̰, Ala lə sí pa ar sí lé ta kára kara gə́ lal ra née lé godo, taje lai neelé d’aw lée’g béréré-béréré mbata lə sí ɓó yee gə́ kára kara gə́ lal ra née lé godo ya.

2 Piɛrə 1:14

Mbata ma m’gər gao, nai dəb ba gə mba karm m’ḭ m’uba kəi-surum neelé m’ya̰ gə goo ta gə́ Jeju Kristi Mbaidɔmbaije riba səm dəa lé.