2 Samel 19:24 - Maktub gə́ To gə Kəmee

²⁴ Yen ŋga mbai lé ula Simei pana: D’a tɔli el! Bèe ɓa mbai lé man ne rəa aree tɔ.

2 Samel 19:24 ပူးပေါင်းရင်းမြစ်များ

2 Samel 12:20

Yen ŋga Dabid uba naŋg ḭta. Yeḛ aw ndogo mán ləm, yeḛ ndèm ubu ləma, yeḛ ula kubuje gə́ raŋg rəa’g ləm tɔ ndá yeḛ aw mee kəi’g lə Njesigənea̰ aw unda barmba naŋg. Gée gə́ gogo yeḛ tel ree kəi ləa ndá yeḛ dəji dee mba kar dee d’aree nésɔ ndá yeḛ sɔ tɔ.

2 Samel 15:30

Dabid uba dɔ mbal gə́ ria lə mbal Koiyoje. Yeḛ aw no̰ gə mán-no̰ kəmee’g ləm, on dəa gə kubu ləma, njaa gə gɔlee kari ba ləm tɔ. Deḛ lai gə́ d’aw səa lé d’ɔn dɔ dee gə kubu ləm, d’aw no̰ gə mán-no̰ kəm dee’g ləm tɔ.

2 Samel 16:3

Mbai lé dəjee pana: See ŋgolə ɓéije si ra wa. Siba tel ila mbai’g lé pana: Aa oo, yeḛ nai Jerusalem mbata yeḛ pana: Ɓogənè ya ginkoji Israɛlje d’a tel gə ɓeeko̰ lə bɔ neḛje kar neḛ.

2 Samel 9:11

Yeḛ ila mbai’g lé pana: Kura ləi a ra néje lai gə́ mbai gə́ to mbai ləm un ndia dɔ’g ar kura ləa lé ya. Togə́bè ɓa Mepiboset sɔ ne né gə Dabid na̰’d ta-ta asəna gə ŋgolə mbai bèe tɔ.

1 Mbaije 2:8

Aa oo, Simei, ŋgolə Gera, yeḛ gə́ to ginkoji lə Bḛjami gə́ ɓee gə́ Bahurim lé si mbɔri’g dəb. Yeḛ lé pata ndɔlje gə́ kəbərə-kəbərə ila dɔm’g ndɔ gə́ m’aw ne Mahanayim. Nɛ yeḛ ree iŋgam mbɔr baa’d gə́ Jurdɛ̰ ndá ma man rɔm gə ri Njesigənea̰ m’aree m’pana: M’a tɔlee gə kiambas el.

Teḛ-Raga 19:10

Tɔɓəi Njesigənea̰ ula Moyis pana: Aw rɔ koso-dəwje’g neelé ar dee d’unda rɔ dee gə kəmee mba ndɔ gə́ ɓogənè gə bèlè ləm tɔ ndá maji kar dee togo kubuje lə dee tɔ.

Esai 15:2

D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Jeremi 41:5

dəwje rɔ-jinaijoo gə́ d’ḭ Sikem, gə Silo, gə Samari ree, deḛ neelé ndisa mbaita dee ləm, kubuje lə dee ŋgisi ləma, deḛ tḭja rɔ dee pədərə-pədərə ləm tɔ. Deḛ ree gə nékarje gə néje gə́ ə̰də sululu mba kaw ne mee kəi’g lə Njesigənea̰.

Matiyo 6:16

Loo gə́ seḭ ɔgje meḛ sí ɓoo lé ndá arje kəm sí mas mbidi-mbidi dɔ’g to gə́ ka̰ njéhulaije lé bèe el. Deḛ nja d’ula kəm dee na̰’d sir-sir gə mba kar dəwje d’oo dee to gə́ d’ɔg meḛ dee ɓoo. Ma nja m’ula sí woḭ, ɓai née ya d’iŋga kən mba̰.

Njé gə́ Rɔmə 12:15

Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.

Ǝbrəje 13:3

Arje meḛ sí olé dɔ daŋgaije’g, to gə́ lə seḭje kara seḭ sije sə dee daŋgai’g bèe tɔ. Arje meḛ sí olé dɔ deḛ gə́ mar deeje d’ula kəm dee ndòo to gə́ seḭje kara d’ula kəm sí ndòo bèe tɔ.