2 Samel 19:22 - Maktub gə́ To gə Kəmee

²² Yen ŋga Abisai, ŋgolə Seruja un ta pa pana: Simei lé see kəm karee wəi mbata ndɔl gə́ yeḛ ila dɔ yeḛ gə́ Njesigənea̰ wa dəa gə ubu lé el wa.

2 Samel 19:22 ပူးပေါင်းရင်းမြစ်များ

2 Samel 16:10

Nɛ mbai lé pana: Seḭ ŋgalə Seruja lé see ta ɗi lə sí to keneŋ wa. Ɓó lé yeḛ ila ndɔl dɔm’g ndá to mbata Njesigənea̰ ulá pana: Ila ndɔl dɔ Dabid’g! Ŋga see na̰ ɓa a dəjee pana: See ban ɓa i ra togə́bè wa.

2 Samel 16:5

Dabid ree saar ta ɓee gə́ Bahurim ndá, aa oo, dəw kára gə́ to gə́ ginkoji’g lə njémeekəije lə Sawul ria lə Simei, ŋgolə Gera unda loo mee ɓee’g teḛ. Yeḛ aw pər gə́ rɔ Dabid’g pa taje ila ne ndɔl dəa’g ləm,

2 Samel 16:9

Yen ŋga Abisai, ŋgolə Seruja dəji mbai pana: See gelee ban ɓa yoo-bisi nee aar ila ndɔl dɔ mbai’g bèe wa. Ya̰ loo am m’aw m’tuga dəa m’gaŋg.

2 Samel 3:39

Ma lé d’wa dɔm gə ubu d’undam ne gə́ mbai nɛ siŋgam godo ya ɓəi. Dəwje nee gə́ to ŋgalə Seruja lé siŋga dee ur dɔm’g. Maji kar Njesigənea̰ uga dɔ njemeeyèr gə goo némeeyèr ləa ya.

Esai 16:5

Meemaji ɓa a kar kalimbai to ne njaŋg, Yeḛ gə́ to ŋgonkoji gə́ a ree si dɔ’g lé A kḭ mbuna ŋgaka Dabidje’g lé ya. Yeḛ a to njegaŋ-rəwta Gə́ néra gə́ danasur wa mée ləm, Néra gə́ gə dɔ najee ɓa malee a rəa ŋgwɔd-ŋgwɔd ləm tɔ.

Matiyo 8:29

Deḛ ra né ɓəgəgə-ɓəgəgə pana: I Ŋgon-Ala lé see ɗi ləi ɓa to rɔ sí’g wa. See i ree mba kula kəm sí ndòo kédé yal ɓa kar ndəa teḛ ɓəi wa.

1 Samel 11:13

Nɛ Sawul pana: Dəw a tɔl dəw kára kara mee ndɔ’g bèe’g el, mbata ɓogənè lé Njesigənea̰ un baŋga mee ɓee gə́ Israɛl’g.

1 Samel 26:11

Wah! Ma ɓa yḛ̀, maji kar Njesigənea̰ ɔgm loo kun jim kɔrɔ ne rɔ yeḛ gə́ Njesigənea̰ wa dəa gə́ ubu lé! Nɛ maji kari un ko̰-niŋga ləa gə́ to mbɔr négəd dəa’g ləm, gə ku-gwɔb-mán ləa ləm tɔ ndá ar sí j’ɔd j’awje.

1 Samel 26:8

Yen ŋga Abisai ula Dabid pana: Ɓogənè Ala ila njeba̰ ləi meḛ jii’g. M’ra ndòo rɔi’g, ya̰ loo am m’ɔsee gə ko̰-niŋga ya, m’a kɔsee ji kára ba ya kɔree naŋg ɓó m’a tel kɔsee ji joo el.

1 Samel 26:9

Nɛ Dabid ula Abisai pana: Tɔlee el! Mbata see na̰ ɓa a kaskəm kun jia kɔrɔ ne rɔ yeḛ gə́ Njesigənea̰ wa dəa gə ubu lé lal kar bo̰ nérea ɔs təa’g wa.