2 Samel 19:20 - Maktub gə́ To gə Kəmee

²⁰ Tɔɓəi yeḛ ula mbai lé pana: Maji kar mbai ləm tura goo néra kori-korije ləm ɔm dɔm’g el ləm, maji kar mee mbai ləm wəi dɔ meekɔsgel gə́ kura ləi ɔs ne səi gel mee ndəa gə́ mbai ləm unda ne loo mee ɓee gə́ Jerusalem teḛ ləma, maji kar mbai ə̰ji gée el ləm tɔ.

2 Samel 19:20 ပူးပေါင်းရင်းမြစ်များ

Gḭ-Néje 48:14

Israɛl ula jikɔlee ndiŋ gə́ dɔ Eprayim’d gə́ to ŋgon gə́ ndɔḭ lé tɔɓəi yeḛ ila jigelee dɔ Manasə’g tɔ. To né yeḛ wɔji mée’g mba kula jia bèe ya mbata Manasə lé to gə́ ŋgondər ya.

Gḭ-Néje 48:20

Ndəa neelé yeḛ tɔr ndia dɔ dee’g pana: Israɛl a tɔr ne ndia dɔ dəwje’g gə rii ɓa pana: Maji kar Ala ra sə sí né to gə́ yeḛ ra gə Eprayim gə Manasə bèe! Ndá yeḛ ɓar ri Eprayim kédé ɓa ka̰ Manasə ɓəi.

2 Samel 16:5

Dabid ree saar ta ɓee gə́ Bahurim ndá, aa oo, dəw kára gə́ to gə́ ginkoji’g lə njémeekəije lə Sawul ria lə Simei, ŋgolə Gera unda loo mee ɓee’g teḛ. Yeḛ aw pər gə́ rɔ Dabid’g pa taje ila ne ndɔl dəa’g ləm,

2 Samel 19:21

Mbata kura ləi gər kaiya ləa gao ya. Nɛ aa oo, ma nja m’ree ɓogənè gə́ doŋgɔr lə gel-bɔje lə Jisəb lai mba tila kəm mbai ya.

2 Samel 19:9

Togə́bè ɓa mbai lé ḭta aw si tarəwkɔg’d. D’ula njérɔje lai pana: Aa ooje, mbai si tarəwkɔg’d. Bèe ɓa njérɔje lai ree d’aar no̰ mbai’g lé. Nɛ njérɔje lə Israɛl ɓa d’aḭ d’ar nana kara aw mee kəi-kubu’g ləa-ləa ya.

1 Mbaije 12:20

Loo gə́ Israɛlje lai d’oo to gə́ Jeroboam tel ree ndá deḛ d’ula kula ɓaree loo-mbo̰-dɔ-na̰’g lə koso-dəwje, d’undá gə́ mbai lə Israɛlje lai. Deḛ gə́ d’un goo gin bauje lə Dabid lé to njé gə́ ginkoji’g lə Judaje ya kára ba tɔ.

1 Mbaije 12:25

Jeroboam unda gel ɓee-boo gə́ Sikem dɔ mbal gə́ Eprayim ndá yeḛ si keneŋ, tɔɓəi yeḛ ḭ keneŋ aw unda gel ɓee-boo gə́ Penuel tɔ.

Jeremi 22:23

Seḭ gə́ síje sém mbal gə́ Liba̰ Gə́ raje kəi lə sí asəna gə kəi-yel Mbuna kag-sɛdrəje’g bèe lé Loo gə́ némeekonje d’a teḛ dɔ sí’g ndá Seḭ a tuma̰je ŋgururu-ŋgururu, To némeeko̰ gə́ to asəna gə ndóo Gə́ ra dené loo-koji ŋgon’g bèe.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Ojee 5:3

Eprayimje lé ma m’gər dee gao ləm, Israɛlje kara d’askəm kiya rɔ dee kəm’g el ləm tɔ. Mbata ɓasinè seḭ Eprayimje Seḭ ubaje Ala yá̰je ləm, Israɛlje lé d’ar rɔ dee mina̰ ne jɔmri-jɔmri ləm tɔ.