2 Samel 19:2 - Maktub gə́ To gə Kəmee

² Deḛ ree d’ula Joab pana: Aa oo, mbai lé no̰ sii mbigi-mbigi mbata lə Absalɔm.

2 Samel 19:2 ပူးပေါင်းရင်းမြစ်များ

2 Samel 14:1

Joab, ŋgolə Seruja oo to gə́ mee mbai to dɔ Absalɔm’g yaa̰ ya ɓəi.

2 Samel 19:1

Yen ŋga meeko̰ ḭ gə mbai lé aree ḭ aw mee kəi gə́ to dɔ tarəwkɔg’d tar gə mba no̰. Loo gə́ yeḛ aw njaa lé yeḛ no̰ tar tar pana: Ŋgonəm Absalɔm, ŋgonəm, ŋgonəm Absalɔm! See ban ɓa ma ya m’wəi tori’g el wa. Ǝi Absalɔm, ŋgonəm, ŋgonəm!

2 Samel 19:3

Bèe ɓa kun baŋga gə́ mee ndəa’g neelé tel to kwa ndòo yoo mbata lə njérɔje lai mbata mee ndəa’g neelé njérɔje d’oo to gə́ mbai wa ndòo mbata lə ŋgonee.

Gosota-Kəmkàrje 16:15

Ŋgaŋ-kogo lə mbai to kaji lə dəw ləm, Meemaji ləa to asəna gə ndi dɔ naḭ bèe ləm tɔ.

Gosota-Kəmkàrje 19:12

Oŋg lə mbai lé to asəna gə ndu kinja miḭ lə toboḭ bèe ləm, Koo kəmtondoo ləa lé to asəna gə mán-tàl gə́ wa dɔ mu’g bèe ləm tɔ.